طريقة عمل العيش الكيزر الهش بالصور،عمل الكيزر الهش، طريقة عمل عيش كيزر ماكدونالدز
https://up.kntosa.com/uploads/kntosa...2492849441.gif حبايبى الحلوين اخباركم ايه الوصفة المفاجأة بقى الحمدلله و اخيراااااا احلى وصفة كيزر فى الحياه https://up.kntosa.com/uploads/kntosa...9205929115.jpg ما شاء الله اللهم بارك شايفين الجمال أظن الصور بتتكلم لوحدها خلاص بقى هنقول باى باى لﻷفران و هنتحدى بالوصفه دى طبعا الحمدلله عملت وصفات عيش كتير و كلها كانت جميله و ناجحه بس دايما العيش الكيزر بالذات كنت حاسه انى لسه ماوصلتش للوصفة اللى من الاخر و طبعا مشاكله معانا كتير ياما مكتوب أو ملكوم أو مش هش ازاى بقى تعرفوا ان العيش هش و ناجح معاكم لما تمسكوه و تحسوا انكم ماسكين الهوا بجد و الله من كتر ما هو هش و مش مكتوم هتحسوا أن مالوش وزن حتى صورتلكم اللبابه من جواه علشان تشوفوا هشه ازاى بجد روووووعه هش و ناعم و قطنى و يجنن ما يتوصفش انتوا هتجربوا و تحكموا بنفسكم الكيزر كما يجب أن يكون و طبعا هتلاقوا كمان عيش مرتفع شويه و كبير داه عيش بيج ماك بنفس تكنيك التشكيل و للامانه طبعا دى فكره اجنبيه و انا عدلتها حسب المتاح عندى الأصل بتاعها أن العيش بيتحط فى إطار مدور معدن علشان لما يخمر يرتفع بالشكل داه و طبعا لان معنديش الإطار داه عملت إطار من ورق الزبده انتوا عارفين انا دايما بقول على اى وصفة أو فكره اجنبيه انا بجربها لأن دى امانه و علشان محدش يخدعكم و يقول ان دى فكرته مقادير سهله جدا و بسيطه و نتيجه مضمونه بإذن الله ان شاء الله تجربوه و يعجبكم و ماتنسونيش فى دعوه حلوه خبز الكيزر الوهمي الرهيييييب بالطريقة الاصليه https://up.kntosa.com/uploads/kntosa...1096540168.jpg البيتى يكسب المقادير : ٣/٤ كوب لبن اللى هو الحليب دافئ ٣/٤ كوب ماء دافئ ٤ بيضات و البيض مهم جدا و مكون أساسي في العجينه ٢ م ص خميره فوريه ١/٤ كوب سكر ماتقلقوش مش كتير خالص بيدى طعم حلو اوى زى الجاهز و احلى ١/٤ كوب زيت ٢ م ص ملح من ٥ إلى ٦ كوب دقيق بيتزا و مخبوزات او جميع الاغراض حسب العجينة ما تلم معانا و تبقى ناعمه و ملساء خليط دهان الوجه : صفار بيضه و شويه لبن و رشة قهوه سريعة الذوبان أو كام نقطه خل للوجه : سمسم الطريقة : هنجيب بوله و نحط فيها اللبن و المياه الدافيين و الخميره و السكر و نقلبهم كويس و نغطيهم و نسيبهم ربع ساعه يتفاعلوا مع بعض و بعدين هنضيفلهم البيض و الزيت و نقلب كويس و بعدين هنبدأ نضيف الدقيق اللى عليه الملح بالتدريج لغايت العجينه ما تلم معانا و تبقى ناعمه و ملساء و بنغطيها و بنسيبها تخمر لغايت ما يتضاعف حجمها و بعدين بناخدها و بنقسمها لكور حسب حجم الرغيف اللى احنا عايزينه و بنغطي الكور و بنسيبهم يرتاحوا حوالى ربع ساعه و بعدين بناخد كل كوره و نكورها كويس و نديها شكل الكيزر العادى بتاعنا و بنرصهم على صينية الخبز على ورق زبده أو ندهن الصينيه دهنت زيت خفيفة و يفضل اننا نبطط كل كوره لتحت كده بإيدينا شويه و بنخلص الكميه كلها و بنغطيهم و بنسيبهم يخمروا مره كمان قبل الخبز لغايت ما يتضاعف حجمهم و بعدين بندهنهم بخليط الدهن بالراحه علشان ما نوقعش التخمير و نرش السمسم https://up.kntosa.com/uploads/kntosa...0920571521.jpg https://up.kntosa.com/uploads/kntosa...1092057342.jpg https://up.kntosa.com/uploads/kntosa...0920574823.jpg https://up.kntosa.com/uploads/kntosa...0920576154.jpg https://up.kntosa.com/uploads/kntosa...0920577835.jpg https://up.kntosa.com/uploads/kntosa...0920579936.jpg https://up.kntosa.com/uploads/kntosa...0920581697.jpg https://up.kntosa.com/uploads/kntosa...0920583468.jpg https://up.kntosa.com/uploads/kntosa...0920585259.jpg https://up.kntosa.com/uploads/kntosa...9205869210.jpg https://up.kntosa.com/uploads/kntosa...0920588211.jpg https://up.kntosa.com/uploads/kntosa...9205895212.jpg https://up.kntosa.com/uploads/kntosa...9205907513.jpg https://up.kntosa.com/uploads/kntosa...9205918814.jpg https://up.kntosa.com/uploads/kntosa...9205929115.jpg https://up.kntosa.com/uploads/kntosa...0965383331.jpg https://up.kntosa.com/uploads/kntosa...0965385142.jpg https://up.kntosa.com/uploads/kntosa...0965390984.jpg https://up.kntosa.com/uploads/kntosa...9109653935.jpg https://up.kntosa.com/uploads/kntosa...0965394376.jpg https://up.kntosa.com/uploads/kntosa...0965396827.jpg https://up.kntosa.com/uploads/kntosa...1096540168.jpg https://up.kntosa.com/uploads/kntosa...2492856292.gif |
الساعة الآن 06:46 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.