منتدي عالمك - عجينة سحرية واحدة,عجينه لكل المخبوزات عملت منها السنابون والكرواسون والباتيه والدنش والبيتزا

https://up.3almec.com/uploads/3almec...7529464763.png
لا اسمح بنقل موضوعى الى اى موقع
طريقة عمل طريقة عمل فورية سهلة
بصوا
والله العظيم ما كان قصدي اعملهم ولا قصدي ابوظ لكم الرجيم .
انا هحكيلكم اللي حصل بكل امانة
الظروف كلها اتسهلت فعملتهم
كان عندي كيلو لبن لقيته رايب فقلت حرام ارميه خلاص هقوم اعجن بيه مخبوزات بدل الزبادي .
وفعلا عجنت عجينة وبعدين فكرت طب هحشيها ايييه ؟
روحت على الديب فريزر دعبست شوية طلعت بواقي لحمة مفرومة معصجة كانت باقية من صينية بشاميل
على حبة حشو بيتزا كانوا متبقيين مني من قبل كدة وشيلتهم
وعلبة فيها تفاح متكرمل بالقرفة كانوا تفاحتين دبلانين محدش هياكلهم فقشرتهم وعملتهم
وقولت ينفعوا في تارت تفاح ولا حاجة .
اخدتهم ورحت على التلاجة لقيت جزرتين بشرتهم وفلفلتين قطعتهم وبواقي جبنة رومي ناشفة
ضربتهم في الكبة وحتتين بسطرمة وزتونتين وحزمة بقدونس .
قولت تمام اوي كدة .
العجينة كانت خمرت
حطيت اللحمة المفرومة على البسطرمة على الجبنة على الزتون على الفلفل والجزر عملوا بولة حلوة .
وحشيت بيها الساندوتشات الجميلة دي بقت معجنات حادقة
لما الحشو الحادق خلص .
اخدت التفاح المكرمل بالقرفة وعملت دنش محشي بالتفاح ولما خلص هو كمان
شوية قرفة وسكر بقى و روحت عاملة باقي العجينة سينابون
والله على ما اقول شهيد
انا بحب اصحابي https://vb.kntosa.com/images/smilies/asmaile(27).png https://vb.kntosa.com/images/smilies/asmaile(27).png

بصوا يا جماعة . العجينة دي هدية والله
عجينة متعدد الاغراض تنفع سينابون وتنفع بيتزا وتنفع كرواسون وباتيه ودنش وتنفع كرات محشية زي خلية النحل .
اي حاجة بتتعمل معجنات العجينة دي تنفع معاها
لو جربتوها هتدعولي وهتبقى احسن من اللي بتشتروها من برة وتكلفتها اقل بكتير
ولو حد عنده اي اقتراحات ياريت يقولي عليها ونزودها

https://upload.3dlat.com/uploads/3dl...642698ca01.gif

المقادير :

كيلو دقيق بيتزا ( موجود في اي سوبر ماركت او محلات مستلزمات الحلويات )
2 كيس خميرة فورية
6 معالق كبيرة لبن بودرة
باكو بيكنج بودر
رشة ملح
6 معالق كبيرة مايونيز وعملته في البيت (هبقى اكتبه في بوست )
3 زبادي او 4 براحتك
3 معالق سكر
ربع كوب زيت
3 معالق صغيرة خل
كوباية ماية دافية للعجن او اكتر على حسب نوع الدقيق .
الطريقة :
اختبري الخميرة الاول في نص كباية مية دافية ومعلقتين سكر وسيبيها حبة على جنب لو فارت تبقى سليمة
لخبطي الباقي كله على بعضه وبعدين الخميرة واعجني فيها 10 دقايق متواصل او اكتر لغاية ما تتطري وتكون مش ملزقة ولا مفرفته . كمية المية اللي هتزوديها تتوقف على نوع الدقيق
وبعدين سيبيها تخمر ساعة متغطية في مكان دافي .
بعد الخمير
قطعي العجينة كورات اد البيضة كدة ورصيها على صينية كبيرة مرشوشة دقيق وسيبيها ترتاح بس غطيها
دة في حالة لو كنتي هتعملي حاجات صغيرة اما لو بيتزا كبيرة فقسميها على حسب حجم البيتزا اللي انتي عاوزاه
https://vb.kntosa.com/images/smilies/bsmile (25).png السنابون
تاخدي 4 كور او اكتر على حسب الحجم اللي انتي عاوزاه وتحطيهم على بعض وبعدين تفرديهم دايرة واحدة كبيرة

سمكها اقل من نص سنتي . وتدهينيها زبدة وترشى عليها سكر بني او( سكر ابيض ولخبطي عليه عسل اسود مش فارقة )
ورشي عليها قرفة
وبعدين لفي العجينة كلها علشان تكون اسطوانة طويلة وقطعيها بالسكينة قطع ورصيها في صينية مدهونة زبدة
بعيد عن بعض وسيبيها ترتاح وتخمر تاني وبعدين دخليها الفرن على الشبكة
وجهزي https://vb.kntosa.com/images/smilies/asmaile(2).png التوب دريسينج بتاعها بقى
كوباية سكر
كباية لبن بودرة
4 قطع جبنة مثلثات او كيري
3 معالق زبدة واقل من ربع كوب ماء دافي او زي ما تحبي السمك تقيل او خفيف .
زوي المية حبة حبة وفي الخلاط او الكبة كله على بعضه
(على فكرة دي نفس طريقة عمل اللبن المكثف بس شيلي الجبنة منها) .
لحد ما يمتزجوا وبعدين دخليها التلاجة تمسك شوية وحطي فوق السينابون بعد ما تطلع من الفرن .
او وهي في الطبق اللي هتقدميها فيه
الواحدة بتتباع برة ب 50 جنيه
https://vb.kntosa.com/images/smilies/bsmile (25).png الكرواسون
هتاخدي كورة وتفرديها رفيعة اوي اد الطبق المدور كدة
وتحطيها في طبق وتدهنيها زبدة
وتحطي فوقها واحدة كمان وتدهينيها زبدة لحد ما يبقوا 8 طبقات وبعدين حطيها في التلاجة علشان ترتاح والزبدة تتماسك
بعد حوالي ساعة طلعي الطبق وحطيهم فوق بعض على الرخامة وافرديهم بالنشابة مرة واحدة
وهم فوق بعض بردو لحد ما يبقى دايرة كبيرة سمكها نص سنتي وقطعي الدايرة مثلثات زي ما بتقطعي البيتزا
ولفي كل مثلث زي المحشي من الحتة العريضة للحتة الرفيعة وممكن تحشيها اي حاجة لو عايزة
ورصيهم في الصينية وتعوجيهم من الطرفين وانتي بتحطيهم .
وسيبيهم يرتاحوا وبعدين ادهني الوش بخليط من رشة نسكافيه ورشة سكر ومعلقتين لبن بودرة
ومعلقتين مية وممكن ترشي سمسم
وكذلك https://vb.kntosa.com/images/smilies/bsmile (25).png الباتيه
بس بعد هتفردي العجينة مستطيل مش دايرة وتقطعيها مستطيلات وتلفيها زي المحشي كدة بس اكبر طبعا
https://vb.kntosa.com/images/smilies/bsmile (25).png الدنش
تاخدي كورة وتفرديها رفيع وتدهينيها زبدة وتلفيها زي القلم
وبعدين تعمليها كحكة مقفولة
ولما تستوي ادهنيها مربة واي حاجة على الوش
https://vb.kntosa.com/images/smilies/bsmile (25).png البيزا
ممكن وحدات صغيرة ميني بيتزا او كبيرة براحتك زي ماتحبي
بعد ما تفرديها تدهينيها خليط صلصة على كاتشب وجبنة كريمي وتحطي فوقها اي حاجة بتحبيها ومتوفرة فراخ
او تونة او سي فود او خضار او سلامي او بسطرمة او جبن وزتون
المهم تغطي في الاخر بجبنة موتزاريلا
اهم حاجة لنجاح العجينة
العجن فترة طويلة على اد ما تقدري اقل حاجة 10 دقايق ممكن اكتر .
الراحة بين كل مرحلة والتانية يعني بين التخمير والتقطيع وبين التقطيع والتشكيل وبين التشكيل والحشو
لو في وبين الحشو والتسوية ودي اهم واخر مرحلة للراحة (مهمة جدا )
التسوية على الشبكة في النص في فرن سخن على درجة 180 .
الف هنا https://vb.kntosa.com/images/smilies/asmaile(36).png
عجينة سحرية واحدة
يلاه نشوف الصور بقى
https://up.3almik.com/uploads/3almik...5852855131.jpg

https://up.3almik.com/uploads/3almik...6585286032.jpg

https://up.3almik.com/uploads/3almik...5852947283.jpg

https://up.3almik.com/uploads/3almik...5852954564.jpg

https://up.3almik.com/uploads/3almik...5852962525.jpg

https://up.3almik.com/uploads/3almik...5852968646.jpg

https://up.3almik.com/uploads/3almik...5852975357.jpg

https://up.3almik.com/uploads/3almik...5852982728.jpg

https://up.3almik.com/uploads/3almik...5852988099.jpg

https://up.3almik.com/uploads/3almik...8529977710.jpg

https://up.3almik.com/uploads/3almik...5853003311.jpg

https://up.3almik.com/uploads/3almik...8530088712.jpg

يارب تعجبكم https://vb.kntosa.com/images/smilies/asmaile(2).png

https://up.3almec.com/uploads/3almec...7529467594.png