منتدي عالمك - مسقعه سريعه , طريقه عمل المسقعه باللحمه , طريقة عمل المسقعة فى الفرن,مسقعه بالصلصه الحمراء

https://up.3almik.com/uploads/3almik...1522431410.png

مسقعه سريعه , طريقه عمل المسقعه باللحمه , طريقة عمل المسقعة فى الفرن,مسقعه بالصلصه الحمراء
انا كان نفسي اكل مسقعه وعندى مش بيرضوا ياكلوها غير باللحمة المفرومه وانا مش بحبها باللحمة المفرومه
وكان عندى لحمه مسلوقه مفيش حد أكلها قولت أجرب اعملها مع المسقعه
وطلعت تحفه
دى اللحمه اللي كانت بايته ومحدش أكلها
https://up.3almc.com/uploads/3almik....2876941615.jpg
قطعتها قطع صغيره بالشكل ده
https://up.3almc.com/uploads/3almik....3287694326.jpg
غسلت البتنجان والفلفل ورشيت ملح علي البتنجان وسيبته حبه ينزل مايته
علشان ما يشربش زيت كتير وحمرته فى الزيت وحطيته على مناديل يتصفا شويه
https://up.3almc.com/uploads/3almik....3287693421.jpg
عملت الصلصه عباره عن حمرت توم فى زيت وحطيت الطماطم وسيبتهم يتسبكوا وملح وفلفل اسود
https://up.3almc.com/uploads/3almik....2876936572.jpg
رصيت البتنجان بالشكل ده
https://up.3almc.com/uploads/3almik....2876939924.jpg
وحطيت عليه اللحمه المسلوقه بالشكل ده
https://up.3almc.com/uploads/3almik....2876944877.jpg
وحطيت باقى البتنجان والفلفل ودخلتها الفرن
كان نفسي اوريكم الشكل النهائى بعد ماخرجت من الفرن بس قولت لبنتي ابقى أطفى الفرن
ونزلت اجيب طلب من الماركت رجعت لقيتهم بالهنا والشفا آكلوها
ومش باقى غير اشلاء لا تصلح للتصوير بس بجد الطعم تحفه احلى من اللحمه المفرومه بكتير
https://up.3almc.com/uploads/3almik....2876938213.jpg

https://up.3almik.com/uploads/3almik...1522443411.png