منتدي عالمك - صنيه كفته بالبطاطس و البشاميل"ورز بشعريه بالصور

https://up.3almik.com/uploads/3almik...1915223477.png

صنيه كفته بالبطاطس و البشاميل"ورز بشعريه بالصور

https://up.3almc.com/uploads/3almik....4274756458.jpg

كنت حيرانه ومش عارفه أعمل أكل إيه حيره كل يوم
"امبارح" وكان عندى لحمه مفرومه صحبتي ربنا يباركلها يارب قالتلي علي الاكله دى كنت مقلقه جدا
لجوزى ميحبهاش أو متعجبنيش بعد معملها وكنت هطلب دليفرىاتجرات وقولت أجرب مش مهم اى حاجه المهم
أحس إني بجدد ف الاكل هى مش اختراع ولا حاجه مش معروفه لا أكيد كلكم
عارفينها وأنا شوفتها كتير بس عمرى مجربتها والحمد لله عملتها وكانت تحفه والله العظيم ريحتها
وهى ف الفرن تموت وطعمها يهبلوالقيم الغذائية إللي فيها عاليه جدا والاطفال هتحبها وجوزك هيحبها وهيحبك معاها
"صنيه كفته بالبطاطس و البشاميل" وعملت معاها رز بشعريه
جربوها مش هتندموا واهو تغيرقولولي رايكم بقي
الطريقه و المكونات تحت كل صوره
https://vb.kntosa.com/images/smilies/bsmile (27).pngتعديل يا جماعه
أولا واتمنى انها تعجبتكم وهتجربوها إن شاء الله
ثانيا السؤال البطاطس نيه ولا مسلوقه لا نيه وهتستوي والله إن شاء الله قطعيها رفيع
لو قلقانه متستويش بس هتستوى صوص البشاميل هيسوى البطاطس و الكفته و الكفته برده نيه
مش محمره وممكن تستغنوا عن البيضه عادي مش مشكله بس هى مش هتدي طعم وحش خالص
ولا هتبان أصلا أنا حطيتها عشان تمسك معايا بس متقلقوش وجربوا وهتعجبكم إن شاء الله وبتشبع جدااااااااااااا
ده حوالي نص كيلو لحمه مفرومه
بشرت ٢ بصله متوسطه أخدت التفل وسبت المايه و معلقتين كبار بقدونس مفروم وملح وفلفل اسود ومعلقه صغيره بابريكا و توابل كفته و بقسماط ناعم وبيضه وربع معلقه صغيره بيكينج بودر ومعقلقين كبار مايه واخلطى كل ده مع بعض وسيبيها نص ساعه ف التلاجه
https://up.3almc.com/uploads/3almik....4274743221.jpg
بعد كده كورت الكفته بالشكل ده
https://up.3almc.com/uploads/3almik....1427474592.jpg
وجبت ٣ حبات بطاطس متوسطه وقشرتهم وقطعتهم حلقات متوسطه ولا رفيعه آوى ولا تخينه آوى وحطيت رشه ملح ورشه فلفل ورشه كارى تبلت البطاطس يعني وقلبت كل ده مع بعض
https://up.3almc.com/uploads/3almik....4274747763.jpg
بعد كده عملت صوص البشاميل
٣ ملاعق سمنه و ٣ ملاعق دقيق واقلب مع بعض علي النار طبعا بعد كده حطيت مكعب مرقه وملح وفلفل اسود وقلبت وبعد كده حطيت اللبن ميكونش سخن طبعا عشان ميكلكعش استخدمت ٢ كيس لبن بخيره يعني كيلو لبن بضيف اللبن وحده وحده مع التقليب باستمرار لحد م تعملي صوص البشاميل ولا تخين ولا خفيف آوى متوسط كده
https://up.3almc.com/uploads/3almik....4274749534.jpg
بعد كده جبت البيركس ودهنته ماده دهنيه أنا دهنت سمن بحسه احلي من الزيت ورصيت البطاطس من الجنب الصنيه كلها وبعد كده الكفته واعمل فاصل بالبطاطس بالشكل ده
https://up.3almc.com/uploads/3almik....4274751395.jpg
بعد كده حطيت صوص البشاميل وحطيت جبنه موتزريلا من فوق ودخلت الفرن علي درجه حراره ٢٠٠ علي الشبكه قعدت نص ساعه تقريبا
https://up.3almc.com/uploads/3almik....4274753076.jpg
ودى شكلها بعد مخرجت من الفرن طبعا فتحت الشوايه أخدت لون محطيتش بيض علي الوش اللون الاصفر ده من فلاش الموبيل
https://up.3almc.com/uploads/3almik....1427475477.jpg
رشيت شويه بقدونس من علي الوش واداها طعم حلو جدا
https://up.3almc.com/uploads/3almik....4274756458.jpg
ودى بقي لما قطعتها الكفته غرقانه صوص والبطاطس مع الوتزريلا طعم حلو جدااااا
https://up.3almc.com/uploads/3almik....4274758299.jpg
وده بقي رز بشعريه غسلت كوبايه رز وبعد كده جبت حله علي النار حطيت زيت ونص معلقه سمنه وحطيت الشعريه حمرتها وبعد كده ضفت الرز فضلت اقلب كتير عشان يطلع مفلفل وحلو وأنا بقلب حطيت مكعب مرقه وملح وفلفل بحب احطهم قبل مضيف المايه واقلبهم شويه وبعد كده ضفت المايه غطت الرز بشويه واستوى وبقي كده
https://up.3almc.com/uploads/3almik....2747599610.jpg
https://up.kntosa.com/uploads/kntosa...2437669533.gif https://up.3almik.com/uploads/3almik...9152238068.png