منتدي عالمك

منتدي عالمك (https://vb.3almc.com/index.php)
-   أفكار وخبرات للمطبخ (https://vb.3almc.com/forumdisplay.php?f=38)
-   -   طريقة ازالة رائحة لحم الخروف, بهارات تشيل ريحة اللحم,كيفية التخلص من رائحة لحم الخروف (https://vb.3almc.com/showthread.php?t=15973)

همس الوجود 08-09-2019 12:53 AM

طريقة ازالة رائحة لحم الخروف, بهارات تشيل ريحة اللحم,كيفية التخلص من رائحة لحم الخروف
 
https://up.3almik.com/uploads/3almik...7741495211.gif
كيفية التخلص من رائحة لحم الخروف, طريقة ازالة رائحة لحم الخروف, بهارات تشيل ريحة اللحم
ماتنسيش وانتي بتشتري توابل العيد
تشتري خلنجان عقرب ويانسون نجمي
انا نزلت صورهم
https://up.3almc.com/uploads/3almik....0275940161.jpg
بهارات التخلص من زفرة اللحم (زنخة) نهائيا الطريقة الصحيحة 100%
هايفرقو معاكي جداااا وانتي بتسلقي اي حاجه ليها ريحه نفاذة زي الضاني والكرشه والكوارع
واحده من كل حاجه منهم هاتخلي ريحه اكلك تحفه بجد
ويااارب عيد سعيد علينا وعليكم يارب https://vb.kntosa.com/images/smilies/asmaile(35).png
ملاحظة :
وريحه اليانسون النجمي او حتي الخلنجان العقرب لوحده في الشوربة بيخلي ريحه بيتك جميييله
بدل ما الولاد بتقرف من ريحه الكرشه وهي بتتسمط او الكوارع او حتي فيه ولاد مابتحبش ريحه الصاني وكبار كمان
حتي اللي بتسيح ليه لو حطت واحده بس من الخلنجان مش هايبان خالص ريحه الليه
ملاحظة :
انا عرفت العطارة دي عشان بحب اقرا كتير في مجال الطبخ وعلمت نفسي بنفسي
عمر امي ماعلمتني كانت بتخاف علينا من النار بس والله دا اكبر غلط
سيبو بناتكم واولادكم يجربو ويغلطو ويتعلمو وربنا يديكم الصحه
لما بتجيلي توابل من بره مصر عندي اصحاب كتير من دول كتير قوي الحمد لله اهم هديه بيجيبوهالي العطارة
وباخدها وانزل للعطار افضل اتعرف علي كل نوع وفوايده واجربه
والحمد لله عمري ماقلت لحد معلومه الا وكنت مجرباها كويس واكتر من مرة
هاتلاقوها عند اي عطار مش شرط حد معروف او كبير ولا هايبر كبير ولا حاجه كل العطارين عندهم
اه كمان فيه سؤال مهم هل هاياثر علي طعم الاكل لا نهائي يا جماعه
الا لو مطحون ممكن تحطيه مع بهارات الشوي وخصوصا الطيور رهيب بجد
مش شرط كمان الاكلات ذات الروائح النفاذه انا بستخدمة في كل شئ بيتسلق
يارب اكون فدكم

https://up.3almc.com/uploads/3almik....0275940161.jpg
https://up.3almik.com/uploads/3almik...7774149762.gif


الساعة الآن 12:17 PM.

Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.