منتدي عالمك - كيفية ازالة الهالات السوداء تحت العين باسرع وقت.كبسولات فيتامين k للهالات السوداء.علاج الهالات السود

https://www.iltelaiodipenelope.it/ma...5980_QmtkY.gif
مساء الفل يا قمراتى يارب تكونوا كويسين
ماهي الفواكه التي تزيل الهالات السوداء
هدخل فى الموضوووووووووع
بس قبل ما تنزلى شويه اطلعى على الشمال فوووق خدى التقييم فى ايدك وانتى نازله
انا من فترة كدة سمعت دكتورة جلديه مشهورة بتقول
ان الهالات دى اسبابها كتير
منها الوراثى ودة مش بيروح 100 فى 100 انما بالعلاج بيروح بنسبه 80
والهالات الناتجه عن الارهاق والذى منه
بيبقى سببه نقص فى فيتامين k
ونقصه بيعمل الهالات اللى بضايقنا كلنا
انا طبعا مبسكتش
لازم اقعد ادور واتفحص واتمحص
ولقيت ان فيتامين k موجود فى الخضروات الخضرا اوى
زى السبانخ الاسبريجوز البروكلى
وهو دة موضوعنا بقى
اسرع حل لعلاج الهالات السوداء
البروكلى بسبب اللون الاخضر اللى فيه بيحتوى على نسبه عاليه جدا
ب فيتامين k وايضا نسبه كبيرة من الكولاجين
نزلت جرى اشتريت واحدة بروكلى
ودخلت المعمل قصدى المطبخ وابتديت الشغل
https://up.3almc.com/uploads/3almc.n...7851778395.jpg
الاول هنقطع البروكلى كدة
https://up.3almc.com/uploads/3almc.n...7851757552.jpg
ونحطه علشان يتسلق يادوب الميه تغطيه بس ونغطيه ونسيبه يغلى
وهو متغطى ونسيبه لما الميه تقل خالص وتتركز
بعدين هناخد البروكلى من تالميه على جنب وناخد الميه بتاع السلق اللى هيبقى لونها اخضر على جنب
هناخد البروكلى نهرسه جامد اوى مع رشه بيكربونات صوديوم ونعمله ماسك لوشنا
بعيد عن العين علشان البيكربونات
https://up.3almc.com/uploads/3almc.n...7851773393.jpg
امال هنعالج الهالات ازاى
هقولكم بميه السلق
هناخد الميه ونحطها فى علبه محكمه او برطمان فى التلاجه
بس قبل ما نحطها فى التلاجه وهى دافيه هنضيف كبسوله فيتامين e
https://up.3almc.com/uploads/3almc.n...7851755931.jpg
ونعمل منها كمادات للعين بالقطن دة كل يوم الصبح او بالليل او الصبح وبالليل
https://up.3almc.com/uploads/3almc.n...7851776184.jpg
والحمد لله النتيجه رائعه بالاستمرار طبعا مش من اول ولاتانى ولا حتى تالت يوم
لازم الاستمرار
انا كنت حاسه بارهاق وهالات فوق العين من الجفن العلوى
وعملت ميه البروكلى والحمد لله خفت كتيييييير
انا كدة خلصت يارب يكون الموضوع عجبكم وتستفادو منه
والاهم تجربوا
والاهم تقيموا علشان انتى مش استفدتى ممكن غيرك يستفيد وتاخدى الثواب
ويسعدنى تنورى موضوعى بردك
بحبكم فى الله
https://www.iltelaiodipenelope.it/ma...5980_QmtkY.gif