منتدي عالمك - طريقة عمل وجبة الكنتاكى كاملةفى البيت,عمل لارز الريزو والكلو سلو والمايونيز فى البيت

https://up.3almik.com/uploads/3almik...2908664941.gif

https://up.3almik.com/uploads/3almik...2908669043.jpg

الكنتااااااكي والارز الريزو والكلو سلو والمايونيز كمان عملناه ف البيت
مابنجيبش حاجه من بره
اكل مطاعم نعمله ف البيت احلي واطعم منهم
يلا طلعي مهاره الشيف اللي جواكي وقومي اعملي كنتاكي
الطريقه والمقادير
هاتي فرخه وزنها مش كبير وخلي الرجل يقطعهالك ٨قطع وشيلي منها كلها الجلد واعملي فيها فتحات بسن السكينه
اغسليها كويس اوي بالملح والخل واشطفيها كويس
وف طبق واسع حطي كوبايه خل علي كوبايه ميه وانقعي قطع الفراخ فيها نص ساعه مفهووووم نص ساعه هتلاقي الفراخ شكلها ابيض واحلوت كاننا عملنالها حمام مغربي
نحضر التتبيله ف الوقت دا
هاتي بيضه واضربيهاىبالشوكه نزلي عليها ٣ فصوص توم مفرومين ومعلقه صغيره من التوابل دي فلفل اسمر كركم كاري زعتر بابريكا وشطه حسب الرغبه كسبره ناشفه ومعلقتين نشا و نص كيس بيكنج بودر و ملح وكوب دقيق وربع كوب خل وقلبي وابداي زودي ميه لحد القوام مايوصل زي خليط الكيكه كدا بس اخف سنه
نشطف الفرخه كويس ونصفيها من الميه وننزل بيها ع الخليط اللي عملناه ونسيبها لحد وقت التسويه وكل ماتسيبيها ف الخليط يكون افضل
وقت التسويه
كوب دقيق واخلطي عليه نفس التوابل وباقي كيس البيكنج بودر والنشا وقلبيهم
هناخد قطع الفراخ من الخلطه وننزل بيها ع الدقيق اللي بالتوابل ونحرك قطع الفراخ عشان تتغلف بالدقيق من غير مانبططها عشان تدينا شكل القرمشه الحلو
وهوووووب علي زيت غزير سخن ٥ دقايق علي نار وسط و٥ دقايق علي نار اهدي شويه وطلعيها وبالف هنا
الارز الريزو والكلو سلو ع الصور
وماتنسوش تدعولنا دعوه حلوه ياحلوين انتو
وصحتين وهنا ⁦
https://up.3almik.com/uploads/3almik...2908705758.gif
الارز الريزو
اغسلي الرز بالكميه بتاعتك وصفيه
بصله صغيره متقطعه ناعم
معلقه صغيره عسل اسود
توابل
حله ع النار وحطي زيت وانزلي بالبصله تتشوح دقيقه وانزلي بالرز وقلبي وضيفي نص معلقه صغيره كركم وكاري وبابريكا وقرفه ناعمه وشطه لو عايزه وملح واول ماتشمي الريحه الجباره دي انزلي بالميه المناسبه كميه الارز ومعلقه عسل اسود صغيره ودوقي ضبطي الملح ويغلي ويتشرب ووطي عليه وكدا تومااام
قطع الفراخ بقا بتقطعي قطع الفراخ مكعبات او زي ماتحبي وننزلها ف معلقتين دقيق متبلين بملح وفلفل وبابريكا وكاري وكركم ومعلقه نشا وع الزيت السخن وبس كداهون
قدمي الرز بالطريقه اللي تعجبك وقطع الفراخ ع الوش وغرقيه بالكاتشاب
واللي يحب طريقه الكاتشاب بتاعي ع الجروب موجوده
وصحتين وهنا

https://up.3almik.com/uploads/3almik...2908678914.jpg
https://up.3almik.com/uploads/3almik...2908705758.gif
طريقه احلي كلو سلو
كرنب مقطع وجزره مبشوره
٣ معالق كبار مايونيز ومعلقه كبيره مليانه عسل ابيض ومعلقه صغننه خل
في بوله اخلطي المايونيز مع العسل والخل وانزلي بالكرنب المتقطع وماتحطيش الجزر الا عندالتقديم او قبله بنص ساعه لانه بينزل لونه
وقلبي كويس وادعيلي

https://up.3almik.com/uploads/3almik...2908687165.jpg

https://up.3almik.com/uploads/3almik...2908695276.jpg
https://up.3almik.com/uploads/3almik...2908705758.gif
طريقه المايونيز
صفار بيضه ومعلقه خل وكوب زيت
نخلط الصفار مع الخل دقيقه بالمضرب الكهربا ونبدا ننزل بكوب الزيت سرسوب رفيع جدااااااا واحنا شغالين بالمضرب عشان القوام يربط لحد مانخلص كوبايه الزيت هتلاقي المايونيز جاهز معاكي والف هنا

https://up.3almik.com/uploads/3almik...2908701057.jpg

https://up.3almik.com/uploads/3almik...2908667062.gif