منتدي عالمك - سلطات بالصور والمقادير.سلطات رمضان الجميلة.سلطه سهله وغريبه.سلطات سهله ولذيذه.سلطه فخمه ولذيذه

https://www.iltelaiodipenelope.it/ma...sori/div33.gif
كل سنه وانتم طيبين
سلطات سهله وخفيفه بالصور
وفي رمضان دايما عازمين ومعزومين :asmaile(23):..ده بوفيه سلطات لذيذ وبسيط
اهم حاجه فيه انك تعملي السلطات قبلها بيوم علشان طعمها يبقه مضبوط
وماتنسيش ان اهم حاجه في العزومه السلطات.
توميه- سلطة بطاطس بالمايونيز - كلو سلو -
بابا غنوج مدخن-سلطه فاصوليا خضرا -
روز سالد -سلطه بنجر -سلطه البقوليات...
هقولك طريقتي ليهم
https://up.3almc.com/uploads/3almc.n...5844805651.jpg
ودي صوره تانيه
https://up.3almc.com/uploads/3almc.n...5844809242.jpg
التوميه_بابا غنوج مدخن _سلطه بطاطس _
سلطة البقوليات( فاصوليا حمرا وحمص )
https://up.3almc.com/uploads/3almc.n...5844811893.jpg
ودي طريقة تقديم تانيه لنفس المجموعه
https://up.3almc.com/uploads/3almc.n...5844814394.jpg
هنا فيه كلو سلو اللي بموت فيه _وروز سالد
دلوقتي نتكلم علي طريقة كل سلطه ودي الطريقه اللي اعتمدتها بعد
تجارب كتييييييييييير..لاني بموت في السلطات اصلا:asmaile(23):
الكلو سلو
اخدت الطريقه دي من اخت عسوله هنا بعد ماكنت فقدت الامل !
كنت بعملها باللبن و خل وسكر
وطعمه بيبقه غييير بره خالص!
لغايه ماعرفت السر فيها.
اللبن الرايب هو كلمه السر,
بتدوبي كوب لبن رايب +3 معالق كبيره سكر +ذره بسيطه ملح+ فلفل
(ابييييييض اذا وجد مافيش خلاص مش مهم)
وتحطيهم علي كرنبه سلطه خضرا صغيره متقطعه رفيع
وجزره صغيره مبشوره وتقلبيهم..
غطيهم وسبيهم في التلاجه
كام ساعه هتلاقي الكرنب نزل مايته ضيفي عليه 2 معلقه مايونيز
وظبطي ملحك وسكرك زي ماتحبي وشيليها
في التلاجه لتاني يوم,,التبريد لفتره طويله هي
السر التاني..
وده معني اسم السلطه دي اصلا.
بابا غنوج مدخن
كتير منا عارفينه..
بس احلي حاجه فيه هو انه مايتقليش ومايتعملش في الفرن
احلي حاجه يتعمل علي عين البوتجاز علي طول..
تغسلس البتنجانه وتنغزيه وتحطيها علي عين البوتجاز علي نار متوسطه 10 دقايق
واقلبيها 10 كمان لغايه ماتحسي ان قالبها استوي..
والبتنجان الوسط هو احسن حجم.
تشيليها لغايه ماتبرد تقشريها وفي علبه تلاجه
هتقدري تهرسيها بسهوله بشوكه..
علشان ماتبقاش ناعمه قوي (بلاش الخلاط ولا الفود بروسسور)
ومع 3 فصوص توم مدقوق+
معلقه طحينه +عصير ليمون+ ملح وشطه لو تحبي.
وتسبيها لتاني يوم هتبقه خطيره واحلي مافيها ريحة التدخين تجنن.
سلطة البطاطس بالمايونيز
بطاطس مكعبات مسلوقه بماء وملح ولما تبرد بعد مانصفيها..
نضيفلها 3 معالق مايونيز +عصير ليمون +ملح +شبت مفروم ناعم (اختياري)
بصل مقطه صغير جدا (اختياري) ونغطيها ونسيبها لتاني يوم.
جميله والكل بيحبها.
التومية
زمان كنت بعملها بالبطاطس المهروسه..
وبرضو طعمها ماكنش زي بتاعت المطاعم ابدا..
لغايه ماخدت الطريقه دي من اخت شاطره
وهي فعلا بتطلع زي بره..
والطريقه انا استغربتها في الاول:asmaile(17):
اول حاجه بخلط 2معلقه كبيره نشا مع كوب الا ربع ماء واسخنهم علي النار
مع التقليب بالمضرب السلك
لغايه لما تتخن معايا اشيلها وضروري اسيبها تبرد علي الاخـــــــــــــــــــر ..
ولما تبرد خالص اخلطه في الخلاط مع
(2 علبة زباري+عصير 2 _3ليمونه +نص بطرمان مايونيز+3_4 فصوص توم
+ملح + معلقتين كبار زيت)
وممكن تحطيهم في بطرمان في التلاجه لمده اسابيع.
وبتستعمل كادريسنج (تتبيله) للسلطات كتيير
سواء خس مع خيار او حلقات طماطم وخيار زي مانا عامله.
وخليط النشا اللي عاملناه في الاول هو اللي بيديها
القوام الصح وبيعادل بقيه المكونات.
روز سالد
هي نفس سلطه البطاطس بالميونيز بس باضافه بسله وجزر مسلوقين ومش بنضيف لابصل
ولا شبت..وممكن كمان لو تحبي تحذفي البطاطس كمان,بس بيها احلي.
سلطه البقوليات
ممكن تتعمل بعدد اكبر من البقوليات ..اختاري زي ماتحبي
(حمص_فاصوليا بيضاء او حمراء_لوبيا...)
بتسلقي البقوليات كل واحد لوحده (وممكن تخزنيهم مسلوقين في الفريزر)
ولما يبردو بعد ماتصفيهم
في علبه تلاجه اخلطي ربع كوب خل ابيض+ 2 معلقه كبيره سكر بودره
علشان يدوب بسرعه+ نص معلقه
صغيره سماق +ملح +فلفل ابيض او اسود)
وانقعي فيهم البقوليات وزودي التتبيله حسب الكميه
وتاني يوم قدميها.مغذيه ولذيذه.
سلطة البنجر
نسيت اصور دي معلش..
تجيبي كيلو بنجر وتغسليه وتسلقيه (ماتحاوليش تقطعيه وهو ني)
وتسلقيه زي ماهو ساعه في حله
متغطيه واتاكدي انه استوي حلو وبعدين صفيه وسيبيه يبرد.
وبعدين قشريه بسهوله وبعدين قطعيه
صوابع او مكعبات بس صوابع احلي,,
وفي بوله كبيره (مش بلاستيك علشان لونها مايغيرش)
تدوبي 2-3 معلقه كبيره سكر في كوب ماء +تلت كوب خل ابيض +ذره مل
وتضيفي البنجر وتغطيه وتاني يوم تعدلي السكر والخل والماء.مفيده جدا وتحفه.
سلطة الفاصوليا الخضرا
دي بردو نسيت اصورها..بتجيبي نص كيلو فاصوليا خضرا طازه..تغسليها وتقطعيها
وفي حله تسلقيها مع معلقه كبيره سكر ورشه ملح,وبعدين تصفيها.وفي بوله تدوبي 2-3 معلقه
كبيره سكر في كوب ماء(اتاكدي انهم دابو قبل ماتضيفي اباقي المكونات)
وبعدين تضيفي
ربع كوب خل وربع كوب زيت ورشه خفيفخ فلفل اسود وكمان بصله مقطعه جوانح رفيعه.
وتغطيها وتسبيها في التلاجه وتاني يوم تعدلي الخل والسمر والماء والملح.
ناس كتير بتحبها جدا.
كل سنه وكلكم طيبين وياريت ترفعو الموضوع بدعوه حلوه وانا في الخدمه لو
فيه اي استفسار ويارب اكون افدتكم زي ماستفدت منكم كتيررررر
...وعلي فكره السلطات دي
اتنسفت :asmaile(2):
https://www.iltelaiodipenelope.it/ma...sori/div33.gif