منتدي عالمك - طريقة عمل طاجن اللحمة بالخضار بالصور, طريقة عمل خضار سوتيه باللحم,صينية لحمة بالفرن بالصور

https://up.3almik.com/uploads/3almik...2527665761.gif

صينية لحمة بالفرن بالصور,طريقة عمل طاجن اللحمة بالخضار بالصور, طريقة عمل خضار سوتيه باللحم

السلام عليكم
طبعا كلنا بنزهق من الاكل العادى ونبقي عايزين نجدد
انا عملت الاكله دى وطلعت تحفه
صينيه خضار باللحم ف الفرن بالصور هتعجبك اوي
https://up.3almc.com/uploads/3almik....3104957732.jpg

نقول بسم الله
صينيه الخضار باللحم في الفرن على طريقتي
المقادير:
كيس باميه 400 جم مجمد او فريش اللى موجود
لحم ضانى او غنم 500 جم ونقطعها قطع صغيره
بصله كبيره مبشوره او متقطعه صغير اوى
طماطمتين
3 فصوص توم
حبه فلفل احمر
صلصه طماطم
زيت او سمن حسب الرغبه
التوابل
(ملح وفلفل اسود وقرفه وتوابل مشكله وريحان مجفف بيدى ريحه حلوه اوى )
الخطوات:
اول حاجه حطيت شويه زيت ف طاسه ولما سخنوا نزلت عليهم اللحمه لحد ما خدت لون
وحطيت عليها قرفه وتوابل مشكله وفلفل اسود
وبعدين جبت صينيه بيركس رصيت فيها اللحمه
ومكان زيت اللحمه حطيت البصل ولما اصفر شوحت معاه الباميه لحد ما تنزل ميتها
وبعدين طلعتها ورصيتها فوق اللحمه
في الخلاط بقي اضربي الطماطم مع شويه ميه وحطى التوم والفلفل الاحمر والصلصه
وضيفي الملح وفلفل اسود وشويه توابل ورشه ريحان
وصبي خليط الصلصه ع الصينيه البايركس
وغطيها بفويل ودخليها الفرن على حراره عاليه وبعدين وطى شويه بتستوى بسرعه
ودى صورتها بعد مااستوت
https://up.3almc.com/uploads/3almik....3104954011.jpg
وعملت جمبيها رز وبتنجان مخلل تحفه
https://up.3almc.com/uploads/3almik....3104957732.jpg
لو عجبكم الموضوع ادعولى بصلاح الحال ليا ولاسرتى
https://up.3almik.com/uploads/3almik...2527672272.gif