طريقة عمل تورتة الشطرنج بجد حاجةشيك وممتعة فى شغلها
https://up.3almik.com/uploads/3almik...5777415098.gif تورتة الشطرنج** ************* السلام عليكم اخواتى فى الله يا رب تكونوا فى افضل صحة و احسن حال ان شاء الله كنت عاملة تورتة الشطرنج و حبيبت تقولولى رأيكم .. هى مش صعبة بالعكس تماما بس بتاخد وقت شوية فى التقطيع و التنسيق بس النتيجة حلوة و مرضية ان شاء الله https://up.3almc.com/uploads/3almik....8908784981.jpg https://up.3almc.com/uploads/3almik....8908788082.jpg المقادير ****** اى كيك عادى انتى معتمداه فى بيتك مش شرط اسفنجى و هقولكم على مقادير الكيك اللى معتمداه فى البيت (و طبعا هنعمل 2 كيك واحد فانيلا و التانى شيكولاته ) 2 كوب دقيق 1كوب و ربع سكر نصف الكوب زيت كوب الا ربع ماء 3 بيضة معلقة كبيرة بكينج بودر معلقة كبيرة خل (بيخلى الكيك هش جداااا) ظرف فانيلا الطريقة **** فى الخلاط او بمضرب البيض هتضربى البيض مع الفانيلا مع الخل الاول شوية و بعدين تنزلى بالسكر بالتدريج وبعدها الزيت و تضربى و تضيفى الماء و تضربى و بعد كدا تصبر الخليط ده فى طبق غويط فيه الدقيق و البكينجب ودر و تخلطى الخليط كويس لحد ما يتجانس و تجيبى صنية مقاس من 26 او 28 انا عملتها فى 28 ..و الافضل انك تحطى فيها ورقة زبدة عشان سهولة اخراج الكيك منها و كمان لما تحطى كيك الشيكولاته..و لو مافيش ورق زبدة ممكن تستخدمى الورق الابيض بتاعة كراسة الرسم بس لازم تدهنى الصنية زيت بسيط و لما تحطى الورق بردو لازم تدهنيه زيت عشان الكيك مايلزقش فيه. و طبعا تحطى الكيك فى الفرن اللى انتى لازم تشغليه من وقت عملك فى الكيك و يكون فى الرف اللى فى النص و على نار متوسطة ** اما بالنسبة لكيك الشيكولاته نفس المقادير السابقة بي هتشيلى من المكونات معلقتين دقيق و تستبدليهم بمعلقتين كبار مليانين كاكاو خااااااام طريقة تقطيع الكيك و تنسيقها **************** من الافضل ان الكيك يبات لان بيدى نتيجة احلى فى الطعم و ساعة تقطيع الكيك ا* هنا انتى هتستخدمى طبقين مدورين واحد صغير زى طبق فنجان الشاى او القهوة و التانى كبر شوية و هتقسمى كل كيك نصين و يفضل بالخيط العادى اسهل و اسرع و النتيجة مظبوطة ** هتلاقو صورة هتوضح طريقة الشرح بالتفصيل اختصار للصور و الشرح ( الصورة انا جيباها من على النت ) https://up.3almc.com/uploads/3almik....8908790443.jpg اما التذويق فبيبقى حسب الرغبة https://up.3almc.com/uploads/3almik....8908796085.jpg https://up.3almc.com/uploads/3almik....8908798336.jpg https://up.3almc.com/uploads/3almik....8908802457.jpg يا رب تكون التورتة عجبتكوا و ما تنسوش اختكم على خير ان شاء الله .فى رعاية الله و حفظه احبتى فى الله https://up.3almik.com/uploads/3almik...7741510919.gif |
الساعة الآن 05:30 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.