منتدي عالمك - الاستفادة من لب الباذنجان.طريقة عمل قلب الباذنجان بكذا وصفة.مخلل لب الباذنجان

https://up.3almc.com/uploads/3almc.n...4539605067.png
كل سنة وانتم طيبين وكالعادة ورغم الغلاء
ان شاء الله موفرين بشوية تفكير يجى بمشيئة الله التوفير
ودلوقتى ندخل فى الموضوع لازم نحاول منرميش اى حاجة
قبل ما نفكر ممكن نستخدمها فى ايه ونوفر
التوفيرة الاولى
هى قلب التقوير محشى باذنجان
https://up.3almc.com/uploads/3almc.n...7510503821.jpg
دلوقتى انتى حبيتى تعملى محشى باذنجان بألف هنا وطبعا كالعادة
قلب التقوير على الزبالة طب ليه هو ده مش يعتبر باذنجان بدون قشر
تقدرى تديله سلقة على النار او شوية فى الفرن وتعملى منه احلى بابا غنوج
مع شوية طحينة وفصين توم وخل وليمون وملح وكمون وفلفل
تقدرى كمان تعملى منه احلى مسقعة وزى بتاعة المطعم هما مش بيهرسوها بالشوكة
اهو مهروس جاهز
ممكن تستعمليه فى المقلوبة اومع الباقى من خلطة رز المحشى
وتسويه لوحده تحفة وكأنك بتاكلى محشى
ممكن كمان تكسرى عليه بيضتين او 3 وبقدونس مفروم وملعقة دقيق وتتبليه
زى ما انتى عايزة وتسخنى الزيت وبالكبشة واعملى احلى عجة باذنجان
بنقور الباذنجان بنقلي قلبة
الحتة اللي بتطلع من النص سليمة زي القرطاس
نسيت اقولك
الكوسة كمان اللي بيطلع منها بنسوية مع الرز اللي بيفضل
وبيبقي روووووعة احلي من المحشي نفسة
والى اللقاء فى نوع تانى من التوفير ....
https://up.3almc.com/uploads/3almc.n...4539607589.png