منتدي عالمك - ملف شامل عن جميع انواع الشاي بلبن

https://up.3almik.com/uploads/3almik...1915223477.png

ملف شامل عن جميع انواع الشاي بلبن

الناس اللي فاكرة ان الشاي بلبن شوية لبن و عليهم شاي و خلاص
لا يا حبيبي لا يا قلبي الموضوع اكبر من كده بكتير
الشاي بلبن فن و لعب و هندسة و مزاج و أنواع و ليلة كبيرة سعادتك
https://up.3almc.com/uploads/3almik....3413922791.jpg
و إليك انواع الشاي بلبن
1- شاي ميزة:
و ده اللبن بتاعة أكتر من المياة يعني الكوباية بتبقى تلات تربع لبن و الباقي مياة و ده الشائع شربه
2- شاي بربري:
و ده المياة بتكون متساوية من اللبن يعني الكوباية بتكون نص لبن و نص مياة و بيبقى الشاي تقيل شوية
3- شاي بحليب منه فيه:
و ده لبن صافي عليه شاي ناشف بيغلوا مع بعض يعني بيور شاي بحليب فعلا
4- شاي كرك:
و ده مشروب الخليج الأول و ده شاي بلبن عليه هيل و زعفران و بيتعمل بلبن مكثف و سكر كتير جدا
5 _ الشاي بلبن البودره
الشاي بلبن البودره طعم غير برضو
و طبعا ترتيب وضع الاشياء في الكوباية بيعمل فرق في الطعم يعني
- لو حطيت الشاي الناشف و السكر في الكوباية و بعده المياة و بعده اللبن ده طعم
- لو حطيت اللبن الاول و بعد كده حطيت الشاي و بعد كده المياة و بعد كده السكر طعم تاني خالص
- الشاي بلبن لما بيتعمل بشاي العروسة غير بشاي ليبتون غير بشاي ليبتون خرز غير بشاي ليبتون الباكيت غير بأي نوع شاي تاني
- لو حطيت الشاي بلبن المنه فيه على العين الكبيره في البوتاجاز علشان يغلي بسرعة حيبقى طعمه مش حلو
علشان ملحقش يستوي
لو حطيتة على عين البوتجاز الوسطانية و شيلته قبل ما يفور بثواني بيبقى وهم وهم
فا يا عزيزي الشاي بلبن ليس مجرد مشروب بل هو حياة https://up.3almik.com/uploads/3almik...9152238068.png