منتدي عالمك - قرص الأفران بالسمسم،طريقة عمل القرص الطرية زي المخابز،طريقة عمل القرص الهشة الطرية بالصور

حبايبى الحلوين اخباركم ايه يا رب تكونوا بخير
جيبالكم بقى وصفة تجنن
ما شاء الله اللهم بارك شايفين الجمال
شايفين هشه و مورقه ازاى
طريقة عمل القرص بتاع الفرن
طريقة عمل القرص مثل المحلات
طريقة عمل القرص بالزيت والسكر
طريقة عمل قرص طرية بالزيت
عجينة القرص بالسمسم
https://up.kntosa.com/uploads/kntosa...2302302769.jpg

احنا هنافس الأفران بقى
القرص دى مختلفه شويه عن القرص الطريه اللى عملتها من فتره طويله بس فعلا احلى كتير من الجاهزه
مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه
قرص الافران الوهميه على طريقتى
https://up.kntosa.com/uploads/kntosa...2302283467.jpg
المقادير :
نصف كيلو دقيق جميع الاغراض يعنى حوالى من ٣ و نصف إلى ٤ كوب دقيق
م ك خميرة فورية
م ك سكر
نصف م ص بيكنج بودر
ملح
ربع كوب زيت
ربع كوب سمنه سايحه و يفضل سمنه بلدى و طبعا حسب المتوفر
لبن رايب دافئ للعجن و يمكن استبداله باللبن الحليب العادى
الحشو :
حسب الرغبه حلو او حادق
جبنه بيضاء
عجوه هنطريها بشويه سمنه عالبارد يعنى من غير ما نحطها عالنار علشان ماتنشفش جواه القرص بعد التسويه
الطريقه :
هنجيب بوله و نحط فيها شويه من اللبن الرايب الدافئ و الخميره و السكر
و نقلبهم كويس و نغطيهم و نسيبهم ربع ساعه يتفاعلوا مع بعض و فى بوله تانيه هنحط الدقيق و الملح و البيكنج بودر
و نقلبهم كويس و بعدين هنضيف الزيت و السمنه و لازم نفرك الدقيق كويس اوى
بالماده الدهنيه بحيث كل حبيبات الدقيق تتغلف بالزيت و السمنه كويس اوى
و بعدين هننزل بخليط الخميره و بنضيف اللبن الرايب بالتدريج حسب ما العجينه تاخد معانا و مش بنعجنها كتير
يدوب لغايت ما تلم معانا و بنغطيها و بنسيبها تخمر لغايت ما يتضاعف حجمها
و بعدين بناخدها و بنقسمها لكور حسب الحجم اللى نحبه و بنغطيهم و بنسيبهم يرتاحوا حوالى ربع ساعه
و بعدين ياما بنسيبها ساده أو بنحشيها حسب الرغبه و بنخلص الكميه كلها و بنرصهم على صينية الخبز
و بندخلهم فرن سخن على الرف اللى فى النص على درجه حرارة 200 بياخدوا يدوب من ربع ساعه
إلى ثلث ساعه مش اكتر علشان ماتنشفش و اول ما نطلعهم من الفرن بنغطيهم بفوطه نظيفة
علشان نحافظ على الرطوبة جواهم و يفضلوا طريين و لما يبردوا تماما بنحتفظ بيهم فى كيس بلاستيك محكم الغلق
علشان ما ينشفوش و اللى يزيد عن استهلاكنا نشيله في الفريزر على طول علشان يفضل حلو معانا و طازه
و بالهنا و الشفا
https://up.kntosa.com/uploads/kntosa...9230211591.jpg

https://up.kntosa.com/uploads/kntosa...2302122352.jpg

https://up.kntosa.com/uploads/kntosa...2302123943.jpg

https://up.kntosa.com/uploads/kntosa...2302125894.jpg

https://up.kntosa.com/uploads/kntosa...2302275665.jpg

https://up.kntosa.com/uploads/kntosa...2302277636.jpg

https://up.kntosa.com/uploads/kntosa...2302283467.jpg

https://up.kntosa.com/uploads/kntosa...2302292078.jpg

https://up.kntosa.com/uploads/kntosa...2302302769.jpg