طريقة عمل الكبده علي اصولها مثل المحلات وعربيات الكبده
https://up.kntosa.com/uploads/kntosa...2492849441.gif الكبده الكبده الكبده والنبي ده انا مجرم كبده الكبده مش شويه زيت وشويه فلفل لا لا لا ابسلولتلي يافندم الكبده حب وفن حب الطاسه تحبك https://up.3almc.com/uploads/3almik....7433237681.jpg الفن مش انك ترسم لوحه بس هو الفن لا لا الفن انك تعمل شويه اكل بعد ما تكلهم تحس انك قايم عامل دماغ قراقيش متكيف اكنك شارب سيجاره وفنجان قهوه طيب حضرتك هتجيبي كبده شعريه من اي بتاع كبده مستورده نحطها في بوله او طبق ونحط عليها شويه خل مظبوطين ونسيبهم شويه نص ساعه ولا حاجه عقبال ما نقطع ٨ قرون فلفل رومي و٣ فلفل حامي ونجيب الطاسه بقي هنحط زيت مش قليل ومش كتير بنظرك هتحسيه علشان تطلع الكبده جوسي شويه فيها روح ونحط جوه الزيت حته ثوم مفروم ونقلبهم جوه الزيت مش لحد ما تستوي الثوم لا هي مجرد تقلبتين ٣ واقوم نازل ببوله الكبده بخلها علي الزيت ونسيبها دقيقه ونقلب كله في بعضه طيب وبعدين نجيب كوبايه ونحط فيها معلقه ثوم مفروم وشويه خل وشويه مايه ونضربهم في بعض وهنسقسق بيهم كل شويه علي الكبده نرجع للكبده نقلبها ونحط شويه فلفل اسمر ان هو مش هيأثر اوي لو ما اتحطش ومعلقتين كسبره ناشفه كسبره علي الكبده اه كسبره ومعلقتين بهرات اي نوع ونقلب ونفضل نقلب كل فتره وبعد كده نسقسق من كوبايه الماده الي شاده الخل والثوم ومايه بمعلقه ونرمي علي اطرف الطاسه من جوه لحد ما نخلص الكوبايه ونحط الملح بتاعنا وشويه بهرات صغيرين تاني ومعلقه كسبره ونخلي الفلفل في الاخر قبل ما تستوي بحاجه بسيطه ونقلب تقلبتين ونقعد نرفع في الزيت الي تحت علي وش الكبده في التقليب كام مره علشان الصوص ده يطعم الطاسه كلها حد جرب يأكل بقي كبده من دي وبطاطس محمره اه بطاطس محمره وعيش بلدي صابح وتعمل اللقمه ودنه زي الملوخيه كده وتحط جواها بطاطستين مقرمشين وتغمس في الكبده بصوصها وكل بقي وشويه الطحينه وفينو وتعمل نوعين من الكبده كبده تغميس وسندوتشات فينو ان شاء الله البوست الجاي نقولكم علي طاجن المكرونه بالحمه والفراخ بتاع المحل ازاي نطلعه في البيت بنفس الجوده https://up.3almc.com/uploads/3almik....7433237681.jpg https://up.3almc.com/uploads/3almik....4743323942.jpg https://up.kntosa.com/uploads/kntosa...2492856292.gif |
الساعة الآن 01:37 PM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.