منتدي عالمك - طريقة عمل طريقة تحضير بيتزا سهلة،طريقة تحضير البيتزا في المنزل،طريقة عمل خبز الثوم من العيش الفينو

https://up.kntosa.com/uploads/kntosa...5737280883.gif
حبايبى الحلوين عاملين ايه فى الجو الرهيب داه ربنا يلطف بينا جميعا يا رب
نصحصح بقى و نفوق علشان دى مش اى وصفة
البييييييبيييييييتزا
ما شاء الله اللهم بارك شايفين الجمال
https://up.kntosa.com/uploads/kntosa...7593552511.jpg
بصوا بقى انا مش هقولكم ان زى باره و احلى و الكلام داه لا خالص
بفضل الله مفيش وجه مقارنه اصلا
https://up.kntosa.com/uploads/kntosa...9759347875.jpg
كل اللى جرب عجينتى و طريقتى فى البيتزا هيبقى عارف انا بتكلم عن ايه و اللى لسه ماجربش فايته كتييييير
بصوا الحمدلله انا ظبطت المقادير دى بطريقتى بحيث كل مكون موجود يساعد فى الاخر اننا ناخد نتيجه ماحصلتش
أظن الصور بتتكلم لوحدها
https://up.kntosa.com/uploads/kntosa...7304904315.jpg
شايفين هشه ازاى و ناعمه و قطنية اكتر من القطن نفسه و لا الطعم و الريحه و المطا مش قادره اقولكم
و الله احسن من الجاهزه مليون مره و لا العيش بالثوم بقى يا سيدى
https://up.kntosa.com/uploads/kntosa...7593579113.jpg
مقادير سهله جدا و بسيطه و نتيجه مضمونه بإذن الله
و هقولكم كل التفاصيل و الملاحظات اللى تخليها احلى بيتزا بإذن الله
ان شاء الله تجربوها و تعجبكم و ماتنسونيش فى دعوه حلوه
البيتزا البيتى الرهييييييبة بعجنتى الخاصه و على طريقتى مع العيش بالثوم
البيتى يكسب
المقادير :
المقدار داه عمل ٢ بيتزا بالحجم داه
نصف كيلو دقيق بيتزا و مخبوزات او جميع الاغراض يعنى من ٣ و ١/٢ إلى ٤ كوب دقيق
م ك خميرة فورية
م ك سكر
م ك لبن بودرة بيفرق جدا فى النتيجه لأنه بيعتبر محسن و بيدى غنى و طراوه و هشاشة رهيبه للعجينه
١/٤ م ص بيكنج بودر
ملح
زعتر فريش أو ناشف
١/٤ كوب زيت
علبه زبادى كبيره وزن ١٦٠ جرام يعنى حوالى ٣/٤ كوب
لبن اللى هو الحليب دافئ للعجن
صلصة البيتزا :
فى كذا حل ياما تجيبوا صلصة البيتزا الجاهزه أو تاخدوا كام معلقة من صلصة الطماطم العاديه
و تحطوا عليها ملح و فلفل و زعتر و ثوم و بصل بودرة و سكر و تقلبوهم كويس مع بعض

و هتدى نفس الطعم أو تعملوها من الألف للياء
صلصة البيتزا البيتى :
٤ ثمرات طماطم متوسطة الحجم
٢ م ك صلصة طماطم حسب الرغبه لو عايزين نعزز الطعم و اللون
م ك سكر
م ص بصل بودرة
١/٢ م ص ثوم بودرة
م ص زعتر ناشف
م ص ريحان ناشف
م ص ملح
زيت زيتون أو عادى
هنغسل الطماطم كويس و بعدين هنعمل فيها شق بالسكينة مش من ناحيه العنق بتاعها لا من الناحيه التانيه
على شكل علامة إكس أو زائد و بعدين هنحطها فى حله فيها مياه مغليه لمده ٣٠ ثانيه
و نطلعها فى بوله فيها مياه ساقعه بثلج بالطريقة دى هنقدر نقشر الجلد بكل سهوله
و نحافظ على اللحم و احنا بنقشر و ناخدها نضربها فى الخلاط و بعدين نجيب كسروله نحط فيها الزيت
و ننزل بالطماطم المضروبه فى الخلاط و باقى المكونات و نديها كده تسبيكه و نسيبها تبرد و نستخدمها فى البيتزا بتاعتنا
للوجه :
التوبينج اللى على الوش حسب الرغبه
فلفل رومى اخضر و ألوان متقطعين صغير
زيتون مفروم ناعم
طماطم لحم بدون البذر متقطعه صغير
اى نوع لحوم بارده نحبها أو ميكس جبن بس أو خضروات بس أو فراخ مستويه أو لحمه مستويه أو تونه زى ما تحبوا
ميكس جبن أو موتزاريلا بس
الصور بقا بتتكلم لوحدها يلاه نشوف
https://up.kntosa.com/uploads/kntosa...9730460411.jpg
https://up.kntosa.com/uploads/kntosa...9730462162.jpg
https://up.kntosa.com/uploads/kntosa...9730463683.jpg
https://up.kntosa.com/uploads/kntosa...9730464994.jpg
https://up.kntosa.com/uploads/kntosa...9730466455.jpg
https://up.kntosa.com/uploads/kntosa...9730467696.jpg
https://up.kntosa.com/uploads/kntosa...9730469027.jpg
https://up.kntosa.com/uploads/kntosa...9730470788.jpg
https://up.kntosa.com/uploads/kntosa...9730472249.jpg
https://up.kntosa.com/uploads/kntosa...7304736910.jpg
https://up.kntosa.com/uploads/kntosa...7304756211.jpg
https://up.kntosa.com/uploads/kntosa...7304775412.jpg
https://up.kntosa.com/uploads/kntosa...7304822313.jpg
https://up.kntosa.com/uploads/kntosa...7304863814.jpg
https://up.kntosa.com/uploads/kntosa...7304904315.jpg
https://up.kntosa.com/uploads/kntosa...9759342441.jpg
https://up.kntosa.com/uploads/kntosa...9759344182.jpg
https://up.kntosa.com/uploads/kntosa...9759345523.jpg
https://up.kntosa.com/uploads/kntosa...9759346664.jpg
https://up.kntosa.com/uploads/kntosa...9759347875.jpg
https://up.kntosa.com/uploads/kntosa...9759349076.jpg
https://up.kntosa.com/uploads/kntosa...9759350257.jpg
https://up.kntosa.com/uploads/kntosa...9759351448.jpg
https://up.kntosa.com/uploads/kntosa...9759352839.jpg
https://up.kntosa.com/uploads/kntosa...7593540410.jpg
https://up.kntosa.com/uploads/kntosa...7593552511.jpg
https://up.kntosa.com/uploads/kntosa...9759356612.jpg
https://up.kntosa.com/uploads/kntosa...7593579113.jpg
https://up.kntosa.com/uploads/kntosa...2573729154.gif