تنظيم المطبخ بالصور لرمضان.تحضيرات رمضان 2018.افكار بسيطة فى المطبخ فى رمضان بالصور
https://www.iltelaiodipenelope.it/ma...48TEo54BDM.gif افكار بسيطة عشان ما تضيعيش وقتك كله فى المطبخ فى رمضان بالصور السلام عليكم ازيكم يا قمرات كل سنه و انتم طيبين رمضان على الابواب و فكرت فى حاجات عشان منقعدش وقت كتير فى المطبخ فى رمضان و كمان توفير لان الاكل بيغلى جدا فى رمضان انا جبت بصل ابيض الكيلو وربع بجنيه جبت 10 كيلوا و مش شرط الحجم او القشرة الخارجية لاننا حنضربه فى الكبه قشرت البصل و غسلته و ضربته فى الكبه و حطيته فى اكياس و على الفريزر لما اعوذ منه اخده من الفريزر على الحلة من غير ما استنى انه يفك من التجميد و دى الصور https://up.3almc.com/uploads/3almc.n...0434367451.jpg هنا فرمنا البصل فى الكبة https://up.3almc.com/uploads/3almc.n...0434370232.jpg اشتريت 1\8 اكياس اقل من اكياس اللبن زى بتاعة الفيشار كده عشان احط البصل فيها https://up.3almc.com/uploads/3almc.n...0434375383.jpg و طبعا بما اننا بنات موفرات عملت كل كيس يكفى لطبخة و معاها بصل اللحمة او الفراخ فى كيس واحد و لو احتجتى كيس واحد قصيه ورجعى الجزء الباقى للفريزر عادى جدا و كل جزء فيه مقدار البصل اللى يكفى لطبخة يعنى كل واحدة و مقدار الطبخ عندها سواء الكمية كبيره او قليلة بتحطى فى الكيس حسب استعمالك فقط https://up.3almc.com/uploads/3almc.n...0434377144.jpg وده بقى التوم بجيبه لما بيبقى اخضر ولسه طالع بشيل القشرة الخارجية فقط لانه بيبقى طرى مش ناشف ولسه اخضر بفرمه فى الكبه و باخد نص ملعقة صغيره ( ده احتياجى اليومى لك الحرية فى تحديد الكمية حسب استعمالك ) و احطها فى ورقة فويل صغيره بقطع الفويل زى ورق البونبونى كده و احط فيه التوم https://up.3almc.com/uploads/3almc.n...0434378545.jpg بقفل الفويل الحرفين قصاد بعض و بعد كده بتنى الجناب عليهم لسهولة الفتح بعد التجميد https://up.3almc.com/uploads/3almc.n...0434379956.jpg و اعبيهم فى كيس زى اكياس اللبن و لما احتاج اطلع منه و على الحلة على طول من غير ما استنى يفك ولا حاجة و الفويل بيحتفظ بالريحة بداخله و مش بيخلى ريحة الفريزر توم ولا حاجة و لزيادة التاكيد بحطه فى الكيس و الكيس الى قدامكم ده 2 كيلو تخيلو يعنى مش بحط فى برطمان و افضل اطلع و ادخل فيه لا كده اسهل و اضمن https://up.3almc.com/uploads/3almc.n...0434381387.jpg و الطماطم كمان بس دى كانت فى الفريزر بجيب سبت طماطم او كمية كبيرة و بحطها فى ميه مغليه واقشرها و اضربها فى الخلاط و بحطها على النار و عليها شوية ملح صغيرين و اسيبها تغلى يعنى يتبخر تلتها كده مش بسيبها تتسبك و تنشف خالص لا بتتبخرلو الحلة مليانة تنزل للنص كده او التلت و اضفى ولما تبرد احطها فى اكياس و احطها فى الفريزر و باخد كيس كيس يفك و اسحب منه اللى عايزاه و افضيه فى حاجة بلاستك و احطه فى التلاجة اىسحب منه و هكذا وبكده وفرنا وقتنا من تخريط البصل و تقشير التوم و ضرب و تصفية الطماطم يبقى مش فاضل غير الخضار و الرز وخلاويص كده معلش دوشتكم لو الموضوع عجبكم ما تنسونيش من صالح الدعاء احبكم فى الله:asmaile(23): https://www.iltelaiodipenelope.it/ma...48TEo54BDM.gif |
رد: تنظيم المطبخ بالصور لرمضان.تحضيرات رمضان 2018.افكار بسيطة فى المطبخ فى رمضان بالصور
موضوع جميل
|
رد: تنظيم المطبخ بالصور لرمضان.تحضيرات رمضان 2018.افكار بسيطة فى المطبخ فى رمضان بالصور
جزاك الله خيـر
بارك الله في جهودك |
رد: تنظيم المطبخ بالصور لرمضان.تحضيرات رمضان 2018.افكار بسيطة فى المطبخ فى رمضان بالصور
|
رد: تنظيم المطبخ بالصور لرمضان.تحضيرات رمضان 2018.افكار بسيطة فى المطبخ فى رمضان بالصور
|
الساعة الآن 06:17 PM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.