منتدي عالمك - طريقة عمل السمك البلطى المشوى بالردة،شوى السمك فى فرن البوتاجاز،كيفية شوى السمك بالمنزل،تتبيلة السمك

https://www.iltelaiodipenelope.it/ma...kittyfr_62.gif https://www.iltelaiodipenelope.it/ma...kittyfr_62.gif https://www.iltelaiodipenelope.it/ma...kittyfr_62.gif https://www.iltelaiodipenelope.it/ma...kittyfr_62.gif

السلام عليكم
ازيكم يا بنات ؟
النهارده بقى يوم عالمى
جايبلكم معايا السمك المشوي بالردة يمممممم بجد
شكله يفتح النفس خدى شوفى الصورة كدا عشان تدخلى على الموضوع وانتى متشجعة وعشان كمان متكسليش تقولى رايك.
طريقة عمل السمك البورى المشوى فى المنزل
https://up.3almc.com/uploads/3almc.c...6023261221.jpg
تتبيلة السمك المشوي بالردة

ندخل على الطريقة بقه
هنجيب سمك والردة ونجهز الخلطة اللى هنحشى بيها السمك وهى
عبارة عن توم وفلفل اخضر وكسبرة خضرا وجزر مبشور وليمون وخل وملح وفلفل
وكمون واى توابل انتى تحبيها وبعديين نقطع عليها طماطم قطع صغيرة
ودة شكل الخلطة قبل ما اقطع عليها الطماطم.
https://up.3almc.com/uploads/3almc.c...6023263012.jpg
ونجيب السمك ونغسله كويس ونتبله بالملح والكمون والكسبرة الناشفة والتوم كويس
وبعدين نحشيه بالحشوة دى ونسيبه يتشرب شوية طعم الحشوة والتتبيلة
يعنى بتاع ساعة او اتنين كدا وده شكل السمك اللى انا شويته.
https://up.3almc.com/uploads/3almc.c...6023264713.jpg
بعد كدا نحط السمك فى الردة بالشكل ده.
https://up.3almc.com/uploads/3almc.c...6023266444.jpg
وبعدين بقه نجيب صاج او صينية انتى مستغنية عنها ونحطها على البوتاجاز
من فوق على نار عالية ونشوى عليها السمك ونختبر درجة حرارة الصاج الاول
قبل ما نحط عليه السمك عن طريق رش الصاج بشوية ردة لو الردة اتحرقت بقه
الصاج دلوقتى جاهز للشوي.
ونبدأ نشوى السمك من الناحيتين وهتعرفى انه استوى لما تلاقيه موش بيلزق
فى الصاج لكن لو جيتى تقبيه ولقيتيها لسة لازقة يبقه سبيها شويه لغاية لما تستوى.
وطبعا هتكونى قبلها مجهزة التتبيلة اللى هتسقى فيها السمك بعد ما يطلع من الشوى
واللى هى عبارة عن توم مفروم بقشره بتاع تومة كاملة كدا وكسبرة ناشفه
وملح وكمون وفلفل اخضر حراق ولمون وخل كتير ومية تحطى دول
كلهم على بعض زى كدا وتغليهم على النار غلوة واحدة بس وبكدا دى هتكون جاهزة
لما السمك يتشوى وياريت لما تستخدميها تكون دافية متكونش باردة.
https://up.3almc.com/uploads/3almc.c...6023268175.jpg
ولما السمك يتشوى تروحى مطلعاه علطول وحطاها فى التتبيلة اللى عملناها فوق دى وتسيبيه يتسقة فيها بتاع نص دقيقه كدا بالشكل ده
https://up.3almc.com/uploads/3almc.c...6023269866.jpg
وبعدين تطلعيها فى طبق ودى الكمية كلها لما خلصت.
https://up.3almc.com/uploads/3almc.c...6023271557.jpg
وبعدين تقدميها بالطريقة اللى انتى تحبيها انا قدمتها بالطريقة دى.
https://up.3almc.com/uploads/3almc.c...6023273358.jpg
وخلاص انا كدا خلصت وبالهنا والشفا على عيونكم يا قمرات
والى لقاء اخر ان شاء الله.
https://www.iltelaiodipenelope.it/ma...kittyfr_62.gif https://www.iltelaiodipenelope.it/ma...kittyfr_62.gif