منتدي عالمك

منتدي عالمك (https://vb.3almc.com/index.php)
-   أكلات وأطباق من عالمك (https://vb.3almc.com/forumdisplay.php?f=30)
-   -   تحضير شوربه جمبري,مكونات الارز ببصل وطماطم,طريقة عمل الارز بالجمبرى مثل المطاعم (https://vb.3almc.com/showthread.php?t=16642)

آنسة قهوة ☕ 08-29-2019 01:25 AM

تحضير شوربه جمبري,مكونات الارز ببصل وطماطم,طريقة عمل الارز بالجمبرى مثل المطاعم
 
https://up.3almik.com/uploads/3almik...7415127610.gif
طريقة عمل الارز بالجمبرى مثل المطاعم,تحضير شوربه جمبري,مكونات الارز ببصل وطماطم
https://up.3almc.com/uploads/3almik....3463576983.jpg
عاوزه تشجيع وتسقيف للاكله اللي عملتها دي ي جدعان وحسسوني اني بقيت ست بيت باه وكده
(جمبري -باربوني -بلطي - وبساريا -وسلطه وشوربه جمبري ورز ببصل وطماطم )
وعملت توميه وطحينه بس نسيت اصورهم

الطريقه :
غسلت الجمبري كويس جدا وشلت كيس الرمل من ضهرها وتبلتها بتوم وفلفل اسمر
وملح وحبه شطه وحبه خل بسيط وقلبت كله ف بعضه وسبتها حوالي يوم قبل جوزي ماينزل م الشغل
الشوربه باه
شوحت بصله صغيره مع 5 فصوص توم لحد مااصفرت ونزلت بالجمبري ياخد صدمه
لحد مايباه لون الجمبريايه حمرا ونزلت بميه مغليه عليها سبتها حوالي نص ساعه تستوي
تبلت برده سمك البربوني والبلطي بنفس تتبيله الجمبري من جوه وبره وعملته ف شويه دقيق وحبه نشا وقليتهم ف الزيت
الرز شوحت بصله صغننه وعليها فصين توم صغيرين
لحد مادبلو ونزلت بالرز شوحته شويه وروحت حاطه عصير الطماطم ونزلت بشوربه الجمبري
عليها وهديت النار عشان يستوي
طلعت م الشوربه حوالي 4 جمبريات وعملت حبه دقيق بميه وحطيتهم فيها وقليتهم ف الزيت وباقي الجمبري ف الشوربه
البساريا طلعت عيني لانها كانت متلجه بس خطيتها ف مصفا تنزل ميتها
وكنت طبعا منضفاها ومتبلاها برده من تتبيله الجمبري والسمك وطلعت وحده وحده وف الدقيق
وعالزيت علطول يدوب تصفر وطلعتها لانها مبتستحملش
وعملت سلطه وطحينه وتوميه وبالهنا والشفا .

https://up.3almc.com/uploads/3almik....3463583216.jpg

https://up.3almc.com/uploads/3almik....3463576983.jpg

https://up.3almc.com/uploads/3almik....3463578994.jpg

https://up.3almc.com/uploads/3almik....3463575052.jpg

https://up.3almc.com/uploads/3almik....3463580865.jpg

https://up.3almc.com/uploads/3almik....3463572351.jpg
https://up.3almik.com/uploads/3almik...7415145711.gif


الساعة الآن 06:55 AM.

Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.