منتدي عالمك - طريقة قلي الناجت الجاهز,طريقة عمل الناجتس البيتي على طريقتى,بكل احترافية الناجتس البيتى

https://up.kntosa.com/uploads/kntosa...7750254353.gif
طريقة عمل الناجتس في المنزل مثل الجاهز
حبايبى الحلويين دايما بقولكم اعملوا كل حاجه فى البيت و ماتشتروش من باره
النهارده بقى معانا حبيبة الكبار و الصغيرين
النااااااااجتس
ما شاء الله شايفين الجمال من حلاوتها هتتنسف فى ثوانى
بجد زى الجاهزه و احلى ان شاء الله تجربوها و تعجبكم
سهله و بسيطه تقريبا مفيهاش مقادير بس نتيجه مضمونه بإذن الله
الناجتس البيتى الرهييييييبة
البيتى يكسب
مهرجان وصفات المدارس
طريقة عمل الناجتس في المنزل مثل الجاهز - ناجتس الدجاج
المقادير :
نصف كيلو صدور فراخ مفرومه لو حابين تخلطوا بين الصدور و الأوراك براحتكم بس انا بفضل الصدور
بس علشان ميبقاش فيها دسم و عروق كتير و تبقى متماسكه ياما نجيبها مفرومه جاهزه أو نفرمها فى الكبه
ملح و فلفل اسود
م ص ثوم بودرة
م ص بصل بودرة
م ص بابريكا
١/٤ كوب بقسماط مطحون ناعم
للتغطية :
دقيق
بيض و لبن و ملح و فلفل
بقسماط و عليه كام معلقة نشا و شويه كورن فليكس مجروش خشن
الطريقة :
هنجيب بوله و نحط فيها الفراخ المفرومة و عليها الملح و الفلفل و الثوم و البصل البودره و البابريكا و البقسماط
و نخلطهم كويس اوى مع بعض نعجنهم كده بحيث يبقوا عجينه واحده و بنغطيها و ندخلها الثلاجه لمده ساعه
علشان تشد شويه و بعدين بنطلعها و ياما نشكلها كور بإيدنا و اهم حاجه ندهن ايدنا بشويه زيت
علشان يبقى التشكيل اسهل علينا أو لو حابين نقطعها أشكال هنفردها بسمك متوسط ما بين كيسين بلاستيك
و ندهنهم برضو دهنت زيت و نقطعهم بأى أشكال عندنا و بعدين بنبدأ نغلفهم بالدقيق
و بعدين فى البيض و اللبن و بعدين خليط البقسماط مع النشا و الكورن فليكس و بعدين بندخلهم الثلاجه لمده ساعه
قبل القلى علشان الطبقة الخارجيه تمسك فيهم كويس و بعدين بنقليهم فى زيت سخن
و مش بياخدوا وقت لان حجمهم صغير
و بالهنا و الشفا
https://up.3almc.com/uploads/3almik....8760573591.jpg
https://up.3almc.com/uploads/3almik....7605738222.jpg
https://up.3almc.com/uploads/3almik....7605741364.jpg
https://up.3almc.com/uploads/3almik....7605739953.jpg
https://up.3almc.com/uploads/3almik....7605742865.jpg
https://up.3almc.com/uploads/3almik....7605744236.jpg
https://up.3almc.com/uploads/3almik....7605745547.jpg
https://up.3almc.com/uploads/3almik....7605746928.jpg
https://up.3almc.com/uploads/3almik....7605748219.jpg
https://up.kntosa.com/uploads/kntosa...7750255334.gif