طريقة عمل وراك الفراخ المشوية بالصور
طريقة عمل وراك الفراخ المشوية في الفرن بتتبيلة روووعة https://up.3almc.com/uploads/3almik....9044203542.jpg الوراك المخليه دي لازم تجربوها وعلى ضمانتي مش هتبطلوا تعملوها الاول بنخلي الاوراك الفراخ او بنطلبها مخليه وانتى بتشتريها قوليلوا هعملها حمام كداب علشان يحافظ لك على جلد الفراخ متماسك وسليم ولو هتخليها فى البيت ف بالسكينه وهتحاولى تخلصى اللحم من العظم من الجهه اللى تحت ولو هدر معاكي لحم وطلع فى العظم حطيه تاني فى الورك بين اللحم احنا مبنرميش حاجه هاا هنتبل الوراك بتاعتنا ب ميه بصل و طمطمايه صغيره نص قرن فلفل حار و عصير ليمون و خل و ملح وفلفل وزنجبيل و ببريكا ومسترده وزعتر و روزماري فريش هنسيبها فى التتبيله على الاقل ساعتين تلاته وياسلام بقى لو على بيات نتبلها ونسيبها فى التلاجه التسويه قدامنا طريقتين اولا هنشويها ع الفحم طب ولو معنديش شوايه فحم او مكسله . هنحطها فى الشبكه بتاعت الشوايه الفحم اللى بتتقفل على بعضها دي لو مش عندك ممكن تشتريها رخيصه اوي او حطيها زي ما هيه كدا مفروده على الشبكه فى الفرن ولو عندك الشبكه بتاعت الشوايه هتدهنيها زيت خفيف بفرشه و تفردي فيها الاوراك وتدخليها الفرن تحطيها على شبكه الفرن فى النص و تحطي تحت فى ارضيه الفرن صينيه ميطنه بورق المونيوم علشان الصينيه متتحرقش هينزل فيها كل الدهون النازله من الاوراك مش بتاخد وقت خالص فى التسويه هتعرفي انها اسوت بانك هتلاقى الجلد أخد لون ذهبي جميل نطلعها نعملها فحمه ونغطيها علشان تتشرب ريحه الفحم وتدينا تيست ونتيجه الشوي وبس خلاص ايه رايكم فيها ومين هيجربها https://up.3almc.com/uploads/3almik....9044201041.jpg https://up.3almc.com/uploads/3almik....9044203542.jpg https://up.3almc.com/uploads/3almik....9044205393.jpg |
الساعة الآن 07:00 PM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.