بشرتي دهنيه وفيها حبوب وبقع، الشعر يطلع بسرعة بعد السويت،ازاى اهتم بنفسى قبل فرحى،كيف ابيض بشرتي
https://www.iltelaiodipenelope.it/ma...n-carriage.gif https://vb.3dlat.net/smilies/6/1147423vqqvcwn0q6.gifhttps://vb.3dlat.net/smilies/6/1147423vqqvcwn0q6.gif https://vb.3dlat.net/smilies/6/1147423vqqvcwn0q6.gif https://vb.3dlat.net/smilies/4/024.gif السلام عليكم ورحمة الله وبركاته https://vb.3dlat.net/smilies/4/024.gif https://vb.3dlat.net/smilies/4/024.gif https://vb.3dlat.net/smilies/4/024.gif وصفات من خبيرة تجميل رخيصة ومجربة بجد تحفة قبل اى حاجة يا قمر انتى وهى مش هتخسرى حاجة لو قيمتى الموضوع الكل هيستفاد انا رحت امبارح عند واحدة بتعمل ساونة وتبخير وتعطير خبيرة تجميل يعنى ومن ساعة ما شوفتها واختكم ما بطلتش اسئلة قعدت اسألها فى كل حاجة طبعا علشان اخد منها وصفات واجى اقولكم يا حبايبى علشان كلنا نستفاد وبصراحة سألتها فى حجات كتييييرة ومتنوعة هكتبهالكم كلها بس اوعدونى ان لو الموضوع عجبكم تقيموه علشان يتثبت وادى اللى قالت هالى يا قمرات : 1_ لصفاء وتفتيح الوجه والرقبة والتخلص من الهالات السوداء حوالين العين قالتلى على ماسك عبارة عن كاكاو + بيض شكرت فى المسك ده قوووووووووى واكدتلى ان ليه نتايج هايلة بتبقى واضحة وقالتلى اخلطهم على بعض واحطهم فى التلاجة وعادى اعمل منهم كذا مرة يعنى ممكن فى اليوم مرتين مفيش ضرر منه العكس التأثير بيوضح اكتر وكان فيه واحده كاتبه موضوع انها جربت ماسك البن + البيض وقالت انها من اول مرة حست بتأثير واضح قوى وقالت انه جميل جدا وده اللى اكدلى ان كلام الست صح لان البن بيشبه الكاكاو 2_ الحلاوة هى وبتعملها بتضيف كركديه + شبه + ليمون قبل استخدام الحلاوة قالتى ادهن جسمى بـ خميرة بيرة علشان الشعر يقف ويطلع بسرعة بعد استخدام الحلاوة قالتلى ادهن جسمى بـ نشا + بيض + ليمون + سكر 3_ خشونة كعب الرجل والجلد الميت والتشققات قالتلى انقع رجلى فى ماء + نشادر واكدتلى ان دى احسن طريقة احصل بيها على رجلين ناعمة بعد ما انقع رجلى افركها هلاقى كل الجلد الميت بينزل بسهولة والرجل تنعم 4_تشطيف الاماكن الحساسة قالتلى اتشطف بـ ماء + كربوناته (بتاع الملوخية) اكدتلى ان الوصفة دى بتقتل كل البكتريات والفطريات وبتمنع وبتعالج اى التهابات وعلى فكرة الوصفة دى ماما بتعملها وبتقول انها حلوة قوى 5_ لتطويل ونعومة الشعر وتغذيته قالتلى على حنة اسمها (زهرة الدامر) بـ 2 جنيه من عند اى عطار اعملها كل خميس ودى هتطرى الشعر خالص وتغذيه وقالتلى ان فيه ناس كتيرة جربتها وفعلا مع المدوامة عليها شعرهم اتحسن كتييييييير وعلى فكرة الحنة دى مش حنة فرد علشان فيه بنات هيفتكرونى بتكلم على حنة الفرح لا دى حنة عادية طبيعية لان الحنة الفرد وحشة جدا وبتوقع الشعر الطريقة حنة + شاى مغلى + خل هتغلى الشاى وتصفيه من التفل وتكبى ماية الشاى على الحنة وتضيفى ليهم ملعقة خل وتغطيهم بكيس وتسيبيهم يعنى تعمليهم من بالليل وتسيبيهم لحد الصبح الاستخدام تحطى الحنة على شعرك لغاية ما تنشف يعنى من الصبح للظهر وبعد ما تنشف حطى على راسك كيس علشان تطرى واول ما تطرى شيلى الكيس وخليها تنشف تانى واول ما تنشف ادهنى شعرك بزيت اكل مش اى زيت تانى واقعدى كدا لغاية تانى يوم 6_ دهان للشعر قالتلى على زيت اسمه (الكركار) + حبة البركة الكركار عبارة عن خلطة من زيوت كتيرة بيتعمل فى السودان ولونة وسمكه بيبقى زى السمنة بالظبط وريحته رووووووووووعة احنا عندنا هنا فى اسوان فيه ناس بيعملوه وبيبعوه هى دى يا قمرات الوصفات اللى جبتها منها ياريت اكون قدرت افيدكم ومتنسوش التقييم يا عسلات انا عارفة ان كلنا زهقنا من ملايين الوصفات اللى بنقراها ومش بنفذها او بنخاف انها تكون مش كويسه بس يا بنات الوصفات دى فعلا ناس كتيرة مجرباها وليها تأثير واضح جدا وانا كمان هجربها https://www.iltelaiodipenelope.it/ma...1177351104.gifhttps://www.iltelaiodipenelope.it/ma...1177351104.gifhttps://www.iltelaiodipenelope.it/ma...1177351104.gif وعلشان تستفادوا اكتر انا هكتبلكم الحاجات اللى انا مجرباها فى العناية بنفسى وطلعت حلوة قوى عن تجربة 1_ تنظيف الوجه انا بستخدم غسول (كلين اند كلير clean and clear) وفعلا تحفة والله بستخدمة اول ما اصحى ولما اجى انام ولو خرجت بستخدمه اول ما ارجع بحطه فى قطنة وبمسح بيها وشى كله وسعره رخيص مش غالى 2_ترطيب الوجه لما بغسل وشى اول ما اصحى بحط مع رغوة الصابون اى كريم مرطب واسيبه على وشى لغاية ما اغسل سنانى وفعلا الوصفة دى حلوة معايا 3_ الشفايف يومين فى الاسبوع بدهنلها فزلين واجيب حبه سكر وادلك بيهم الشفتين اى قشر وزوايد بتطلع وكمان الحركة دى بتخلى الدم يجرى فيهم وقبل ما بنام حط زبدة كاكاو(لونا) وكمان لما باجى اغسل سنانى بالفرشة بغسل شفايفى كمان بالمعجون والفرشة 4_ حمام الكريم انا بستخدم نوع اسمه (اورجنزا سوفت) بالنخاع كلمه تحفة دى قليلة عليه والله جمييييييييل خالص وبيطرى الشعر وريحته تحفة بتقعد فى شعرى حتى بعد ما بطلع من الحمام وسعره رخيص جدا العبوة الكبيرة بشتريها من تاجر الجملة بـ 8 جنيه والله انا حتى الان مستغربة ازاى يكون حلو قوى جدا وسعره قليل وانا سعات بحطه لوحده وسعات بضيف ليه كل الزيوت اللى عندى فى البيت 5_ كريم الشعر انا بستخدم كريم اسمه (هير دو hair du) انا جربه بزيت كبد الحوت وبالحشيش بس الاحلى معايا اللى بالحشيش وبرده سعره رخيص بـ 6 جنيه من تاجر الجملة 6_ التلييف احسن ليفة استخدمتها الليفة المغربية بجد تحفففففففة بستخدمها زيها زى الليفة عادية بحط عليها اى شاور جل او حتى صابون ورخيصة فى حدود 5 جنيه بس فيه منها صغير وكبير 7_مزيل العرق وكمان الخلطة دى بتفتح المقادير ملعقة ونص شبه مطحونة ملعقة ونص كريم مرطب (انا بستخدم ايفا بالجلسرين) عصير ليمونتين مسك مطحون (انا بستخدم مكعب المسك بجيبه من عند العطار ب 5 جنيه ولونه اصفر وريحته تحفة وطرى ممكن تكسروه بالسكينه وانا بحط منه عندى فى الدولاب بيخلى الدولاب كله ريحته رووووووعة ) 8_ تشطيف الاماكن الحساسة انا واخواتى وماما بنستخدم غسول اسمه (مالفا) حلو قوى بيقتل اى بكتريا واى فطريات وهو بريحة الورد فبيضيع اى ريحه كريهه انا بستخدمه كل يوم ومن ساعة ما استخدمته شعر العانة بقى بيطلع ناعم وخفيف وسعره رخيص انا مش فاكره كام بالظبط بس مش بيعدى 10 جنيه والازازة بتقعد فترة كبيرة 9_ كريم لتبييض وتنعيم الجسم كان فيه واحده هنا كاتباه وفعلا تحفففففة عبارة عن صابونة دوف نصف كوب ماء ورد ليمونة نصف كوب جلسرين ابيض 2 ملعقة زيت زيتون الطريقة يبشر الصابون وينقع فى ماء الورد من بالليل للصبح ثم يوضع على النار لغاية ما يبقى زى الكريم ثم يرفع من على النار ونضيف ليه باقى المقادير ويحفظ فى برطمان زجاج للإستعمال الاستخدام يدهن الجسم بالكريم قبل الاستحمام ويدلك ويترك لمدة ساعة ويفرك بالليفة المغربية او العادية ياريت يا قمرات تكونوا استفدتواانا كتبتلكم انا بعمل ايه لان كل الحاجات دى بسيطة قوى مش بتتعبنى ولا بتاخد من وقتى كتير وبرغم كدا بيبقى ليها تأثير واضح على جمالى ونضافتى ولو الموضوع عجبكم ياريت تقيموا علشان يتثبت وكل البنات تقراه وتستفاد ونصيحة منى لازم تهتمى بنفسك يا قمر مش هيحصل حاجة لو خصصتى من وقتك عشر دقايق لشعرك وكذالك لبشرتك بلاش الكسل اللى احنا فيه ده اللى مضيعنا ولو فيكى اى حاجة فى جلدك او فى جسمك ومحتاجة دكتور بلاش كسل يا قمر انزلى اكشفى واتعالجى ومفيش حاجة اسمها انا مش حلوة لا يا قمر مفيش واحده مش حلوة اى واحده بتهتم بنفسها هتبقى حلوة فشوفى بقى يا عسل انتى عايزة تبقى حلوة ولا مش حلوة والسلام عليكم ورحمة الله وبركاته وبكرر كلامى التقييييييييييييييم يا بنات https://vb.3dlat.net/smilies/6/128987.gif https://vb.3dlat.net/smilies/6/128987.gif https://vb.3dlat.net/smilies/6/128987.gif https://www.iltelaiodipenelope.it/ma...n-carriage.gif |
رد: بشرتي دهنيه وفيها حبوب وبقع، الشعر يطلع بسرعة بعد السويت،ازاى اهتم بنفسى قبل فرحى،كيف ابيض بشرتي
جزاكى الله خيرا يا غالية |
رد: بشرتي دهنيه وفيها حبوب وبقع، الشعر يطلع بسرعة بعد السويت،ازاى اهتم بنفسى قبل فرحى،كيف ابيض بشرتي
|
رد: بشرتي دهنيه وفيها حبوب وبقع، الشعر يطلع بسرعة بعد السويت،ازاى اهتم بنفسى قبل فرحى،كيف ابيض بشرتي
|
رد: بشرتي دهنيه وفيها حبوب وبقع، الشعر يطلع بسرعة بعد السويت،ازاى اهتم بنفسى قبل فرحى،كيف ابيض بشرتي
تسلمي يا حبيبتى روعه
|
رد: بشرتي دهنيه وفيها حبوب وبقع، الشعر يطلع بسرعة بعد السويت،ازاى اهتم بنفسى قبل فرحى،كيف ابيض بشرتي
|
الساعة الآن 01:46 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.