منتدي عالمك - طريقة عمل كفتة داوود باشا بالصور والخطوات 2018

https://up.3almc.com/uploads/3almc.n...6420063965.gif
البنات القمرات
معلش هو طبق بسيط
بس قولت انزله ويمكن افيد حد
ولو بمعلومة بسيطة يمكن تفيد بنوته جديدة
كلنا بيجى علينا وقت نكون محتارين نعمل اكل ايه
لاسباب منها اننا اخر الشهر
وممكن نكون مش عارفة اطبخ ايه انهاردة
فكرتى انى لما بشترى لحمة مفرومة بكيسها على 4 اكياس
مرة مكرونة باشميل
مرة كفتة رز
مرة اعملها مع رقاق
ومرة اعملها مع بطاطس صنية
وانهاردة هاعملها فى اكلة لذيذة وسهلة
{كفتة داوود باشا}
مقاديرها بسيطة
لحمة مفرومة-بصلة-طماطم- فصين توم-خضرة
ملح وفلفل-معلقتين بقسماط-معلقتين زيت
الطريقة
نبشر البصلة وعليها الطماطمة
ونغسل الخضرة ونقطعها
ونخلطهم كلهم مع اللحمة المفرومة
ونضيف الملح والفلفل
وممكن رشة قرفة ومعلقتين البقسماط
ونكورها وتبقى جاهزة لحد كدة
https://up.3almec.com/uploads/3almec...2825736491.jpg
وبعدين نجهز الطاسة وفيها شوية زيت هنشوح فيها الكفتة كدة
https://up.3almec.com/uploads/3almec...2825741962.jpg
نرفع كور الكفتة ونبشر بصلة ونحمرها لحد ماتصفر مكان الكفتة
ونكون ضربنا طماطمتين فى الخلاط ننزل بيهم على البصلة
ونقطع نصف فلفلة خضرة مع فص التوم فى الصلصة
ونظبط ملحها ولماتغلى ننزل بكور الكفتة تاخد غلوة
وتدخل الفرن تكمل سواها ونحمر وشها
وانا ضيفت معاها بطاطسة قطعتها مكعبات
منها تعمل كونتراست للاكل ومنها تزوده
https://up.3almec.com/uploads/3almec...2825743663.jpg
وهنا بعد مااستوت
https://up.3almec.com/uploads/3almec...4282574574.jpg
https://up.3almec.com/uploads/3almec...2825747235.jpg
https://up.3almec.com/uploads/3almec...2825748496.jpg
وتتقدم مع طبق صلطة او بدنجان مخلل ورز بالشعرية
والف هنا على قلوبكم
https://up.3almc.com/uploads/3almc.n...6420064976.gif