منتدي عالمك - بالصور طريقة عمل سويت.طريقة عمل السويت بدون الم.طريقة عمل السويت بالمقادير.طريقة عمل السويت فى البيت

https://up.3almc.com/uploads/3almc.n...4562817737.gif
السلام عليكم ورحمه الله وبركاته
اهلا بيكو كلكو يا بنات
انا النهارده هعلمكو تعملو السويت اللى هى الحلوة
خطوه خطوه وبالتفصيل الممل فى البيت
من غير تعب
عشان الفضايح اللى بنعملها فى الصيدليات
مره سويت ومره اولويز هههههههه
ندخل فى الموضوع بقى
اولا التقييم يا بنات
عايزين ناخد ثواب ونعلم الشعب كله نفرايه نفرايه
هههههههههههه
المقادير اهه
1- كوبايه سكر
2- كوبايه وربع ميه
3- نص لمونه
وخلى بالك معيار السكر والميه بنفس الكوبايه
ادى كوبايه السكر يا ستى
https://up.3almc.com/uploads/3almc.n...6544283671.jpg
ودى كوبايه الميه والربع اللى قولت عليه هو كده لازم الميه تبقى اكتر من السكر بحاجه بسيطه ماشى
https://up.3almc.com/uploads/3almc.n...6576781155.jpg
ودى نص اللمونه
وعلى فكره فى الصيف كترى اللمون لان السويت بتسيح جدا فى الصيف
فبتحتاج لمون زياده عشان يمسكها وميخليهاش تسيح
انما فى الشتا
العكس خالص
يعنى قللى اللمون عشان الجو البارد والشتا عموما بيجمدها جدا
ومش بيخليكى تعملى بيها حتى ربع رجل من رجليكى هههههههه
https://up.3almc.com/uploads/3almc.n...6544285182.jpg
لحد كده تمام
هاتى بقى طاسه صغيره او حله صغيره وتعالى ورايا
حطيها ع البوتاجاز وحطى اول حاجه السكر اهو
https://up.3almc.com/uploads/3almc.n...6544286953.jpg
وده بعد ما حطيت الكوبايه وربع ميه اهم
https://up.3almc.com/uploads/3almc.n...6544289444.jpg
وبعد كده بقى اقفى جنبهم زى غفر السواحل كده
قلبى لحد ما السكر يدوب خالص
وبعد ما السكر داب خالص واتاكدت من كده
قومت عاصره نص اللمونه اهه
https://up.3almc.com/uploads/3almc.n...6544293155.jpg
وقلبت كويس جدااااااااااااااااااا
لحد ما ابتدت تغلى اهه
هى كده فى طريقها للسوى ههههههه
https://up.3almc.com/uploads/3almc.n...6544294596.jpg
ومتنسيش تحطى جنبك صنيه مبلوله ميه عشان لما تقرب تستوى هتعملى كام
تجربه كده عليها لحد ما تتاكدى انها استوت
وبعدين هتكبيها مره واحده ع الصنيه دى ماشى لحد كده
وبعدين هى كده اهه ابتدت تشد حيلها وبتغلى جامد اهوه شايفين
https://up.3almc.com/uploads/3almc.n...6544296127.jpg
وهنا انا لسه بقلب فيها عشان احس بسمكها
وهى بتتقل عشان انتى لو سيبتيها ورحتى ترضعى الواد ولا روحتى ريحتى 5 او 8 ساعات
على فتكتك هترجعى تلاقيها عسليه بالصلاه ع النبى هههههههه
لابجد ممكن تلاقيها تقلت مرة واحده وعلى ما تنتبهى عشان تشيليها تكون اتحرقت منك
وتبقى ليله
امطينه بطييييييييين
اهه
https://up.3almc.com/uploads/3almc.n...6544297638.jpg
ودى اول تجربه وانا بشوفها استوت ولا لسه اهه باخد حته صغيره واحطها ع الصنيه
واسيبها دقيقه كده تنشف واحاول المها لو اتلمت معايا بسهوله
تبقى هى كده استوت
لكن لو لقتيها مبتتلمش او بترجع تفرد منك تانى ع الصنيه يبقى لسه ما استوتش اهه
https://up.3almc.com/uploads/3almc.n...6544302239.jpg
بس واستنيت عليها شويه صغيرين كمان
لحد ما بقت كلها رغاوى كده وانتى بتقلبى كمان هتلاقيها
من تحت لفوق رغاوى مش على وشها بس
فاهمنى
اصحو معايا كده
https://up.3almc.com/uploads/3almc.n...5443117710.jpg
كده هى استوت يا جماعه وانا هنزلها اهو فى الصنيه
https://up.3almc.com/uploads/3almc.n...6544315511.jpg
اهه كمان يا جماعه شوفو ملمومه لوحدها ازاى وماسكه نفسها ومش مفشكله
https://up.3almc.com/uploads/3almc.n...5443170212.jpg
وهنا ابتديت المها بصوابعى وانا بلاها ميه متنسيش تبلى صوابعك ميه
عشان ما تمسكش فى ايدك وتلسعك
https://up.3almc.com/uploads/3almc.n...5443184213.jpg
ودى بعد ما اتلمت خاااااااالص اهه
https://up.3almc.com/uploads/3almc.n...5443200214.jpg
ودى انا كده ابتديت اشغلها ههههههههههه اهه
https://up.3almc.com/uploads/3almc.n...5443214615.jpg
اهه كمان يا جماعه
https://up.3almc.com/uploads/3almc.n...6576761391.jpg
ودى وهى على ايدى شوفو لازقه وجميله ازاى وشوفو لونها فاتح ازاى
لوز اللوز والله يا جماعه
اهه بقى
https://up.3almc.com/uploads/3almc.n...4657677622.jpg
ودى صوره اخيره لها
قطعتها قطعتين اهه
عشان اشيل اللى مش عيزاه للمره الجايه فى الفريزر
ولما بقرر اعمل بطلعها قبلها بيوم فى الرف اللى تحت الفريزر
وبلاقيها تانى يوم عسل وزى الفل
https://up.3almc.com/uploads/3almc.n...6576777813.jpg
https://up.3almc.com/uploads/3almc.n...6576779424.jpg
يارب تكونو استافدتو من الموضوع الملزق ده
ههههههههه
قيمى يا حاجه انتى رايحه تجربى فى المطبخ وسايبانى بعد ماتعبت فى الصور
ده حتى مش حلو على عقلى الباطن
ههههههههه
https://up.3almc.com/uploads/3almc.n...4562817838.gif