طريقة عمل سينابون،مكونات سينامون رولز ،طريقة تحضير لفائف القرفة
https://up.kntosa.com/uploads/kntosa...2437665071.gif سينابون او سينامون رولز او لفائف القرفة https://up.3almc.com/uploads/3almik....7781290921.jpg على قد ما هى جميلة جداً و بتدفى و بتشبع خصوصا فى البرد على قد ما هى مكلفة و لازم ننزلها عشان ناكلها سخنة جربت اعملها فى البيت لأول مرة و بصراحة مكونتش متوقعة انها سهلة و جميلة كده متعتبرش مكلفة خالص تكلفتها زبدة بس لكن بالكمية اللى بتطلع لا تقارن بسعر برة انا المفضلة عندى الكراميل بيكان بس البيكان هنعتبره مش متوفر فى مصر (الكيلو ب ٧٥٠ جنيه) ريحتها فى الفرن تحفة و طعمها فى السقعة مع كباية نسكافيه بليل مفيش زيه للعجين كوب لبن دافىء ربع كباية سكر ٤ معالق كبار زبدة سايحة معلقة صغيرة مليانة خميرة فورية ٢,٥ كوب دقيق او اكتر حسب الدقيق نص معلقة صغيرة بيكنج باودر ١ معلقة صغيرة ملح الحشو ٦ معالق كبار سكر ٦ معالق كبار زبدة ناعمة جدا معلقة كبيرة قرفة هنبدأ بالعجين فى بولة كبيرة هنحط اللبن و السكر و الزبدة و نقلبهم كويس و بعدين الخميرة على الوش و نغطى و نسيبهم ١٠ دقايق لو عملت فقاقيع تمام نكمل تبقى الخميرة شغالة هنحط كوبين دقيق و نقلب كويس جداً هنلاقى الدقيق بيشرب السائل و يشكل عجينة لزجة كده تمام نغطى عليهم و نسيبهم ساعة فى مكان دافى يخمرو و الحجم يتضاعف تقريباً نجهز الصينية المناسبة و ندهنها بزبدة كويس جدا نجهز الحشو نقلب كله مع بعضه فى طبق صغير نشوف العجين بعد ما خمر نضيف الملح و البيكنج باودر و باقى الدقيق و نبدا نعجن كويس و لو ملزقة لسة نزود دقيق عادى و نفضل نعجن لحد ما تبقى ملساء و سطحها ناعم جداً نفردها على رخام مرشوش دقيق وخليها على شكل مستطيل و سمكها ١ سم نفرد عليها الحشو كويس جداً و نلفها من الطرف الطويل و نحاول تكون مشدودة و فى الاخر نقفل الطرف كويس التقطيع بقى مش بسكين الاحسن خيط تنظيف الاسنان بيقطعها بسهولة و شكلها ميتغيرش نرصها فى صينية مناسبة و نغطيها نص ساعه تخمر تانى ندخلها فرن سخن على ١٨٠ درجة لمدة نص ساعة او لحد ما لونها يكون مناسب نجهز الصوص ٤مكعبات جبنة كيرى على معلقة زبدة سايحة و معلقتين لبن و فانيليا و نص كباية سكر بودرة نقلب كله بمضرب سلك كويس جدا لحد ما يبقى ناعم و ممكن نصفيه افضل اما السينامون رولز تجهز نحط عليها الصوص و اى اضافة بقى كراميل ممكن مكسرات او صوص شكولاته اللى تحبوه و تتاكل دافية https://up.3almc.com/uploads/3almik....7781297745.jpg https://up.3almc.com/uploads/3almik....7781294293.jpg https://up.3almc.com/uploads/3almik....7781290921.jpg https://up.3almc.com/uploads/3almik....7781292942.jpg https://up.3almc.com/uploads/3almik....5677812964.jpg https://up.kntosa.com/uploads/kntosa...2437668612.gif |
الساعة الآن 03:46 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.