منتدي عالمك - التوفير في الميزانية - أفكار وحلول,اكلات توفر فى مصروف البيت2019

https://up.3almik.com/uploads/3almik...5777415098.gif

التوفير في الميزانية - أفكار وحلول,اكلات توفر فى مصروف البيت2019

https://up.3almik.com/uploads/3almik...8207561281.jpg
منقوله لافاده
معلومة حلوة وموفرة وخصوصا للبنات اللي لسه متجوزين جداد وبيحاولو يظبطوا ميزانية البيت وفي نفس الوقت يعملوا أكل كويس ومغذي، كل اللي في الصورة قدامكم ده كلفني 128 جنيه بالظبط https://vb.kntosa.com/images/smilies/bsmile (25).png
ازاي هقولكم، حماتي الله يكرمها هي اللي قالتلي الطريقة، احنا لما بنجيب طلبات الشهر بنطلب من الفرارجي حاجات محددة وممكن تكون كميات قليلة بس الاجمالي بندفع فيه كتير، هي بقى بتروح المحل عند الفرارجي وتقوله مثلا (زي الصورة دي) هات فرختين كبار بيضاء وزن كل واحدة 2 كيلو ووضبهم لي بمعنى الصدور يطلعها ويعملها بانيه والاوراك يسيب الدبابيس لوحدها ويأخد الجزء العلوي للاوراك ويخليه ويعمله شيش طاووق، وباقي الفرخة الجزء الكبير بالأجنحة والزور والضهر وكدة بيكون فيه لحم برضه طبعا بتأخده برضه (هقولكم هنعمل بيهم ايه بعدين)، وطبعا بيكون فيه كبد وقوانص بتاعتهم بتطلب عليهم نص كيلو كمان وبكدة يكون موجود 3/4 كيلو كبد وقوانص.
يعني عندنا 2 فرخة كبيرة طلع منهم ايه https://vb.kntosa.com/images/smilies/bsmile (27).png
**طبقين حلوين صدور فراخ متقطعين بانيه وزنهم حوالي كيلو (ممكن نطلع منهم بانيه مقلي او شاورمة او ناجتس او كوردن بلو).
** وطبق فيه 4 قطع دبابيس ممكن يتسلقو ويتحمرو بالفيجيتار او نحطهم على صينية بطاطس مثلا.
**وكمان طبق فيه 4 قطع كبيرة شيش طاووق، ممكن نشويهم في اسياخ مع بصل وفلفل الوان، او نعملهم فاهيتا.
** الاجنحة والزور وباقي الاجزاء المتبقية اللي شرحتهالكم دي جواها لحم كويس مش مجرد عضم اما نسلقهم ونأخد الشوربة في الفريزر ليوم فيه أكل من غير لحوم، أو نحطهم في صينية زيي كدة ونتبلهم (بصل وطماطم وفلفل في الكبة وتوابل فراخ مشكلة وزعتر وليمون وزيت) وندخلهم الفرن ونعمل جنبهم خضار ورز عادي.
** كدة يتبقى الكبد والقوانص بتوع الفراخ زودت عليهم نص كيلو تاني من عنده وطلع وزنهم في الاخر كيلو الا ربع ودول نعملهم بالبصل والتوم وتوابل ونعمل جنبهم رز وبطاطس محمرة او نسلقهم ونحمرهم وجنبهم مكرونة وبطاطس مثلا.

سعر الفرختين سوا 110 جنيه بسعر اليوم لان الكيلو كان ب 25.5 جنيه مصري... وسعر نص كيلو كبد وقوانص 18 جنيه لان سعر الكيلو كان 35 جنيه مصري بسعر اليوم. بكدة انا دفعت في كل اللي شايفينه ده 128 جنيه وهعمل منهم اكلات كتير تكفيني الشهر بجانب اي لحوم او سمك هجيبه وبس كدة وأكلتهم لحوم كتير برضه.
اتمنى أكون فدتكم ولو عجبتكم الفكرة متنسوش تدعولي https://vb.kntosa.com/images/smilies/asmaile(2).png
https://up.3almik.com/uploads/3almik...7741510919.gif