طريقة تحضير سيخ شاورما الدجاج,تتبيلة شيش طاووق مثل المطاعم, طريقة عمل العيش الصاج السورى بالصور
https://up.kntosa.com/uploads/kntosa...2437665071.gif و أخيييرا عملتها و كسبت ثقة أمى الحمد لله أمى فكرانى مش بعرف الألف من كوز الدرة فى المطبخ النهاردة أصريت أعمل كل حاجه و هى تقعد ترتاح و رضيت عنى بعد ما انبهرت بالأكل الحمد لله هقولكم عملت ايه : كان عندى بانيه كتير ( صدور فراخ يعنى ) فحبيت اقسم الكمية ع اتنين أعمل بنصها سيخ شاورما و النصف التانى شيش طاووك لو عندك وراك مخلية يبقى أفضل لإنها بتبقى أطرى و بتستوى بسرعة طريقة سيخ الشاورما : جبت صدور الفراخ و حطتها فى التتبيلة من بالليل ، عبارة عن كوب زبادى ، ٣ معالق خل ، توم وبصل بودر ،بابريكا ، بهارات فراخ او ٧ بهارات ، فلفل اسود و ملح و سبتها تتشرب فيها ليلة كاملة طبعا فرق فى طعمها كتير بعدين جبت بصلتين كبااار و قطعت القاعدة بتاعتهم بتساوى عشان أثبت فيهم الخِلة( السيخ ) كويس ، خليت بصلة منهم متثبتة فى الصنية و ركبت عليها خلتين و دخلت فيهم صدور الفراخ المتبلة و بعدين البصلة التانية حطتها من فوق بعد ما خلصت الكمية . و زينت الصنية بفلفل ألوان و طماطم صغيرة (شيرى )و بصل و دخلتها الفرن سبتها نصف ساعة و ادتها عشر دقايق ع الشواية و بس كده شيش الطاووك لسه شيفة منزله طريقته هنا ع الجروب تسلم ايدها عملت كمان عيش صاج او سورى بس ما طلعش سورى اوى طريقته : ٢ كوب دقيق و يفضل يكون بتاع حلويات و عليه ١كوب و ربع مياه دافية بس ضفيه بالتدريج و ماتعمليش زيى ورشة ملح و ماحطتش خميرة زى ما سمعت من الشيف مروة .. اعجنيهم كويس و قطعيها و شكليها ع هيئة كور صغيرة و ادهنيها بالزيت و سبيها ساعة ترتاح و بعدين افرديها بالنشابة و حطيها ع ال grill ولو مش عندك يبقى ع طاسة تيفال بمعلقة زيت صغيرة يدوب تشم النار وتقلبى بسرعة ..( أنا غلطت فى كمية الزيت عشان كده طلع شبه الفطير ) ما تنسوش تستحضروا النية بالهناو بالسعادة لأهل بيتكم و الهداية لأولادكم و أزواجكم هيفرق فى الطعم كتير شجعوونى بقى https://up.3almc.com/uploads/3almik....7289152943.jpg https://up.3almc.com/uploads/3almik....7289148951.jpg https://up.3almc.com/uploads/3almik....7289151182.jpg https://up.kntosa.com/uploads/kntosa...2437668612.gif |
الساعة الآن 11:01 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.