منتدي عالمك - طريقه عمل الترمس الحلو بالصور , خطوات مصورة لطبخ الترمس,نقع الترمس,الترمس المستورد,الترمس الحلو

https://up.3almik.com/uploads/3almik...5221541111.png
كل سنة وانتم طيبين ياعدولاتي جبتلكم النهاردة طريقه الترمس واحنا عندنا بمصر الترمس من الاساسيات في الصيف والاعياد
ياسلام علي الترمس وانت بتتمشي علي كرنيش النيل ولا كورنيش اسكندرية في الصيف باليمون والملح وفي الجنينة ياسلام روعة
https://up.3almik.com/uploads/3almik...4622220114.jpg

المكونات
اولا احنا بنشترية من عند العطار او من السوبر ماركت يعني انا شرياه من كارفور بيكون معبأ في اكياس الكيس حوالي كيلو
بتلقية في منطقة التوابل او اسألي علية البائع اللي بيبع التوابل في السوبر ماركت وعلي فكرة في منه الحلو والمر بس هنا انا لقيت الحلو وده بيتاكل على طول بعد السلق اما المر لازم غيري علية يومين او تلاتة بعد السلق والمر مفيد جدا لمرضي السكر

الطريقة
اولا بنجيب الترمس وننقية ونغسلة وبعدين ننقعة ليلة كاملة يعني من بليل للصبح ودي الصورة
https://up.3almik.com/uploads/3almik...4622213591.jpg
وفي الصبح هتلقية زاد الضعف او اكتر يعني لو كيلو هتلقيه حوالي 2 كيلو ودي الصورة بعد ماتنقع ليلة كاملة
https://up.3almik.com/uploads/3almik...4622216112.jpg
وعلي فكرة لازم لازم يتنقع ليلة علشان ما يغبش في السلق يعني لو منقعتهوش ممكن يقعد طول اليوم يتسلق وبعدين في الصبح بنغير المية وبعدين نحطة في حلة ونسلقه علي النار حوالي ساعتين او ساعتين الا ربع وممكن اقل يعني كل شوية شوفية وطلعي حبة واتفحصيها لو استوت يبقي خلاص اطفي علية النار ودي صورتة بعد ما استوي
https://up.3almik.com/uploads/3almik...4622217593.jpg
وبعدين لما يبرد غيري علية المية وعلي فكرة ماترميش ماية السلق حلوة قوي للشعر اغسلي بها شعرك ممتاز وحطي علية ماح وكمون وليمون وممكن تحطي علية ماية وملح وتحفظية في التلاجة بيقعد فترة كبيرة وبالهنا والشفا
https://up.3almik.com/uploads/3almik...4622220114.jpg

https://up.3almik.com/uploads/3almik...5221546912.png