منتدي عالمك - كيف احب شغل البيت,كيف اشجع نفسي على شغل البيت,كيف انظم شغل البيت

https://up.kntosa.com/uploads/kntosa...5737241441.gif

ازاي تحبي شغل البيت //جدول لتنظيف المنزل // هيسهل عليكي تنظيف المنزل
انصحك بنصيحة بتنجز معاكي في شغل البيت
شويه معلومات مهمه عن نظام الغسيل والمطبخ
https://up.3almc.com/uploads/3almik....2494789051.jpg
انا هقول بعض الحاجات اللي عرفتها بالتجربة
١- ماتحطيش اطباق كتير في المطبقية ولا كوبايات كتير وبا معالق كتير
عشان كل ما هو قدامك ممكن تكسلي تغسلي المواعين وتفضلي تسحبي تسحبي
لكن لما يكون العدد قليل.
هيخلصوا بسرعة فتضطري تغسلي المواعين أول بأول
٢-حطي في كل غرفة باسكيت زبالة صغير
عشان ساعات بنكسل نقوم نرمي الحاجة في الباسكيت اللي في المطبخ فممكن مناديل وحاجات تتكوم على الكومدينو
او الترابيزة
٣-شيلي تلت تربع الالعاب بعيد عن الاطفال عشان بيرموا كلهم وبيكسلوا يحطوها مكانهم
فلو العدد قليل هيكون اسهل انهم يلموه
وكل فترة غيري شيلي شوية العاب وطلعي شوية
حتى هما هينبسطوا و يحسوا بالتجديد
٤- مش عارفة دي تنفع مع كل الناس ولا لا
حطي الجزامة قدام باب الشقة من برا عشان دخولهم بالاحذية بيوسخ الحتة اللي قدام الباب وبتترب بسرعة
٥- خلي في منشر داخلي في الليفنج او الحمام للحاجات البسيطة عشان الكسل نلبس
ونطلع ننشر دي بتسهل اكتر
٦- اعملي باسكت غسيل للشرابات صغير متعلق في الحيطة مختلف عن باسكت غسيل الهدوم
عشان العالم الموازي بتاع الشرابات
٧- شيلي كل خداديات الانتريه والليفنج فوق الدولاب في اكياس وسيبي ٢-٣
عشان كل شوية الاطفال توقعها وترميها في الارض ويعملوا بحر مخدات وانت اللي بتلميها في الاخر
٨- خلي التسريحة فاضية عليها ٢ برفيوم رحالي وحريمي وفازة وكريم الشعر وبس والباقي كله في صناديق شيك في الادراج .
عشان التراب اللي بيردم التسريحة يبقى سهل تنظيفه
٩- خلي في درج لاسدال الصلاة والسجادة والمصحف
بدل ما هم مطبقين ومرميين على اي كرسي وتلاقي الاطفال كل شوية تشدهم توقعهم في الارض
١٠- خلي رخامة المطبخ فاضية عشان يسهل مسحها كل شوية
واللي تقدري تعلقيه علقيه
طقم التوابل يتعلق
طقم (المقصوصة والمغرفة تتعلق )
فوط المطبخ تتعلق
١١- مشكلة الفريزر ان بيبقي في اكياس مش عارفة فيها ايه ولازم تتفك عشان تعرفي
هتجيبي أطباق فويل و بكرة استرتش
وتحطي البانية في الطبق وتلفيه بالفويل
لحمة في الطبق وتلفيها بالفويل
وكذلك كل حاجة
بيكون منظر الديب فريزر جميل جدا كل الاطباق متساوية فيه وكله فوق بعضه بنظام
وبيسهل عليكي تعرفي الحاجة دي فيها ايه لانها بتكون واضحة ومفرودة
https://up.kntosa.com/uploads/kntosa...5737273062.gif