منتدي عالمك - اطعم مكرونة بالبشاميل ، الذ مكرونة بشاميل

المكرونه البشاميل وجمالها
https://up.3almc.com/uploads/3almik....1166168375.jpg
قولت بما انى اخدت إجازة من الشغل نظرا للظروف الصحية في البلد
قولت ادخل المطبخ اعمل لاهلى ولاختى حبيبتى مكرونه بالبشاميل
=اولا هتحطى على النار طاسه فيها معلقه سمن على زيت

وهتعصجى اللحمه وهتقطعى بصلتين كبار
وقرنين فلفل وجزرة كبيرة.

ايوه زى ما بقولكم كده هتبشريها فى المبشرة بتبقى تحفه
وتنزلى بالبصل والفلفل والجزر المبشور على اللحمه وتسبيهم يتعصجوا مع بعض وبعدين تنزلى بالتوابل
والملح وبعدين تحطى معاهم نص مكعب مرقه دجاج و تحطى معلقتين صلصه بتخلى الطعم جميل جداااااا
=ثانيا بقى هطحطى فى حله مايه تسخن وتنزل فيها معلقتين زيت وشويه ملح. وتنزلى فيها المكرونه
=ثالثا ندخل على البشاميل فى الخلاط كوبيتين لبن على كوبيتين شربه ومعاهم نص باقى مكعب مرقه الدجاج
ومعاهم اربع معالق دقيق ونضربهم فى الخلاط
وفى حله نحط معلقين زيت على معلقه سمن وننزل بالبشاميل و نحط التوابل ونقلب لحد ما يتقل
هو انا عارفه أن فيه ناس بتحط الدقيق مع السمن على النار.
بس انا قولت نغير شويه وفعلا طعم البشاميل بقى جميل اوى وبزياده كمان
مكرونة بالبشاميل خطيرة
اخيرااااااااا
فى الصينيه نحط نص المكرونه وعليها شويه بشاميل وعليها طبقه اللحم المعصج
وطبقه تانيه من المكرونه وعليها البشاميل واوعى ننسا البيضه اللى على وش البشاميل بتخليه رووووووعه.
زى ما شايفنها كده فى الصور وبالهنا والشفا
مكرونة بالبشاميل في الفرن
https://up.3almc.com/uploads/3almik....1166102591.jpg

https://up.3almc.com/uploads/3almik....1166114082.jpg

https://up.3almc.com/uploads/3almik....9116611983.jpg

https://up.3almc.com/uploads/3almik....9116614634.jpg

https://up.3almc.com/uploads/3almik....1166168375.jpg