منتدي عالمك - أحل مشكلتى إزاى وسببها علبة فياجرا

مشكله عضوه
https://up.3almc.com/uploads/3almik....5460470971.jpg

تجربتي مع الفياجرا

أنا عمرى 32 سنة وزوجى عمره 37 سنة
و متزوجين من 12 سنة ورزقنا الله بولدين و3 بنات ،
وزوجى بيشتغل فى الحكومة وبعد الضهر بيشتغل فى شركة خاصة

على أساس يوفر مصاريف البيت والأولاد ، وعندنا بيت 3 أدوار بكل دور شقة ،

وحياتنا كانت مستقرة وشبه خالية من المشاكل .
من حوالى شهرين وأنا برتب لبس زوجى شفت فى جيب بنطلونه علبة فياجرا ،
والموضوع كان صدمة كبيرة بالنسبة لى وحسيت إن زوجى مريض وبيخدعنى

وغضبت وإتعصبت بشكل غير طبيعى ، ولما زوجى رجع من الشغل واجهته بالموضوع

وعملت معاه مشكلة كبيرة وعليت صوتى عليه وأهنته بالكلام

متى يبدأ مفعول الفياجرا

وهددته بأنى حأفضحه ، وهو ما عجبوش كلامى وإحتد عليه فى الكلام واتعصب عليه وشتمنى ،
وغير كده كمان مد إيده عليه وضربنى ، وبعدها لميت هدومى وسبت البيت والعيال وامشيت.
ومن وقتها وأنا فى بيت أخويه وهو لا سأل فيه ولا حاول يصالحنى ،
وغير كده بعت واحد صاحبه يكلم أخويه علشان يسلمه قايمة المنقولات
ويرتب معاه إجراءات الطلاق .
وبنت عمت زوجى أرملة وعندها بنت 8 سنين وإعرفت من جارتى إن زوجى طلبها للزواج
ووافقت وفرحهم بعد شهرين وإن جوزى مرتب يتجوزها فى الدور التالت
ويقعد أمه مع اولادى فى الدور التانى،

ومن وقت ما إعرفت وأنا راسى لفت وحسيت إن بيتى بيتخرب وحياتى بتدمر ،
والى زاد وغطى إن زوجة أخى لما عرفت إنى ممكن أطلق بدأت تعاملنى معاملة سيئة جدا
ويوميا تخلق مشاكل معى ومع أخى لأتفه الأسباب .
وأنا حاليا نفسيتى مدمرة ومش عارفة أعمل أيه

https://up.3almc.com/uploads/3almik....5460473262.jpg

وأحل مشكلتى إزاى ..