منتدي عالمك - كيكة اوص بس انستقرام،كيكة اوص بس الشهيره،قنبلة الشيكولاتة ، قنبلة السعادة

السلام عليكم ياأهل( عالمك )
تحياتى لكم جميعا أينما كنتم .. ..
بكرة الجمعة إن شاء الله يالا نعمل حاجة حلوة
حلوة قوى قوى ( أوص كيك ) هى معروفة بالإسم ده ..
أنا بقى بسميها قنبلة الشيكولاتة أو قنبلة السعادة سهلة
https://up.3almc.com/uploads/3almik....1062318961.jpg
ومن غير أى تعقيدات زى ماتعودنا مع بعض
يالا بينا¦
المقادير لعمل الكيكة :
كوبين دقيق _كوب سكر _كوب لبن _نصف كوب كاكاو _كوب إلا ربع زيت _
كيس ىبيكنج بودر _3 بيضات _رشة ملح _فانيليا _معلقة كبيرة خل
الطريقة :
*فى الخلاط.....
حنضرب السكر مع البيض مع الفانيليا ...
ونضيف اللبن والزيت ومعلقة الخل ونضيف نصف كوب الكاكاو ونضرب كويس قوى
*فى بولة غويطة ...
نضيف البيكنج بودر والملح للدقيق( المنخول ) ونقلب كويس
*ننزل بخليط الخلاط على الدقيق ونقلب فى اتجاه واحد حتى يختفى الدقيق تماما ...
وننزل بأقل من ربع كوب ماء على الخليط حتى يتجانس الخليط تماما
*حنحضر حلة مقاس( 22) أو صينية مقاس (24) ونبطنها بالزبدة والدقيق
ونتخلص من أى دقيق زيادة
*حنسخن الفرن على( 150) وندخل الصينية على الشبكة فى منتصف الفرن ...
مش حنفتح الفرن قبل مرور (30)دقيقة ولما نشم ريحة الكيك ..
نفتح الفرن بالراحة ونختبر الكيك بوضع( عود شيش) لما يطلع نضيف تبقى الكيكة استوت ...
غالبا بتآخد حوالى (40)دقيقة
*نطفى عليها ونسيبها تبرد
*لما تبرد خالص ...أطلع الكيك من الحلة وأضعه على الصينية اللى حأقدم عليها...
وأضع طبق دايرته أقل من دايرة الكيكة على وش الكيكة وأبدأ بسكينة أعمل دايرة حوالين
الطبق .....أرفع الطبق وأبدأ أفرغ الكيك من قلبها بمعلقة بالراحة جدا
وأنزل فى قلب الكيك وأعمل تجويف لغاية لما أجوف قلب الكيكة كويس قوى
*طريقة عمل الحشو :
فى الخلاط ...نضع كوب ونصف لبن _كوب سكر _نصف كوب كاكاو _
كوب كريم شانتيه خام واضرب كويس قوى وانزل بخيط زيت (حوالى نصف كوب )....
لغاية لما الخليط يتقل ويلمع (ممكن استعمل مضرب كهرباء)
_نشيل جزء من الخليط على جنب لوحده
_على باقى خليط الكريمة ...
نضع قلب الكيك اللى فرغناه ونضرب كويس لغاية مايتكون عندى خليط متماسك وناعم
_نقوم بمسح الكيكة المفرغة من الداخل بقليل من الشربات الخفيف
(أولبن بالكاكاو والسكر )..وذلك لتطرية الكيك
_نرجع بقى حشوة الكريمة التقيلة لقلب الكيكة ونضغطها لجوة ونملى أى فراغات كويس قوى
_آخر حاجة ..ننزل بصوص الشيكولاتة اللى خليناه على جنب على وش الكيكة
ونزين الوش بالشيكولاتة الفارمسيل أ و الشيكولاتة المبشورة
*نضع الكيكة فى التلاجة قليلا حتى تتماسك ..الصور حتوضح أكتر
يالا بينا¦
ياارب تعجبكم
وألف هنا وشفا طعم الشيكولاتة الثرى جداااا
(وما توفيقى إلا بالله)
طريقة تجويف الكيكة ...
أضع طبق على وش الكيكة وألف حواليه بالسكينة لعمل دايرة داير مايدور ...
وبعدين أشيل الطبق وأبدأ أفرغ بمعلقة
https://up.3almc.com/uploads/3almik....0616178331.jpg

الكيكة بعد تجويفها واخراج قلبها
https://up.3almc.com/uploads/3almik....0618783381.jpg

بعد وضع آخر طبقة من صوص الشيكولاتة
https://up.3almc.com/uploads/3almik....0621140571.jpg
رشى شيكولاتة فارمسيل على الوش
https://up.3almc.com/uploads/3almik....1062318961.jpg

الصورة تغنى عن التعليق
https://up.3almc.com/uploads/3almik....0625464721.jpg

الكوب اللى بعاير بيه
https://up.3almc.com/uploads/3almik....0627239871.jpg

الطعم الوهم للشيكولاتة
https://up.3almc.com/uploads/3almik....1062981541.jpg

الشكل النهائى بعد تزينها بشريط الحلويات
https://up.3almc.com/uploads/3almik....0632475811.jpg

القطعة ماشاء الله والشكل واضح طبقات من جوة
https://up.3almc.com/uploads/3almik....0636070941.jpg

عندما تنهمر الشيكولاتة
https://up.3almc.com/uploads/3almik....0636096433.jpg

https://up.3almc.com/uploads/3almik....0636093412.jpg