منتدي عالمك - طريقة عمل الديك الرومي بالخلطة،خلطة الديك الرومى فى الفرن،طريقة عمل الديك الرومى،تحضير الديك الرومى

http://files2.fatakat.com/2013/2/13616416171792.gif

وحش السفرة
طريقه عمل الديك الرومى المحشى

https://up.3almc.com/uploads/3almc.c...4253011478.jpg
ازيكم يااحلى بنات
النهارده عملت جريمه هههههههههههه عمرى ما اتوقعت انى ممكن اعملها خالص
بس غمرت وجربت والحمدلله
وبقيت مش مصدقه نفسى والله انى عملته مش عارفه مش مصدقه ده انا عملت ههههههههههه وطلع ما شاء الله حاضر حاضر هقولكم
مفاجاة هى
طريقة عمل الديك الرومى بالارز ورز بالكبد والقوانص بالصور
مبدايا انا مدورتش على الطريقه فى اى حته قبل مااعمله
انا قررت انى اعمله ودخلت المطبخ وقولت زى ما يطلع والحمد لله نجحت
تعالوا نشوف الصور والطريقة
بسم الله
https://up.3almc.com/uploads/3almc.c...4253012049.jpg
هنا جبت الديك الرومى وزنه حوالى 4كيلو خفت اكبر عن كده ميستويش منى
غسلته كويس من برة ومن جوة بالملح والدقيق ودعكت جلده كويس لحد ما لمع كده
https://up.3almc.com/uploads/3almc.c...4253007491.jpg
بعدين تبلته
بالشكل ده من برة ومن جوة وفرغت بين الجلد واللحم وحطيت التتبيله كمان
غرقيه بالتتبيله كأنك بتحميه بالظبط والتتبيله دى عبارة عن
4 بصلات كبار مبشورين - 3 فصوص ثوم مهروسين _
معلقتين زبادى كبار (علبة زبادى صغيرة) _ حوالى ربع كوباية زيت درة
والتوابل بقى
(ملح_فلفل اسود_كمون_بهارات_كسبرة ناشفه_جوزة الطيب_ ورق لورى_
حبهان_زنجبيل فريش او مطحون_معلقة كركم صغيرة
ولو حابة تحطى معلقة صلصة طماطم تمشى بردو بس انا محطتش
ولو بتحبى الاكل مشطشط ممكن تحطى معلقه فلفل حار مطحون
التوابل طبعااا بتقدريها وانتى بتحطيها يعنى اظبطيها لا كتير ولا قليل
مش قادرة اقولكم قد ايه بالظبط لانى بحط بالبركة كده وماشاء الله
بتطلع مظبوطه بس تقريبا هى مقدار معلقه صغيرة
بعد ما حميناه بالتتبيله بالشكل ده اركنيه على جنب شويه وتعالوا نحضر الصينيه
اللى هنسوى فيها
معلومة :
ممكن تتبليه من بالليل وتشيليه فى الثلاجه يكون احلى واحلى
بس لما تيجى تسويه يكون بقى بدرجه حرارة الغرفه
https://up.3almc.com/uploads/3almc.c...4253008122.jpg
هنا قطعت بصل جوانح وجزر حلقات وفلفل اخضر قطع وبطاطس قطع
بردو ومعاهم ورق لورى وحبهان ورشة ملح وفلفل
وقلبتهم فى بعض وفردتهم فى الصينية بالشكل ده
وحطيت شوية من الخضار ده بردو جوة الديك
https://up.3almc.com/uploads/3almc.c...4253008693.jpg
حطيت عليهم الديك وهو متبل كده ولو عندك شوريه حطى كوباية شوربه فى الصينيه
ولو معندكيش ممكن مية عادى دى بس عشان الخضار مايتحرقش فى الفرن
على ما الديك يبدا يحس بالحرارة وينزل ميته وكله يستوى مع بعضة
https://up.3almc.com/uploads/3almc.c...4253009254.jpg
بعدين لفيت الصينيه كلها بالورق الفويل
وقفلته كويس من الجناب عشان امنع دخول الهوا خالص
والديك يستفيد من حرارة الفرن كلها
وكنت طبعااا مولعه الفرن بقاله يجى ربع ساعه يسخن على درجه عاليه
معرفش كام لانه مفيش ارقام عندى
بس هو اعلى حاجه عندى ودخلته الفرن وانسيه على الاقل ساعة ونص
متفتحيش عليه نهائى وحطيته على الشبكه فى اول رف فوق ارضية الفرن عالطول
عشان يستوى كويس
نسيبه يستوى بقى وتعالوا نشوف الرز بالكبد والقوانص
غسلت طبعاا الكبد والقوانص والقلب بتوع الديك كويس بالملح والدقيق
وقطعتهم قطع صغيرة
وجبت حلة خرطت فيها بصله صغيرة ولما بدات تصفر شويه حطيت عليهم
الكبد والقوانص المقطعه
وقلبت لحد ما لونهم اتغير بالشكل ده
https://up.3almc.com/uploads/3almc.c...4253009815.jpg
وحطيت عليهم نص كوبايه ميه عشان القوانص تستوى كويس وحطيت التوابل بقى
ملح وفلفل وكمون بسيط وكسبرة ناشفه بردو قليل جداا
ونص معلقة كركم ورشة جوزة الطيب
ولو عندك بهارات الكبسة حطى معلقة صغيرة ومعاهم فصين حبهان
وقلبت كله مع بعضه وسيبته حوالى 5 دقايق بس شرب ميته
وحطيت عليهم الرز
بعد ما غسلته كويس وصفيته من ميته وحطيت معيار الميه بتاعه وسيبته على نار عاليه
وبمجرد ما شرب ميته تهدى النار خااااااااااااالص
واوعى تقلبى وهو ده سر الرز المفلفل
https://up.3almc.com/uploads/3almc.c...4253010376.jpg
شوفوا لونة حلو ازاى؟؟
الكركم هو اللى مديله اللون ده والريحة بقى خطيرة
غطى بقى عليه وسيبيه حوالى ربع ساعه والنار هاديه خالص
بعدين قلبيه فى الاخر خالص بعد ما يستوى
واغرفى احلى رز مفلفل بالكبد والقوانص وده شكله بعد الغرف
https://up.3almc.com/uploads/3almc.c...4253010927.jpg
نرجع بقى للديك اللذيذ بتاعنا اللى ريحته جوعتنا وهو بيستوى
كشفت عليه بعد ساعتبن لقيته استوى زى الفل والخضار اللى تحته كمان
كشفت الفويل من عليه وولعت الشوايه وقلبته على الاربع جناب عشان يتحمر
وده شكله النهائى بعد التحمير والعذاب وبعد ما عذبنى بريحته
https://up.3almc.com/uploads/3almc.c...4253011478.jpg
https://vb.3lmik.com/images/smilies/asmaile(25).png https://vb.3lmik.com/images/smilies/asmaile(25).png
وبألف هنا وشفا على قلبكم ياقمرات
جربوه وادعولى بصلاح الحال
يارب يعجبكم https://vb.3lmik.com/images/smilies/asmaile(23).png https://vb.3lmik.com/images/smilies/asmaile(23).png
ربنا يجازيكم خير ياقمرات..
http://files2.fatakat.com/2013/2/13616419921371.gif