زمن المضارع البسيط present simple tense
السلام عليكم ورحمة الله وبركاته ازيكم يا أخواتى وابنائى الغاليين وحشتونى ووحشنى المنتدى جدا ربنا يبارك فيكم وفى القائمين عليه خطر فى بالى اتكلم عن المضارع البسيط معاكم ان شاء الله وهو موجود عند ابتدائى واعدادى كمان ربنا يوفق الجميع يارب المضارع البسيط زمن يستخدم للتعبير عن حقيقة ثابتة أو عادة متكررة ويتكون من التصريف الأول للفعل يعنى الفعل فى المصدر بدون إضافات اذا كان فاعل الجملة I-We-They-You -اسم جمع ونضيف للفعل حرف s أو es أو ies إذا كان فاعل الجملة He-She-It-اسم مفرد مثال I pay football everyday He plays football everyday مع ملاحظة أننا نضيف للفعل es إذا انتهى بأحد هذه النهايات {s-ss-ch-sh-o-x} مثلا فعل go اذا كان الفاعل قبله مفرد غائب نجده منتهى بo فنضيف له es فيصبح goes وإذا كان الفعل منتهى بحرف y قبلها حرف ساكن نحول الy إلى ies مثل فعل cry لو كان الفاعل قبله مفرد غائب يتحول إلى cries She cries loudly أما لو سبق حرف الy حرف متحرك لا نحولها iesونضيف لها s عادى مثل play لو الفاعل معها مفرد غائب نضيف لها s عادى جدا He plays tennis ملاحظة هامة فعل be لا يقبل قاعدة المضارع البسيط يعنى لا نضعه فى المصدر ونضيف له s كما ذكرنا ولكن يتحول تماما إلى 3 أشكال هم am -is--are حسب فاعل الجملة مع ملاحظة ان am -is-are هنا أفعال أساسية وليست مساعدة هى مساعدة فى زمن آخر اسمه المضارع المستمر لكنها هنا أساسية ومعناها يكون الفعل الأساسى هو الذى يحمل معنى وهو الذى نترجمه فى الجملة مثال He is happy هو يكون سعيد is هنا أساسية وزمنها مضارع بسيط He is playing football هو يلعب كرة القدم is هنا مساعدة وزمنها مضارع مستمر هناك كلمات اذا اتت فى الجملة تعتبر علامات للزمن يعنى نختار الزمن مضارع بسيط على طول مثل always -sometimes-usually-often-every الأفعال المساعدة فى زمن المضارع البسيط اثنان do-does وتظهر فقط فى الجملة المنفية والسؤال فى النفى نستخدمها ونضيف لها not مثال He does not like rice I do not sleep late لاحظ الآتى do تأتى اذا كان فاعل الجملة I-we-you-they -اسم جمع does تأتى إذا كان فاعل الجملة he-she-it-اسم مفرد وبعد do not او does not يأتى الفعل فى المصدر لاحظ ايضا ان do not =don't does not =doesn't السؤال فى اللغة الانجليزية نوعان سؤال يبدأ بفعل مساعد ونجيب عنه بyes أو No وسؤال يبدأ بأداة استفهام ونجيب عنه بجملة كاملة ونضيف فيها المعلومة التى تسأل عنها أداة الاستفهام النوع الأول فى زمن المضارع البسيط يتكون من Do/Does+subject+inf مثال Does he like rice عند الاجابة عليه نقول yes ,he does No,he doesn't السؤال البادئ بأداة استفهام يتكون من Question word+do/does+subject+inf Where do they go? They go to school عند الإجابة على هذا السؤال نتبع الخطوات الآتية 1- نحذف أداة الاستفهام 2- نحذف do أو does 3- نبدأ جملة الإجابة بفاعل السؤال ويكون ثالث كلمة فى الجملة وربما كان اكثر من كلمة لو كان اسمين جمع مثل Ali andAhmed 4-نكتب الفعل الأساسى الذى فى السؤال 5-ناخد بالنا لو كنا حاذفين do نترك الفعل فى المصدر ولو كنا حاذفين does نضع للفعل s او esأوiesحسب اخر حرف فى الفعل 6-ننزل باقى السؤال كما هو ثم نضيف المعلومة اللى بتسأل عنها الأداة مثال للتوضيح When does he go to school 1-حنحذفwhen 2-نحذف does 3-ونبدأ الاجابة ب He 4-ثم نضع الفعل الاساسى وهو هنا go 5-ونقف عند الفعل ونفكر احنا حذفنا فعل مساعد ايه احنا هنا حذفنا does فنضع للفعل s ولكن اخر حرف فى الفعل هو o فنضيف له es فيصبح goes 6-ثم ننزل بباقى الجملة to school ثم نضيف المعلومة التى تسأل عنها الأداة وهى مثلا everyday كل يوم فتكون الاجابة هى He goes to school every day أتمنى من الله الأسلوب يكون سهل اتكلمت باللهجة العامية احيانا لانى اعتبرته حصة بشرحها وربنا يوفق أبنائنا وبناتنا جميعا يارب الحمد لله رب العالمين وأشوفكم فى قاعدة أخرى ان شاء الله فى أمان الله |
رد: زمن المضارع البسيط present simple tense
حمدلله على سلامتك ياروح قلبى نورتى المنتدى وانتى كمان وحشتينى قوى والله ربنا ما يحرمنا منك ولا من وجودك وسطنا موضوع مميز كعادتك ربنا يجعله فى ميزان حسناتك |
رد: زمن المضارع البسيط present simple tense
اقتباس:
المنتدى منور بيكم يارب دايما متجمعين فى الخير جزاكِ الله خيرا على كلامك الطيب ربنا يبارك فيكِ ويرضى عليكِ يارب |
الساعة الآن 05:29 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.