منتدي عالمك - أسهل طريقه لعمل بسكوت الأوريو فى البيت روعه,طريقة عمل كريمة الاوريو,طريقة عمل بسكويت الاوريو

https://up.3almik.com/uploads/3almik...7741495211.gif

مين فينا مش بيحب بسكويت الاوريو
https://up.3almik.com/uploads/3almik...7513943247.jpg
طريقه عمل بسكويت اوريو الرائع اللذيذ فالبيت بمكونات اقتصاديه جدااا .
ولأن ولادى بيعشقوه... قررت اعمله فى البيت والحمد لله ظبط معايه من أول تجربة...والنتيجة كانت ممتازة
هنزل الطريقه علشان الناس الى الفيديو مش بيفتح عندها.
الطريقة يا حلوين
المقادير
٢كوب دقيق. نصف كوب نشا. نصف كوب كاكاو. نصف ملعقة صغيرة بكنج بودر.
نصف ملعقة صغيرة بكنج صودا. نصف ملعقة صغيرة فانيليا. ربع ملعقة صغيرة ملح.
١كوب سكر بودر. ٣/٤كوب سمن على زيت . ١بيضة . ربع كوب حليب او على حسب حاجة العجين.
الطريقة
ننخل كل المواد الجافة ونقلبها مع بعض وبعدين نضيف السمن ونفركها كويس بأطراف الاصابع وبعدين
نضيف البيضه ونخلط بدون عجن وبعدين نلم العجين بالحليب على حسب مايحتاج حتى تتكون عجينه طريه لا تلتصق باليد.
بعد كده نغلفها كويس ونحطها فى التلاجه ترتاح تلت ساعة
وبعدين نفردها بين ورقتين زبده ونشكل البسكويت بأى قطاعه عندك وننقل وحدات البسكويت
بحرص للصنيه الخبز بعد تغليفها بورق زبده .
انا هنا قطعته بالقطاعه بعد وضعها فى الكاكاو وبعدين استخدمت خله اسنان لعمل فراغات فى البسكويت
وكمان استخدمت طابعة المعمول لعمل شكل حلو على سطح البسكويت.
نخبزه فى فرن حرارته ١٥٠ درجة لمدة ١٠ او ١٥ دقيقة.
مقادير كريمة الحشو.
١ملعقة كبيرة زبده نضربها بالمضرب سواء يدوى او كهربا لحد لما لونها يفتح
وبعدين نضيف ١كوب سكر بودر يكون ناعم جدا ونخلطهم مع بعض
وبعد كده نضيف ١ملعقة كبيرة حليب بودر ونصف معلقه صغيرة فانيليا
و١ملعقة صغيرة نشا و١ملعقة كبيرة حليب سائل ونخلط كويس جدا.
الكريمه بتكون قوامها تقيل علشان نقدر نحتفظ به خارج التلاجة .
نأخذ جزء من الكريمه بملعقه صغيره ونحطه على بسكوته ونلزق عليها بسكوته تانيه ..يعنى الموضوع بسيط.
يالله بقة شجعونى علشان انزلكوا وصفات حلوة جدا وجديدة.
طريقة تحضير بسكويت اوريو في المنزل Recette De Biscuit Oréo
https://up.3almik.com/uploads/3almik...7513935093.jpg
https://up.3almik.com/uploads/3almik...8475139395.jpg

https://up.3almik.com/uploads/3almik...7513936924.jpg

https://up.3almik.com/uploads/3almik...7513932992.jpg

https://up.3almik.com/uploads/3almik...4751393031.jpg

https://up.3almik.com/uploads/3almik...7513941016.jpg

https://up.3almik.com/uploads/3almik...7513943247.jpg

https://up.3almik.com/uploads/3almik...7774149762.gif