منتدي عالمك - ازاى تستفيدى من قشر الجمبرى وتحوليه لبودر

https://up.kntosa.com/uploads/kntosa...2573730637.gif
يا مساء الفل..
انا عملت بهارات الجمبري والاطباق البحريه وجربتها وطلعت واااو
وقلت اقولكم
https://up.kntosa.com/uploads/kntosa...8106357472.jpg
الطريقه..يارب تفيدكم
دي قشور كيلو ونص جمبري رؤؤس وقشر الجمبري نفسه..
غسلتها كويس وسبتها تتصفي كويس اوي ومبقاش فيهم ميه
ورصيتهم فصينيه يكون الحائط بتاعها واطي ومعاها شرايح ليمون
ورشه زعتر حلوه .ودخلتهم الفرن ..
وبقيت كل شويه افتح اقلب اللي فوق تحت واللي تحت فوق ووطيت الفرن
وسبتهم براحتهم ..لغايه ما لقيت القشور وانا بقلب صوت القرمشه
طلع انها نشفت ومفيهاش اي سوائل زي اللي فالصوره..
خدت القشور دي والرؤؤوس وكله وعالكبه وتنطحني جامد اوي ..
لغايه ما بقت بودره كده..وممكن تصفيها لو فيها حتت كبيره شويه..
وعشان تضمني ان كله ناعم ..ريحتها رائعه فعلا وهي بتتطحن ..
وعبتها في برطمان وحطيته فالتلاجه.
خدت منها وعملت رز للسمك وعملت منها شوربه السي فود
وخدت ملئ معلقه ع شوربه عاديه ودوبتها فالشوربه وعملت ملوخيه .
لو غمضت عينك تقول الجمبري عايم فيها..
نفس فكره البصل البودر والتوم البودر..
ده بقى جمبري بودر...
بجد توابل لاطباق الاسماك ولكل الاكل اللي عاوزينه بنكهه الجمبري.
روعه وبيتي والاحلى انها صنع ايدك..
جربوا ومتنسونيش بدعوه حلوه
https://up.kntosa.com/uploads/kntosa...8106355751.jpg
https://up.kntosa.com/uploads/kntosa...8106357472.jpg
https://up.kntosa.com/uploads/kntosa...8106358743.jpg
https://up.kntosa.com/uploads/kntosa...8106359924.jpg
https://up.kntosa.com/uploads/kntosa...5737314858.gif