منتدي عالمك - طريقة عمل جاتوه المحلات،طريقة عمل جاتوه سهل،طريقة عمل الجاتوه بالشوكولاته،جاتوه شاتوه

حبايبى الحلوين اخباركم ايه يا رب تكونوا بخير
جيبالكم بقى مفاجأة ماحصلتش
ما شاء الله اللهم بارك شايفين الجمال
الصور بتتكلم لوحدها
بأبسط المكونات و ببيضتين بس هتعملوا احلى كيكه شيكولاته و ممكن تبقى بديل هايل للجاتوه
الكيكه هشه جدا و ناعمه و اسفنجيه و لا الكريمه وهمى بجد
مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه
طريقة عمل الجاتوه
طريقة عمل الجاتوه بالكريمة
طريقة عمل الجاتوه في الخلاط
جاتوه العيد
الجاتوه السحرى الاقتصادى على طريقتى
المقادير :
المقدار داه بيعمل صينيه مدوره مقاس ٢٢ أو ٢٤ سم
٢ بيضه بدرجة حرارة الغرفة
فانيليا
كوب سكر عادى مش بودره بس يفضل يكون ناعم الحبيبات
ثلاث اربع كوب زيت
كوب لبن اللى هو الحليب بدرجه حراره الغرفه
م ك خل
٢ م ص بيكنج بودر
رشه ملح
٣ م ك كاكاو خام
كوب و نصف دقيق منخول
طبقه الكريمه
٣ كوب لبن اللى هو الحليب
فانيليا
٥ م ك سكر
٢ م ك نشا
٤ م ك دقيق
٣ م ك كاكاو خام
٤ م ك زبده
علبه قشطه مش البلدى لا قشطه العلب اللى بتبقى موجوده فى السوبر ماركت و يمكن الاستغناء عنها
للتزيين :
شيكولاته مبشوره أو حسب الرغبه
الطريقه :
بالنسبه للكيك هنجيب بوله و نحط فيها الدقيق و الملح و البيكنج بودر و الكاكاو و نقلبهم كويس
و نسيبهم على جنب و فى الخلاط أو بمضرب سلك يدوى عادى حتى هنضرب البيض مع السكر و الفانيليا
و الخل و الزيت و اللبن لغايت لونهم ما يفتح و حجمهم يتضاعف و بعدين هناخدهم و نضيفهم
على خليط المواد الجافه و نقلب كويس اوى بحيث نتأكد ان كله امتزج مع بعضه و بنحط الخليط
فى صينيه مدهونه زيت و متعفره بالكاكاو و بندخلها فرن سخن على الرف اللى فى النص على درجه حرارة 180
بتاخد حوالى نصف ساعه اكتر أو اقل حسب الفرن بنقدر نختبرها بخله أسنان او سكينه
و بعد ما تستوى بنطلعها من الفرن و بنسيبها تبرد تماما و بنبدأ نعمل الكريمه فى كسروله
بنحط اللبن الحليب و السكر و النشا و الدقيق و الكاكاو الخام و بنقلبهم كويس اوى على البارد
بحيث نتأكد ان مفيش اى تكتلات و بنرفعهم عالنار مع التقليب المستمر لغايت الغليان و قوامهم
يبدأ يتماسك و بنطفى النار و بنضيف الفانيليا و الزبده و علبه القشطه و بنقلبهم كويس اوى و بنسيب الكريمه
تهدى شويه مش تبرد و بعدين بنضيفها على الكيك و بنساويها كويس اوى و بنسيبها تبرد تماما
و تتماسك فى حراره الغرفه و بعدين فى الثلاجه و بنزينها حسب الرغبه
و بالهنا و الشفا
https://up.kntosa.com/uploads/kntosa...5365403571.jpg

https://up.kntosa.com/uploads/kntosa...5365415412.jpg

https://up.kntosa.com/uploads/kntosa...5365434713.jpg

https://up.kntosa.com/uploads/kntosa...3536544534.jpg

https://up.kntosa.com/uploads/kntosa...5365455615.jpg

https://up.kntosa.com/uploads/kntosa...5365506296.jpg

https://up.kntosa.com/uploads/kntosa...5365514017.jpg

https://up.kntosa.com/uploads/kntosa...5365523868.jpg

https://up.kntosa.com/uploads/kntosa...5365533669.jpg

https://up.kntosa.com/uploads/kntosa...3655438410.jpg

https://up.kntosa.com/uploads/kntosa...3655460811.jpg

https://up.kntosa.com/uploads/kntosa...3655549212.jpg

https://up.kntosa.com/uploads/kntosa...3655573413.jpg

https://up.kntosa.com/uploads/kntosa...3655643414.jpg