منتدي عالمك

منتدي عالمك (https://vb.3almc.com/index.php)
-   أكلات سهلة وسريعة (https://vb.3almc.com/forumdisplay.php?f=39)
-   -   طريقة عمل مكرونة بالكبدة،طريقة عمل طاجن المكرونة بالكبدة زى محلات الكشرى،احلي طبق مكرونة بالكبدة (https://vb.3almc.com/showthread.php?t=18960)

آنسة قهوة ☕ 12-08-2019 02:31 PM

طريقة عمل مكرونة بالكبدة،طريقة عمل طاجن المكرونة بالكبدة زى محلات الكشرى،احلي طبق مكرونة بالكبدة
 
https://up.kntosa.com/uploads/kntosa...2437665071.gif
خلصت صلاة الجمعة وكنت جعانة وماليش نفس اكل فول وطعمية طب اسكت لا طبعا .
كان عندي طبق كبدة اسكندراني وطبق مكرونة بايتين من امبارح روحت مطلعهم وتقمصت شخصية مطعم
بابا عبده اللي ف وسط البلد وحطيتهم علي بعض وحطيت عليهم صلصة بشطة ببقي عاملها دايما جنب المكرونة
وسخنتهم وكان احلي طبق مكرونة بالكبدة والله مايفرقوا عن بتاعة بابا عبده حاجة خالص .
https://up.3almc.com/uploads/3almik....0793658822.jpg
طريقة الكبدة :
بنزل ببصل وتوم واشوحهم في الزيت واطشهم بمعلقة خل واحط الكبدة اسيبها دقيقتين كده
وبعدين اقلب وانزل عليها بالبهارات مكعب مرقة دجاج وفلفل اسمر وكسبرة ناشفة وحبهان وورق لوري
مطحونين وبهارات كبدة وملح واسيبها 10 دقايق وقبل مااطفي بدقيقتين انزل بالفلفل الالوان وبعدين اغرفها .
طريقة المكرونة بالصلصة : بضرب 6 طماطمايات وعليهم كيس صلصة في الخلاط وبعدين في حلة اسخن زيت
وانزل بالصلصة واحط عليها بس مكعب مرقة دجاج وفلفل اسمر وملح ومعلقة بابريكا واسيبها تتسبك
واكون سلقت المكرونة وحاطط عليها معلقة زيت عشان ماتعجنش ولاتلزق ف بعضها واحط الصلصة
واقلبهم علي بعض ويبقي تمام كده .
اكلة خفيفة وسريعة ياجماعة وشهية جدا وبالهنا والشفا .
https://up.3almc.com/uploads/3almik....0793660653.jpg
https://up.3almc.com/uploads/3almik....0793658822.jpg
https://up.3almc.com/uploads/3almik....0793657161.jpg
https://up.kntosa.com/uploads/kntosa...2437668612.gif



الساعة الآن 03:56 PM.

Powered by vBulletin Version 3.8.8 Alpha 1
Copyright ©2000 - 2020, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2020 DragonByte Technologies Ltd.