منتدي عالمك - طريقة عمل الكلآوي،عمل اللفت المخلل،طريقة عمل البطاطس اللذيذه،عمل احلى فطار مصرى

https://up.kntosa.com/uploads/kntosa...7750251381.gif
صباح الخيراات وحشتوني
بصو بقي انا قلت لكم ان امي بتحب الكلآوي ومحدش في البيت بيحبها غيري انا وهي اخواتي مش بيحبوها
فنزلت السوق جبت كلاوي وعملتها وهي نايمه وصحتها وووفطرنا بيها جنبها بطاطس مسلوقه ومحمره
وحبه لفت لسه طالعين اول طلعه
وووشاي بس كده مش عايزه اقولكم بقي ع السعاده
الناس الكبيره دي جميله اوي بتنبسط بأقل حاجه بجد ربنا يبارك فيهم
الطريقه ع الصور
طريقه اللفت بتغسلي اللفت كويس وتصفيه وتقطعيه وبعدين بتغسليه تاني ووتصفيه
ووتحطي عليه ملح وتدعكيه وتسبيه ساعه حينزل مياه اوعي ترميها تحطيها مع مياه اللفت
وتجيبي برطمان ف مياه انا بحط مياه م الفلتر وعليها معلقه سكر ووملح وفلفل احمر مدقوق
وبس مش بحط خل عشان بيهريه لو طول وانا بعمل كميه مش بحط بنجر اللفت بينزل لون بيكون باللون ده
https://up.3almc.com/uploads/3almik....5537645714.jpg
الكلاوي
انا يغسلها قبل التقطيع وبنقعها ف مياه بالليمون بتنزل الزفاره كلها
قطعتها قطع صغيره بسكينه حاميه عشان تبقي مظبوطه وف طاسه تحطيها ع النار
ولما الزيت يقدح تشوحيهاا ف الزيت وعليها رشه فلفل اسمر واكون محضره خلطه توابل ملح فلفل كمون بهارات
توم وفلفل احمر مدقوق وخل وليمون واحطهم ع الكلاوي واقلبها لحد م تدخل ف السوا
احط عليها الفلفل اااخضر ومتقطع بس كده لحد م تشرب ميتها وتنشف تبقي استوت وبالهنا
https://up.3almc.com/uploads/3almik....5537647065.jpg
البطاطس اللذيذه
دي هاتي بطاطس صغيره واسلقيها وقطعيهااا واقليها ورشي عليها ملح وفلفل اسمر
ممكن ف ناس بتحب الكمون انا مش بحبو
https://up.3almc.com/uploads/3almik....2553763761.jpg
دي الكلاوي بديها صدمه الاول قبل م تحطي التوابل
https://up.3almc.com/uploads/3almik....5537648476.jpg
بعد م استوت
https://up.3almc.com/uploads/3almik....5537640733.jpg
متنسوش الشاي بس لااسف مفيش نعناع حطتلكم بابا نويل بمناسبه السنه الجديده
https://up.3almc.com/uploads/3almik....5537639262.jpg
https://up.kntosa.com/uploads/kntosa...7750253322.gif