منتدي عالمك - كيف تختار شريك حياتك المناسب،7 نصائح لاختيار شريك حياتك.. أهمها شخصيته أهم من جيبه 2020

https://up.kntosa.com/uploads/kntosa...2492849441.gif

للمقبلين عن الزواج.. 10 نصائح تساعدك في اختيار شريك ...
لما تيجي تحب أو ترتبط سيبك من "الكيوت"
اللي بيلمَعوا وطول الوقت الدنيا عندهم ضحك وبسيطة بس، مش بيسدّوا في الايام الصعبة (والايام الصعبة جاية جاية صدقني).
هقولك بقى تدور على ايه ..
https://up.kntosa.com/uploads/kntosa...7533607411.jpg
* دور على حد مطحون زيك يقدر يستوعب صراعاتك ..
* دور على حد من كتر ما شاف وجرب قادر يستوعب رحلتك ومستعد يكتشفك معاك ومايزهقش..
* وانت بتدور على حد يونسك بقيت حياتك دور على حد "مجروح مشفي" يقدر يعيط معاك اه،
بس في نفس الوقت قادر يساعدك ويوقفك على رجليك تاني..
* قرب من اللي عدى في خبرات اكتئاب وطلع منها صالب طوله.
* صدقني ما هايقف جنبك ويسندك اوقات كتير غير شخص زي ده شاف اسوأ ما في الحياة وقرر يكمّل للآخر..
* يمكن الصورة سوداوية ومش بمبي زي الله يرحمها سعاد حسني ما قالت،
* بس افتكر أن سعاد حسني نفسها جالها اكتئاب في اخر ايامها ومنفعهاش معتقد الحياة "بمبي" ده..
* الحياة صعبة.. واحنا صعبين.. وبنصارع عشان نفهمنا قبل ما نفهمها..
ومفيش حاجة هتساعدك في رحلتك غير حد كتفُه في كتفَك يكتشف الحياة معاك ويسدّ في صراعاتها
لحد ما توصلوا انتوا الاتنين لنهايتها..
* فا اختار حد شبهك .. يشيلك وقت ما تبقى مش قادر حتى تشيل نفسك ..
* اختار حد من كتر ما شاف واتعلم، روحُه تقدر تساع روحك وتحتويها ..
روحُه تقدر تونّس روحك وسط لخبطة وعشوائية وعبثية الحياة ..
لأن لو اختيارك غير كدة هتكمل لوحدك حتى لو ارتبطت .. غير كدة هاتشيل الشيلة على كتافك ..
غير كدة هاتبقى لوحدك حتى لو لازق في حد تاني بقيت حياتك، اصل الونَس مش بقرب الجسد لكن بقرب الروح..
فاختار اللي روحه تونسك وتدفي برودة الحياة حواليك .. لأنه لو معملتش كدة .. ماظُنش هاتقدر تكمّل لوحدك كتير ..
https://up.kntosa.com/uploads/kntosa...2492856292.gif