طريقة عمل المكرونة الاسباجتى بالفراخ وبتنجان مخلل بالخطوات
https://up.3almik.com/uploads/3almik...9152212141.png طريقة عمل المكرونة الاسباجتى بالفراخ وبتنجان مخلل بالخطوات فى مثل بيقول اللى عاوز تحيره خيره انا بقى باعمل كدة مع ولادى لما اكون مظبطة نفسى على اكلة معينة هاعملها افضل اخيرهم فى اكلات كتيييرة لحد ما يزهقوا ويقولولى اعملى انتى اى حاجة على مزاجك وهيه دى الام المصرية الاصيلة النهاردة كنت طول النهار في مدرسة ابنى وبخلص مشاويرررر كتيييرة ورجعت البيت هلكاااانة سألت الولاد تتغدوا رز وخضار وفراخ ولا مكرونة وفراخ ولا مكرونة بالبشاميل ولا فراخ مقرمشة ورز اصفر ولا......... طبعا زى اى بنى ادم حسوا بالزهق قالولى قولى انتى عملت نفسى بافكر وروحت قولتلهم اية رأيكم فى مكرونة الانسجام وفراخ محمرة وبتنجان مخلل فرحوا اوى وقالوا الله ماااااشى https://up.3almc.com/uploads/3almik....4553798953.jpg روحت سلقت فرخة وحمرتها وقليت بتنجان وخللته وعملت اجمد طبق مكرونة مكرونة الانسجام هيه اسمها كدة نسبة لمحل الانسجام إللى مشهور بيها ريحتها بتبقى جايبة لآخر الشارع والناس بتبقى واقفة عليها طوابير بنقطع بصلة مكعبات مع فصين توم مهروسين وقرنين فلفل حامى مفرومين او حلقات رفيعة ونحمرهم في رشة زيت ونطشهم بعصير طماطم مسلوقة ومضروبة ومتصفية علشان يبقى لونها وطعمها مركزين وكمان معلقتين صلصة مركزة من البرطمان ورشة ملح وشطة وفلفل اسود ونسيبها تغلى وتتسبك وننزل عليهم بالمكرونة المسلوقة تلات اربع سوا ونقلب ونااااكل عاوزة اقولكم الحلة بتتنسف في عشر دقايق من حلاوة طعمها البازنجان المخلل نسخن الزيت ونجهز البازنجان بقطع عنقوده وعمل شق بالجنب ونرصه بالزيت ونغطى عليه ونهدى النار ونقلبه على الجنبين الى ان يستوى جيدا دون أن يحترق او يتغير لونه من الداخل ونطلعه من الزيت ونقلى بعده الفلفل الحامى والرومى لعمل الخلطة فصوص توم حسب الرغبة انا بحط ثلاثة فصوص لكيلو البازنجان وطمطماية كبيرة وخمس قرون فلفل احمر حامى وقرنين فلفل بارد وربع كوب خل وملح وعصرة ليمونة ونضربهم جيدا ونحشى بها البازنجان والفلفل المقلى ونكون مجهزين طماطم معمول بها شقوق كالوردة ونحشيها ويقدم الفراخ المحمرة العادية نقطع او نبشر بصلاية متوسطة ونحطها فى حلة ونملى الحلة لنصها مية ونضيف ملح وفلفل وطمطماية مقطعة ونحطها تغلى على النار وتنزلى عليها بالفراخ المغسولة وتسبيها تغلى لمدة ساعة لو الفراخ كبيرة وزنها 2كيلو ولو الفرخة كيلو وربع او كيلو ونص تغلى ساعة الا ربع وتشليها من الشوربة وتنشفيها كويس اوى من الشوربة وتحمريها فى زيت غزير سخن على الجنبين واول ما تبقى ذهبى طلعيها و تمسحى وشها بمعلقة كاتشب وهية لسة سخنة مولعة على طول وكلى احلى فراخ محمرة وبالف هنا https://vb.kntosa.com/images/smilies/asmaile(23).png طريقة عمل مكرونة بالفراخ بطريقة مميزة ولذيذة https://up.3almc.com/uploads/3almik....4553791071.jpg https://up.3almc.com/uploads/3almik....4553794712.jpg https://up.3almc.com/uploads/3almik....4553798953.jpg https://up.3almc.com/uploads/3almik....4553801764.jpg https://up.3almc.com/uploads/3almik....4553805075.jpg https://up.3almc.com/uploads/3almik....4553807036.jpg https://up.3almc.com/uploads/3almik....4553809037.jpg https://up.3almc.com/uploads/3almik....4553810988.jpg https://up.3almc.com/uploads/3almik....7645538139.jpg https://up.3almc.com/uploads/3almik....5538150110.jpg https://up.3almc.com/uploads/3almik....5538169411.jpg https://up.3almc.com/uploads/3almik....5538190212.jpg https://up.3almik.com/uploads/3almik...9152215572.png |
الساعة الآن 08:26 PM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.