أسهل طريقة لعمل كيكة البرتقال بالصور
حبايبى الحلوين اخباركم ايه يا رب تكونوا بخير ربنا يسترها علينا و يحفظنا جمعيا و يعدى الأيام دى على خير يا رب يالا نعمل احلى كيكة برتقال هى اللى تنفع فى الظروف دى https://up.3almc.com/uploads/3almik....0195141945.jpg ما شاء الله اللهم بارك شايفين الجمال شايفين اللون و الهشاشه و عاليه و فاتحه كيكة البرتقال بالصور https://up.3almc.com/uploads/3almik....0195132754.jpg من أجمل كيكات البرتقال اللى ممكن تعملوها هشه و ناعمه جدا اكتر من القطن و لا اللون و الريحه حاجه ماحصلتش بجد لا و كمان اقتصاديه جدااااا مقادير سهله جدا و بسيطه و نتيجه مضمونه بإذن الله ان شاء الله تجربوها و تعجبكم و ماتنسونيش فى دعوه حلوه كيكة البرتقال الهشة جدااااا و الإسفنجية تقدروا تعملوا نصف المقدار داه انا ضاعفته علشان تبقى عاليه و حلوه و السر فى اللون الفاتح الحلو داه اننا مش هنعملها فى الخلاط زى الكيك العادى لا هنعملها بطريقة الكيك الاسفنجى فهتبقى هشه و ناعمه جدا و كمان لونها جميل و فاتح و هقولكم شويه ملاحظات علشان بإذن الله تنجح معاكم من اول مره و تبقى زى الفل انا هنا استخدمت صينيه مقاس ظ¢ظ¢ سم مقادير كيك البرتقال الهش : ظ¦ بيضات مفصولين و يفضل البيض يكون ساقع من الثلاجه علشان نعرف نفصله بسهوله كوب سكر عادى مش بودره بس يفضل يكون ناعم الحبيبات و لونه فاتح علشان الكيكه تطلع فاتحه معانا و السكر هنقسمه لجزئين نصف كوبايه مع البياض و نصف كوبايه مع الصفار م ص فانيليا يفضل السائله علشان تقضى على طعم و ريحه البيض م ص خل زياده فى الاحتياط علشان نقضى على اى طعم للبيض رشه ملح م ك بشر برتقال ربع كوب زيت ربع كوب عصير برتقال كوب و ربع دقيق منخول طريقة عمل كيكة البرتقال الهشة : هنجيب بوله تكون نظيفه و ناشفة تماما و هنحط فيها بياض البيض و رشه الملح و هنبدأ نضرب فيه بالمضرب الكهربائى لغايت ما لونهم يفتح و نلاقيه بدأ يعمل رغاوى فى الوقت داه هنضيف نصف كوبايه السكر بالتدريج و احنا بنضرب هنلاقى حجمه اتضاعف و لونه بقى فاتح زى بياض الثلج علامه انه وصل للمرحله المظبوطه اننا لما نقلب البوله نلاقيه ثابت و مش بيقع و هنسيبه على جنب و فى بوله تانيه هنحط صفار البيض و عليه نصف كوبايه السكر التانيه و الفانيليا و الخل و نضربهم كويس اوى لغايت ما لونهم يفتح و احنا بنضرب هنضيف الزيت و عصير البرتقال على شكل خيط رفيع و بعدين هنستغنى عن المضرب الكهربائى و هنبدأ نضيف الدقيق اللى عليه بشر البرتقال بالتدريج كده طبعا خليط الصفار هيبقى تقيل شويه عادى هنبدأ ناخد بقى جزء جزء من خليط البياض و نضيفه عليه و نقلب بالراحه بمعلقه خشب أو سباتيولا من تحت لفوق و فى اتجاه واحد علشان ما نخرجش الهوا لغايت ما نخلص الكمية كلها و بنحط خليط الكيك بتاعنا فى صينيه مدهونه زيت و متعفره بالدقيق و يفضل كمان نبطنها بورق زبده احتياطى لو متوفر و ندهنه برضو بالزيت و نعفره بالدقيق و بندخلها فرن سخن على الرف اللى فى النص على درجه حرارة 170/180 بتاخد من ساعه الا ربع إلى ساعه طبعا حسب الفرن و تقدروا تختبروها بعد نصف ساعة و بالهنا و الشفا https://up.3almc.com/uploads/3almik....9019511381.jpg https://up.3almc.com/uploads/3almik....0195122062.jpg https://up.3almc.com/uploads/3almik....0195131013.jpg https://up.3almc.com/uploads/3almik....0195132754.jpg https://up.3almc.com/uploads/3almik....0195141945.jpg https://up.3almc.com/uploads/3almik....0195191376.jpg https://up.3almc.com/uploads/3almik....0195192927.jpg |
الساعة الآن 07:09 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.