منتدي عالمك - طريقة عمل الأيسنج لتزين الكيك والدونات والسينابون بالصور,طريقة عمل الرويال ايسنج من مطبخى2018 وحصرى

https://up.3almik.com/uploads/3almik...3637703581.png
ازيكم يا بنااات .

عاملين ايه ياقمرات .
عايزة أشكر الادارة والمرقبات على تثبيت او تكريم اى موضوع ليه بجد انتو ناس ذوق جدا ومتعاونين لأقصى الحدود
بتحببوني أنزل موضوع جديد هنا في عالمك أو أخصها بأحدث وصفاتي ومواضيعي لكم مني جزيل الشكر وعظيم الامتنان .

النهارده حتكلم عن ( أضخم ملف لطريقة الأيسنج من مطبخى بالصور )
بطريقه سهله كعادة وحصرى
بإسم الله نبدأ :
ملف الأيسنج بالخطوات المصورة
يا جماعة الأيسنج نوع من أنواع الفندان وفي ناس كتير بيسموه الفندان السكب لانو سائل وقابل للسكب .
وفي طرق كتيرة جدا جدا للفندان الأساسي منها الاوربي الي بيعملوه بشربات ساخن اوي ويحولو للفندان وفي النوع العادي بالسكر البودرة .

طريقتي في الفندان مختلفة شوية وبتحتوي على كذا حاجة حنشوفها بعد شوية ولكل مكون دور في عمل الأيسنج .
وبإذن الله حشرح الطريقة بشكل مبسط ووافي . وحنستعرض 6 حجات مهمه عن الاينسج وهم :-
1- مقادير الأيسنج
2- طريقة عمل الايسنج
3- تلوين الأيسنج وتجهزيه لإستخدام
4- تغطية البسكويت بالأيسنج
5- الرسم بالأيسنج على البسكويت
6- عمل أشكال للتزين من الأيسنج
1- مقادير الأيسنج
المقادير دي يا جماعة ل1 كيلو أيسنج بس ممكن ببساطة تقسمي المقادير على 2 او على 4 علشان تبقى الكمية بسيطة .
محتاجين لواحد كيلو من السكر البودرة الجاهز ,

المطحون في البيت ما ينفعش يا جماعة لاني مهما طحناه حيبقى خشن .

وده شكل السكر الي بستخدمو الكيس نص كيلو.
https://up.3almik.com/uploads/3almik...4005487388.jpg
3/4 كوب ماء عادي ولو حتقسيم المقادير على 2 حيبقى 1/4 كوب + 3 ملاعق كبرة ماء
https://up.3almik.com/uploads/3almik...4005290041.jpg
وحنحتاج لكريم اوف تارتر وللجلوكز . وده شكل الكريم اوف تارتار وفي مصر لقيتو في كارفور

وفي سبنيس والجلوز ده الي بيتباع في دول الخليج ده شكلو
https://up.3almik.com/uploads/3almik...4005307652.jpg
وهنا شكل الجلوكز الي في مصر اسمو (عسل الجلوكز) اشتريتو من محل مستلزمات الحلواني
الي في العتبة اول شارع الجيش
اسمه (محل الاتحاد)
https://up.3almik.com/uploads/3almik...4005335634.jpg
وعلبة فانيليا او 1/2 1 معلقة .

وممكن تغير النكهة وتخليها روح الموز او الفراولة .
https://up.3almik.com/uploads/3almik...4005319253.jpg
وحنحتاج لبولات زجاج واحدة كبيرة نعمل الأيسنج فيها والصغيرين على حسب الالوان الي حتعمليها من الايسنج
https://up.3almik.com/uploads/3almik...4005432715.jpg
حنبدأ نعمل الأيسنج حنحط في البولة الكبيرة 1 معلقة كبيرة عسل الجلوكز
https://up.3almik.com/uploads/3almik...4005466836.jpg
ومعلقة طعام كريم اوف تارتار
https://up.3almik.com/uploads/3almik...4005476897.jpg

طريقة عمل الايسنج

https://up.3almik.com/uploads/3almik...6377087073.png
وحنحط على الكريم اوف تارتار وعسل الجلوكز حوالي 1/2 كوب سكر بودرة و1/4 كوب من مقدار المية ونخفقهم
https://up.3almik.com/uploads/3almik...4152303051.jpg
بصو هنا يا جماعة المزيج لونو أصفر من تأثير عسل الجلوكز , نستمر في الخفق لحوال الثلاث دقايق
https://up.3almik.com/uploads/3almik...4128422861.jpg
وهنا بدأ اللون يبقى أبيض وناصح وجميل .
https://up.3almik.com/uploads/3almik...4170348331.jpg
وده شكل القوام
https://up.3almik.com/uploads/3almik...4128453512.jpg
دلوقتي يا جماعة الموضوع بس إضافة سكر وخفق . لكن بروضة حبيت أوثق المرحلة دي بالصورة ,

هنا ضفت شوية سكر من الكيلو الي عندي .
https://up.3almik.com/uploads/3almik...4128475933.jpg
ونسبة بسيطة من المية الي هي 3/4 كوب الي قلنا عليهم
https://up.3almik.com/uploads/3almik...4128491274.jpg
وبدأت أخفق لحظو هنا تقيل
https://up.3almik.com/uploads/3almik...4128500495.jpg
أضيف ماية وأستمر في الخفق
https://up.3almik.com/uploads/3almik...8412851146.jpg
وبروض رجعت ضفت سكر بودرة وخفقة وياجماعة الخفق ده والتدرج في المراحل بيدي خليط الأيسنج
النعوم والتجانس الرائع للمكونات ,
زي ما حنشوف هنا في الخطوات
https://up.3almik.com/uploads/3almik...4128529497.jpg
هنا المزيج تقبل خلال ما انا بحط الماية والسكر بالتناوب .

يا جماعة كده في المرحلة دي ممكن ازود سكر وأعجن بإيدي ويبقى عندي الفندان الي بنفردو ونشكل بيه .
https://up.3almik.com/uploads/3almik...4128554898.jpg
وضفت ماية ورجعت خفقت تاني .
https://up.3almik.com/uploads/3almik...8412857779.jpg
ده الي انا بقصدو يا فتوكات الخير . بصو القوام ازاي متماسك ناعم ومتجانس لاني تدرجت في اضافة الماء والسكر
https://up.3almik.com/uploads/3almik...1286000811.jpg
حنبدأ نختبر الأيسنج .
طبعا اختكم في الله لطيفة ريحتكم ومقدار الماء ده بالظبط هو المطلوب لكيلو السكر البودة لكن بروض عيزاكم تعرفو ازاي انا وصلت للقوام المطلوب للأيسنج. هنا كنت بضيف أخر كمية ماية من المقادير بصو الخطوط وأنا بخفق بدأ تبان وبدا القوام الي انا عيازة يبقى ظاهر .
https://up.3almik.com/uploads/3almik...1285880510.jpg
رفعنا شريط الخفق كده لاحظة شكل الأيسنج وهو نازل من شريط الخفق زي الشريط العريض

وبرضو وهو بينزل بتفضل الخطوط فترة طويلة على السطح قبل ما تندمج مع باقي الخليط,

يعني لسه ما وصلتش للقوام .
https://up.3almik.com/uploads/3almik...4128624812.jpg
في الصورتين دول يا فتوكات بدأ اضفت سنه صغيرة من الماية بالمعلقة وأخفق وأرجع أختبر .
https://up.3almik.com/uploads/3almik...1286896813.jpg
https://up.3almik.com/uploads/3almik...1286896813.jpg
هنا وصلت للقوام الي انا عيزاة لما رفعت شريط الخفق كان بنزل على شكل خيط وبندمج بسرعة مع الخليط الباقي.
https://up.3almik.com/uploads/3almik...1287119914.jpg
هنا المزيج جاهز وبعد ما نخلص نغطية بالنايلون علشان الوش ما ينشفش .
يا جماعة مش شرط تعملي زي ما انا عملت ممكن بعد ما تعلمي خليط عسل الجلوكز والماية والكريم اوف تارتار
و1/2 كوب السكر وتخفقية ترجعي تحطي كول السكر والماية وتفضل تخفقي فترة طويلة نسبياً لحد ما تحصلي على القوام ده .

والمقادير مدروسة جدا وصحيحة بنسة 100% (يعني مالكيش حجة)
https://up.3almik.com/uploads/3almik...1287176315.jpg
https://up.3almik.com/uploads/3almik...6377120494.png

تلوين الأيسنج وتجهزيه لإستخدام
وصلنا لتلوين الأيسنج

. يا جماعة ده شكل العلبة الي بستخدمها اسمها ماركة wilton والحلو فيها انها ألون محترفة جداً
لو تلاحظو اللون الأسود والبيج متوفر وبرضو درجات من الاحمر ودرجات من البمبة والفوشيا ودرجات الأزرق .

وفي مصر ما لقتش الأولان الي زي المعجون دي لقيت بس البودرة وجربتها حلوة بس مافيش درجات كتيرة ممكن تختاري منها
https://up.3almik.com/uploads/3almik...4321176683.jpg
وده شكل الألوان الي جوه
https://up.3almik.com/uploads/3almik...4303913721.jpg
لازم تكوني محدده انتي عايزة كم لون من الايسنج بعدين نحط في البولات الصغيرة كمية بسيطة من الأيسنج زي كده
https://up.3almik.com/uploads/3almik...4303975962.jpg
هنا كنت عاملة علم حبيبتي دولة الإمارات (أحمر وأخضر وأسود)وطبعا الأبيض هنا أول ما بدأت أخلط الألوان
https://up.3almik.com/uploads/3almik...4304220413.jpg
الألوان يا جماعة لازم تفضل فترة لحد ما تبقى واضحة وقوية لاحظوا هنا الأسود والأحمر لسه فاتح .
https://up.3almik.com/uploads/3almik...4304262394.jpg
هنا بعد حوالي الربع ساعة الأحمر بقى قوي جدا جدا .
https://up.3almik.com/uploads/3almik...4304321665.jpg
لاحظوا يا حبايب قلبي اللون الأخضر الجميل
https://up.3almik.com/uploads/3almik...4304354176.jpg
وهنا اللون الأحمر من قريب عيزاكم تلاحظو شكل وقوام الأيسنج
https://up.3almik.com/uploads/3almik...4304363817.jpg
علشان نستخدم الأيسنج بكل سهولة ونظافة حنحتاج أكياس حلواني بلاستك بتاعة الاستخدام مرة واحدة وبلاستر
https://up.3almik.com/uploads/3almik...8430440898.jpg
حنلبس كوباية كيس الأيسنج علشان نبدأ متحكمين جدا جدا في تعبئة الكيس
https://up.3almik.com/uploads/3almik...8430446959.jpg
وهنا بكل بساطة حطينا اللون الأخضر في الكيس
https://up.3almik.com/uploads/3almik...3045715610.jpg
ونطلع الكيس من الكباية عادي جدا بصو الكيس نظيف ازاي
https://up.3almik.com/uploads/3almik...3046882211.jpg
ناخذ الطرف ونثنين ونقفلو بالطريقة .
https://up.3almik.com/uploads/3almik...3047548712.jpg
وبالبلاستر نقفلو كويس علشان الأيسنج ما يطلعش .
https://up.3almik.com/uploads/3almik...3047760313.jpg
وهنا شكل ألوان علم الامارت . وما ننساش الأبيض لانو مهم في كل حاجة .
يعني نعمل الكيس الأبيض قبل ما نلون باجي الأيسنج
https://up.3almik.com/uploads/3almik...3047920814.jpg
وهنا كنت عاملة أحمر وبمبة ودرجتين أزرق
https://up.3almik.com/uploads/3almik...3048173215.jpg
يا جماعة لو عيزين درجتين من نفس اللون نحط على الايسنج الاول نقطة ونقلب

وناخذ كمية وبعد كدة نزيد نقطتين او ثلاثة ونغمق وهكذا .
دي أسهل طريقة للحصول على درجتين وممكن ثلاث لنفس اللون .
https://up.3almik.com/uploads/3almik...4321158721.jpg
والجماعة الي بسألو ازاي نرسم او نكتب بالايسنج بصو هنا صوره قريبة لشكل القمع ديق وسهل التحكم والرسم بية .
https://up.3almik.com/uploads/3almik...4321165382.jpg
طرق إستخدام الأيسنج الطريقة نمرة واحد/ تغطية البسكويت بالأيسنج
الأيسنج بيستخدم في حجات كترة في تزين التورت والكب كيك وبيستخدم مع عجينة الفندان علشان بيبقى سهل وثابت أثناء الرسم ومش بيسيح زي الشوكلاتة . وهنا حناخد مثال البسكويت .

وطبعاً حديكم أفكار بسيطة كده لللتزين زي ما وعد في

ممكن بكل بساطة نزين سطح البسكويت بالأيسنج بالطريقة دي .
https://up.3almik.com/uploads/3almik...4398044189.jpg
مع اضافة الحجات البسيطة جدا جدا في التزين زي شوكلاتة الفرمسيل او الحلوايات الاشكال
و ألوان الصغيرة زي النجمة والقلوب واللعب والدباديب وهنا شكل حبوبة ملونة صغيرة .
https://up.3almik.com/uploads/3almik...4397975451.jpg
هنا شكل الصنيية بعد ما انتهيت من تزينها بالايسنج
https://up.3almik.com/uploads/3almik...4397989732.jpg
هنا بالألوان الأحمر الناري ودرجات البمبة (اخ لو تعرفو موضوع القلوب الحمرا دي:asmaile(23):)
https://up.3almik.com/uploads/3almik...4397999863.jpg
ده شكل مقرب للقلب
https://up.3almik.com/uploads/3almik...4398006024.jpg
هنا بقى أفكار بسيطة ممكن تضفيها بصي مجرد ايسنج احمر ونقط بيضا ادانا قلب احمر

ولا اروع وبرضو القلب المخطط بلونين بمبة جميل جداجدا
https://up.3almik.com/uploads/3almik...4398013645.jpg
جبنا سيرة قلوب البسكويت الحمرا تعالو شوفو التغليف النهائي لا وإية شرايط حمرا كمان
https://up.3almik.com/uploads/3almik...4398021756.jpg

وده صور من الطبق
https://up.3almik.com/uploads/3almik...4398030957.jpg
https://up.3almik.com/uploads/3almik...4398040658.jpg

الطريقة نمرة اثنين/ الرسم بالأيسنج على البسكويت
نخش في الجد شوية . ممكن ترسمي على البسكويت أكتر من لون .
هنا زي ما قلت فوق كنت عاملة أيسنج بلون علم الامارات علشان كانت الذكرى 39 قيام اتحاد الدولة .
وان شاء الله حعمل البسكويت بطرقتي ووحبقى انزله
لونت بألوان العلم (أبيض وأحمر وأسود وأخضر)
https://up.3almik.com/uploads/3almik...6409760913.jpg
وده الأيسنج الملون بعد ما حطيتو في أكياس الحلواني
https://up.3almik.com/uploads/3almik...4640653531.jpg
حنبدأ نرسم شكل العلم . بصو يا بنات الايسنج هنا ازاي بيمد معانا
ومش بيقطع ده معناة انو ناجح 100% بإذن الله
https://up.3almik.com/uploads/3almik...4640689382.jpg
هنا الشكل اكتمل ودي أول خطوة
https://up.3almik.com/uploads/3almik...4640711833.jpg
ونبدأ نعبية بكل هدوء خليكي رايقة كده ولو حبيتي تعملية اختاري وقت كويس عيالك نيمين او في المدرسة .
https://up.3almik.com/uploads/3almik...4640735534.jpg
كده الأحمر خلص وبدأن في الأخضر
https://up.3almik.com/uploads/3almik...4640774645.jpg
والأبيض خلص والأسود بروضة .
https://up.3almik.com/uploads/3almik...4640804666.jpg
يا جماعة أنا بموت في حاجة اسمها قلوب .
علشان كده حتلقوني مركز عليها أوي وحاطة تحتها خطين زي ما بيقولو في المدرسة .

أسيبكم مع الصور
https://up.3almik.com/uploads/3almik...4640858118.jpg
https://up.3almik.com/uploads/3almik...4640831077.jpg
https://up.3almik.com/uploads/3almik...8464087399.jpg
https://up.3almik.com/uploads/3almik...6408912610.jpg
هنا شكل البسكويت بعد ما خلصتو كلو
https://up.3almik.com/uploads/3almik...6409192111.jpg
وده شكلو من قريب . سبتو علشان الأيسنج يمسك شوية وبعد كده أغلفو في أكياس بلاستك حلوة .
https://up.3almik.com/uploads/3almik...6409528212.jpg
طبعاً بسكويت عيد الاتحاد عملتو بعد الظهر .
ولسه كنت مخلصاه ورصيتو في صواني
الطريقة نمرة ثلاثة / عمل أشكال للتزين من الأيسنج
https://up.3almik.com/uploads/3almik...6377144845.png
ياجماعة كل حاجة بتبدأ بحاجة بسيطة وتوصل للإحتراف .
وهنا أشكال ممكن تعمليها بالأيسنج بس عايزة طولة بال وتكنيك شوية وخطوات مدروسة .
هنا شكل الدبدوب والأرنب
https://up.3almik.com/uploads/3almik...4699486766.jpg
وده شكل سمايل فيس الأصفر
https://up.3almik.com/uploads/3almik...4699445521.jpg
وده شكل كلب البحر بيلعب الكورة
https://up.3almik.com/uploads/3almik...4699451652.jpg
وممكن نزين بيهم التورتات والجاتوهات والبسكويت برضو .
زي ما احنا بنحب وممكن زي ما عملنا مع البسكويت نكتب عبارات وكلمات .
وهنا شوية حركات كده قبل ما نختم الملف
https://up.3almik.com/uploads/3almik...4699461293.jpg
https://up.3almik.com/uploads/3almik...4699470144.jpg
https://up.3almik.com/uploads/3almik...4699476255.jpg
أتمنى يا بنات يكون ملف الأيسنج عجبكم .

خدي مني وقت طويل في تجميع الصور والترتيب والتنسيق الشرح كلمة كلمة وطريقة طريقة .

كل الي عيزاه منكم دعوة حلوة بظهر لأختكم لطيفة .
خليكي فاكرة في ملك بيقول ولك يالمثل ^_^

https://up.3almik.com/uploads/3almik...6377174316.png