منتدي عالمك - عمل جميع انواع السلطات2018،بوفيه سلطات بيتزا كوين،بوفيه سلطات بيتزا هت بالصور،مكونات السلطات الجديده

https://www.iltelaiodipenelope.it/ma...196EH3jP4R.gif
السلام عليكم
قد ايه انا باهتم بالسلطات وباحب انوع فيها وبجد البوفيه ده كله باعمله في اي عزومه ليا
وكل الناس بتنبهر بيه وباحس ان الناس بتسيب الاكل نفسه وبتاكل تقريبا سلطات بس

https://www.iltelaiodipenelope.it/ma...ori/div211.gif
تعالوا شوفوا وقولوا رايكم
https://up.3almc.com/uploads/3almc.c...6795418682.jpg
اول حاجه انا عن نفسي باحبها جدا وبتعجب كل الناس هي

https://www.iltelaiodipenelope.it/ma...ori/div211.gif
سلطه الكول سلو
https://up.3almc.com/uploads/3almc.c...6795416841.jpg
الطريقه كرنب مبشور او متقطع قطع صغيره +جزر مبشور
يضاف لهم الصوص وهو عباره عن
مايونيز + زبادي + خل + سكر + رشه ملح خفيفه قوي +شويه لبن صغيرين قوي
الافتكاسة
1- في طريقتين للكول سلو الطريقه الاولي بتبقي طريه شويه زي بتاعه كنتاكي تحسي كان الكرنب مسلوق لا هو مش مسلوق
هاقوللك علي السر
بتقطعي الكرنب طبعا صغير قوي علي قد ماتقدري
وترشي عليه السكر وذره ملح صغيره قوي
وتحطيه في مصفه
السكر والملح هايخلوا الكرنب ينزل الميه بتاعته
هاتستغربي من كميه الميه اللي نازله منه
وده بيخليه بعد كده يبقي طري ويشرب كويس من الصوص
الطريقه التانيه انك بتسيبي الكرنب زي ماهو وبيبقي مقرمش
ده بقي حسب زوقك انتي
2 - بالنسبه للصوص في ناس بتحط مايونيز بس
لكن انا بصراحه مش باحب ااكل معلقه مايونيز كامله كده في بقي
فباخفف المايونيز شويه بالزبادي مع شويه لبن حليب او لبن رايب
كده بيكون احلي واخف وكمان مش مكلف وخصوصا في العزومات باعمل منها كميات كبيره لانها اول حاجه بتتنسف
3-ممكن استبدال السكر بالعسل النحل بيدي طعم احلي
4- في حاجه اسمها باتر ميلك بتدي طعم احلي واحلي لو متوفره ممكن نضيفها او بدالها الكريمه اللباني او مش لازم خالص
بس كل دي حاجات بتدي طعم كريمي رائع
https://www.iltelaiodipenelope.it/ma...ori/div211.gif
الروس سالاد
https://up.3almc.com/uploads/3almc.c...6795419293.jpg
هي عباره عن خضار مشكل فاصوليا وجزر وبسله مسلوق
ويوضع عليه نفس الصوص بتاع الكول سلو
الافتكاسة
1- انا باجيب كيس خضار بسمه مشكل بدل وجع القلب يا دوب بيتسلق في ميه وملح
2- لازم نطلع الخضار علي ميه ساقعه فيها تلج فورا علشان يحتفظ باللون الاخضر الجميل
وده عامه مع اي خضار اخضر
https://www.iltelaiodipenelope.it/ma...ori/div211.gif
سلطه البطاطس بالمايونيز
بطاطسايه مقطعه مكعبات ومسلوقه في ماء وملح
نضع عليها مايونيز +سكر+ خل + توم مفروم
الافتكاسة
1- السلطه دي طعمها بيبقي زي التوميه باظبط لان فيها توم ومايونيز وبتبقي جميله جدا جدا
2-لازم نقطع البطاطس قبل مانسلقها لان لو سلقناها صحيحه مش هانعرف نقطعها مكعبات وهاتتفرفت مننا
3- لازم البطاطس تكون سخنه يعني نصفيها من ميه السلق ونحط عليها علي طول المايونيز وباقي المكونات
علشان البطاطس وهي سخنه بتشرب اي حاجه تتحط عليها لكن لو بردت خلاص بتقفل المسام بتاعتها
وده بينطبق علي اي وصفه للبطاطس
4- ممكن نضيف بقدونس مفروم ونقلبه معاها وده حسب الزوق

https://up.3almc.com/uploads/3almc.c...0679542538.png

https://www.iltelaiodipenelope.it/ma...ori/div211.gif
سلطه المايوتشب
هي عباره عن مايونيز +كاتشاب مخلوطين مع بعض وبيكون لونها بمبي فاتح
سلطه الطحينه
طحينه + زبادي + توم مفروم+ ملح وفلفل وبابريكا+ خل ولمون
يمكن التخفيف بالماء
تكات نوسه
1- في ناس بتعمل سلطه الطحينه بالميه بس
لكن اضافه الزبادي بتخلي قوامها كريمي وطعمها جميل
2- لو لقينا قوامها تخين شويه بنخفف بالميه السخنه مش البارده لان الميه السخنه بتفتح لونها قوي
https://up.3almc.com/uploads/3almc.c...7954286110.jpg
https://www.iltelaiodipenelope.it/ma...ori/div211.gif
سلطه الفاصوليا الخضرا
فاصوليا خضرا مسلوقه توضع في ميه فيها تلج ثم تنشل ونقطع عليها بصل جوانح وفلفل الوان ونحط عليها سكر خل ملح زيت
سلطه الزبادي بالخيار
خيار مبشور +زبادي +نعناع ناشف +خل ولمون +سكر وملح
الافتكاسة
1- الخيار لما بيكون مبشور من غير قشره بيبقي احسن
2- النعناع الناشف يفرك بالايد كويس قوي لحد مايبقي زي البودره
وهو مهم لاعطاء طعم رائع
https://up.3almc.com/uploads/3almc.c...6795424427.jpg

https://www.iltelaiodipenelope.it/ma...ori/div211.gif
سلطه الطماطم
كلنا عارفينها بس في حاجات بتخليها احلي
نخش عالتكات علي طول
تكات نوسه
1- يفضل ان البصل يتنقع في خل وملح شويه قبل ماتعملي السلطه
لانه كده بيدبل شويه ومش بيحرق العين وانتي بتاكلي
2- الخيار لو قشرتيه هايفرق قوي في الطمع
انا زيك كده كنت مستهتره بالموضوع ده وعمري مافكرت اعمله وكنت باقول ايه الشيفات الهبله دي بيقشروا الخيار ليه
بس لما جربت عرفت الفرق ... انتي كمان لازم تعرفيه
3- الخس الكابوتشا افضل بكتير من الخس البلدي
ولكن يفضل تقطيعه عشوائيا باليد مش بالسكين لانه رقيق قوي وبينزل ميه علي طول
4- الصوص او الدريسنج مهم جدا
مش شويه خل وكمون واقلب
لا اعملي اي صوص كويس تحبيه
انا عامه باحب صوص المسترده
معلقه مسترده معلقتين زيت دره خل ملح سكر واضربيهم
في الكبه هايبقي تقيل زي المايونيز بس تحححححححححححححححححححفه
https://www.iltelaiodipenelope.it/ma...ori/div211.gif
سلطه الحمص
حمص مسلوق كويس قوي يضرب في الكبه مع زيت وخل وملح وطحينه
بيتهيالي دي مش محتاجه تكات
https://up.3almc.com/uploads/3almc.c...6795426989.jpg

https://www.iltelaiodipenelope.it/ma...ori/div211.gif
التوميه
3 علب زبادي+ 2 فصوص توم+ معلقتين مايونيز+ ملح و فلفل
نحط كل المقادير على بعض
نضربهم كلهم في الخلاط
الافتكاسة
1- التوم لازم يكون مفروم من الاول علشان مايعملش كتل صغيره
2- مانضربش كتير في الخلاط علشان المايونيز مايفكش
https://up.3almc.com/uploads/3almc.c...795421324.jpeg

https://www.iltelaiodipenelope.it/ma...ori/div211.gif
سلطه المكرونه
غايه في الروعه اللي مايعرفهاش لازم يجربها
كيس مكرونه صغيره مسلوقه +علبة تونه +جزر+خيار+ذرة+فلفل رومي+2ملعقه كبيرة مايونيز
+2ملعقه كبيرة جبنه كوبايات بطعم الشيدر او اي طعم تحبوه
ملح+فلفل اسود
نخلط كل المكونات
الافتكاسة
1- المكرونه لازم تكون نوع كويس علشان ماتفرولش ولا تعجن
انا باحب ريجينا
2-التونه اي نوع بس ياريت تكون قطعه واحده مش مفتته علشان تبان
3- ممكن نستبدل التونه بقطع لانشون او بسطرمه او حتي سوسيس متحمر ومتقطع
كلهم بيبقوا احلي من بعض
https://up.3almc.com/uploads/3almc.c...6795422566.jpg

https://www.iltelaiodipenelope.it/ma...ori/div211.gif
سلطه البنجر
يقشر البنجر ويسلق ثم نضيف عليه ملح +فلفل+ زيت +سكر +خل
https://up.3almc.com/uploads/3almc.c...6795421885.jpg

https://www.iltelaiodipenelope.it/ma...ori/div211.gif
تكات عامه لكل السلطات
1- السلطات كلها لازم تكون معموله قبلها بيوم او علي الاقل من الصبح
علشان تتشرب التتبيله كويس
2- الزبادي المستخدم في اي نوع سلطه لازم يبقي زبادي مبستر زي جهينه او اي ماركه تحبيها
عشان طعمه بيبقي كريمي
لكن الزبادي البلدي بيعمل حتت صغيره كده ومش بيدوب كويس
3-- المقادير بصراحه مش باعرفها لاني باعمل بالبركه كمان دي بتبقي متروكه لزوقك الشخصي
انتي مع الوقت هاتظبطي
ومهم قوي انك تدوقي بين كل خطوه والتانيه لحد ماتعرفي تظبطيها
4-اي حاجه مسلوقه زي البطاطس او البنجر او المكرونه او الحمص
لازم تتعمل علي طول وهي سخنه علشان تتشرب الطعم لكن لو سبتيها تبرد وبعدين حطيتي باقي المكونات مش هاتتشرب
http://cdn.content.sweetim.com/sim/c...s/000203F8.gif http://cdn.content.sweetim.com/sim/c...s/0002043B.gif
والي اللقاء في موضوع اخر باذن الله
https://www.iltelaiodipenelope.it/ma...196EH3jP4R.gif