منتدي عالمك - مشاكل الام مع اولادها،معلومات مهمة لكل ام عندها مشاكل مع اولادها فى المذاكرة

http://www.iltelaiodipenelope.it/mat...ordi/03_06.gif http://www.iltelaiodipenelope.it/mat...ordi/03_06.gif http://www.iltelaiodipenelope.it/mat...ordi/03_06.gif

نصائح لكل أم بتعاني في المذاكرة مع أولادها

https://up.3almc.com/uploads/3almc.c...5414771271.jpg

مبدئياً في مقولة لأفلاطون بيقول فيها: ” لا تربي الأطفال على التعلم بالقوة والقسوة،
بل قدم لهم الوسائل التعليمية المسلية التي تناسب عقولهم، وسوف تلاحظ إصراراً غريباً
منهم على التعلم لذلك نقدم نصائح لكل أم بتعاني في المذاكرة مع أولادها
خطوات وأمثلة هتساعدكم
http://www.iltelaiodipenelope.it/mat...ordi/03_06.gif
لازم نخلي هدفنا في الفترة اللي بنقعد فيها للمذاكرة إنها تكون ممتعة ومش مجهدةعشان في الأول
والآخر لازم يكون هدفنا إن الطفل يتعلم ويستفاد مش مجرد
دش وحفظ ودرجات في الامتحان وخلاص
اعملي نفسك تلميذة وابنك الأستاذ وخليه هو اللي يشرحلك الدرس
الطريقة دي رغم إن ممكن ناس تشوفها حاجة تافهة إلا إنها بتثبت المعلومة جدا
وبتخليه يستوعبها جداً جداً وبتساعدك تعرف إذا كان هو فهم صح ولا غلط
لو طفلك مش حابب كتب المدرسة، ممكن تجيبيله حاجات تانية تكون جذابة
ومثيرة للاهتمام وتكون بتتكلم في الموضوعات اللي عنده في الكتب
اعملي قايمة مع طفلك بالواجبات المطلوبة منه النهاردة وكل لما يخلص حاجة علمي
عليها دا لأن الأطفال وكمان الكبار لما عقلهم الباطن بيحس إن الحاجة دي كبيرة ومش
هتخلص بيحصله حالة خمول وكسل لكن لو شايفها بتخلص هيتحفز يخلصها أسرع
متسيبيش ابنك يكتب الواجب ولا يذاكر لوحده متتحسسيهوش
إن هو منبوذ وقت المذاكرة، دا هيحسسه بالملل والوحدة وهيكره المذاكرة
لكن ممكن تقعدي في مكان قريب منه تكوني بتشتغلي مثلا أو بتاخدي كورس
أو بتقرأي في كتاب مثلا بحيث يحس إنه مش لوحده
ويااه بقى لو الكتاب اللي بتقرأيه يكون فيه طريقة لعب أو نشاط معاه زي
” ماما يلا نلعب ” وتعرفيه إنك بتستعدي للعب معاه بعد ما يخلص مذاكرة
كده هيتحفز أكتر ويتشجع أكتر
اربطي اللي بيتعلمه الطفل بحاجات يومية زي لو هتعلميه عن الحركة اشرحيله
تطبيق دا في الدراجة مثلاً
طب إزاي تحفزي طفلك
http://www.iltelaiodipenelope.it/mat...ordi/03_06.gif

إدخلي معاه في سباق حطي لنفسك هدف قراءة جزء من كتاب أو تنظيف
وهو بردو حدديله المطلوب منه في المذاكرة وقوليله اللي هيخلص الأول هيكون الفايز
وممكن تتفقوا على حاجة تعملوها للفايز وممكن تكون حاجة تعليمية
بردو بس متخفية في شكل لعب .
ممكن تحفزيه بردو بطريقة لطيفة جداً .
اعملي كروت ملونة واكتبي على كل واحدة نشاط أو لعبة زي مثلاً
( هنلعب ببنك النيترون أ، هنلعب بجينو حيوانات أ، نشاط
من مجموعة ماما يلا نلعب أو أي نشاط تاني )
وكل يوم لما يخلص واجبه خليه ياخد كارت وتعملوا النشاط الموجود فيه
خلي ابنك يتعلم باستعمال حواسه وعن طريق التجربة
نمي مهارات القراءة عند ابنك بطريقة عملية زي إنه يساعدك في طبخة
فيقرأ المكونات، أو يقرأ كتيبات فيها طريقة تركيب حاجة
لو ابنك عاوز يتعلم حاجة مش موجودة في الكتاب علميهاله
وخليكِ منفتحة، مش كل حاجة مبنتعلمهاش في المدرسة تبقى ملهاش لازمة
لو قالك ازاي الطيارة بتطير؟ بدل ما تقوليله مش مهم دلوقتي ركز
في مذاكرتك هاتيله كتيب يشرح كده.

http://www.iltelaiodipenelope.it/mat...ordi/03_06.gif http://www.iltelaiodipenelope.it/mat...ordi/03_06.gif