منتدي عالمك - كيف اعمل كباب باللحم؟

طبعا كباب الحلة يعتبر من المقدسات و ماحدش يقدر يجي جنبه
https://up.3almc.com/uploads/3almik....8609863321.jpg

بس انهاردة انا قررت اوديه في حتة تانية و تعالوا نشوف
هنبدأ بالمقادير
500 جرام لحمة مكعبات
3 بصلات متوسطين
3 فصوص توم مفروم
ربع كوباية بسلة بسلة مجمدة
معلقة سكر بني
ربع كوباية Dark Soy sauce
معلقتين خل بلسمك Balsamic Vinegar
حوالي 600 مل شوربة لحمة
رشة ملح وفلفل
معلقة زبدة و معلقتين زيت زتون
زعنر فريش
حبهان
ورق لورا
https://up.3almc.com/uploads/3almik....8618929141.jpg

في الحلة اللي هنعمل فيها كل حاجة على نار عالية هنشوح اللحمة

و بعدين ننزل بالبصل و التوم و السكر و نسيب البصل يدبل شوية و رشة ملح و فلفل
هننزل بالبسلة و الصويا صوص و الخل البلسمك و نقلب كله تقليبة حلوة
هنزود الشوربة لحد ما تغطي الحاجات في الحلة
هنزود الزعتر و الحبهان و ورق لورا
نغطيها و نسيبها تغلي 10 دقايق

و بعدين هوطي النار خالص و اسيبها تستوي براحتها ساعتين ونص
لحد ما الصوص يتقل و اللحمة تستوي و البصل هيكرمل
الطبق ده مع ان مافيهوش توابل كتير بس في حفلة flavours حصلة جوة الحلة
و ممكن نعتبره مخدر طبيعي في اخر اليوم
هحط شويك tips في الستوريز
واسمع مني و ماتراجعش ورايا
https://up.3almc.com/uploads/3almik....8609864962.jpg

و يارب الناس المتمسكين بالتراث مايمسكوش في خناقي