عدس بجبه
اكيد كلنا عارفين الطريقة
تغسلي العدس كويس وتحطيه ف حلة مع ميه عالنار يغلى كويس وتطلعى الريمة لو طلع
وتحطى توم مقطع وطماطماية وبصلة صغنووونة وكمون
وتسيبيه يستوى وتتابعي الميه
وقرب ماتطفي زودى الملح ولما تغرف على الوش سمنتك البلدى وبألف هنا وشفا
تعديييييل
طبعا فرحت جدا بالكومنتات دى وخصووصا الناس اللى متعرفوش وحبت تجربه

بألف هنا وشفا للى بيحبه وعارفه
واللى هيجربه كماااان
انبسطت انها حاجه جديدة وعرفوها منى
العيش الشمسيييي
وكمااااان العيش الشمسي
ده كانت حماتى عاملاه طازة فعملت معاه العدس
هجبلكم الطريقة بالظبط ماما على طول بتعمله طري وهش قوى
ومشهور في اسيوط جدااا وخصوصااااا البدارى
وكل مركز وله طريقة
يعنى طريقة البداري غير طريقة القوصية غير طريقة منفلوط.
طبعا انا بقول طلاااسم بالنسبالكم
طبق السلطة ده بقي متغير حسب المتوفر
بيبقي تحفة معاه بدنجان مخلل او طماطم مخللة عملتها في رمضان
هحطلكم الصور مع البوست بس معلمتهاش النهارده مكنش عندى بدنجان وعملت ده ع السريع
https://up.kntosa.com/uploads/kntosa...7471539471.jpg
https://up.kntosa.com/uploads/kntosa...7471541562.jpg
https://up.kntosa.com/uploads/kntosa...7471544813.jpg
https://up.kntosa.com/uploads/kntosa...7471631594.jpg
https://up.kntosa.com/uploads/kntosa...7471635045.jpg
https://up.kntosa.com/uploads/kntosa...7471636856.jpg