طريقة عمل معجنات بالعجوه،معجنات وفطائر بالجبنه،طريقة عمل معجنات وفطائر في خطوات بسيطة
https://up.kntosa.com/uploads/kntosa...5737241441.gif السلام عليكم يا( منتدى عالمك ) تحياتى لكم جميعا أينما كنتم ..صباح أحلى معجنات لسه خارجة من الفرن داخلين بقى على امتحانات والطلبة محتاجين تصبيرة بين الوجبات https://up.kntosa.com/uploads/kntosa...0607918864.jpg وبفضل الله المقادير دى للى لسه مجربهاش مظبوطة جدا واللى جربوها عارفينها طبعا المقادير : كيلو دقيق(٨ أكواب ) _علبتين زبادى (الحجم الصغير١٠٥ جرام )_كوب زيت_كيس خميرة (دريم)_ ( ٣) معالق سكر_ (٣)معالق كبار لبن بودرة_ بيضة (حناخد البياض للعجينة والصفار لدهان الوش )_ معلقة كبيرة بيكنج بودر _رشة ملح _معلقة خل كبيرة _سائل دافئ للعجن (حوالى كوب ونصف أو كوبين على حسب نوع الدقيق..احتاجت كوب لبن وكوب ماية )_كيسين فانيليا الطريقة: *فى بولة عميقة حنحط كيس الخميرة والسكر وكوب لبن دافئ (أو كوب ماية )وكوب دقيق (من الكيلو اللى معانا)ونقلب كويس ونغطيهم ونسيبهم حوالى خمس دقايق (الخطوة دى بنسميها تربية الخميرة ) حنلاقى الخليط تفاعل وارتفع جدا *فى وعاء العجن حنضع باقى المكونات ...الدقيق (ناقص الكوباية اللى خدناها) ونضيف عليه الملح والبيكنج بودر واللبن البودرة واقلبهم كويس قوى وبعدين نضيف الزبادى والزيت والخل وبياض البيضة(مضاف لها الفانيليا ) . ونضيف خليط الخميرة ونعجن كويس قوى لغاية لما العجينة تلم ...وحنحتاج نصف كوب -أو كوب ماء آخر . *.غالبا مجموع السائل (كوب ونصف أو كوبين ) *حندهن سطح العجينة بقليل جدا من الزيت ونغطى العجينة ونتركها حتى ترتاح وتخمر . *وابدأ اشكل العجينة ..واحشيها ..انا بحشى( جبنة وزيتون )...او (جبنة وزعتر )...أو ( عجوة ) *قبل مادخل الصينية الفرن على طول بادهن الوش بالفرشة بخليط من (ربع كوب لبن وصفار البيضة وفانيليا ) *طريقة التشكيل موضح فى الصور *أكون مشغلة الفرن على (٢١٠) قبل مادخل الحاجة ...علشان المعجنات ماتنشفش .. وبعدين على الشبكة فى نصف الفرن لمدة حوالى (١٠)دقايق...لو الوش اتلون يبقى تمام ...أو ارفع الشبكة درجة لفوق علشان الوش ياخد لون ... مش ححتاج اشغل الشواية *ومهم قوى اى معجنات اطلعها من الفرن احطها على فوطة نضيفة واغطيها بفوطة كمان (عرق المعجنات حيخليها تفضل طرية ومش حاحتاج ارش عليها ماية ولا حاجة )... العجينة بفضل الله جميلة .ومظبوطة جدا ...ولما تتعودى عليها حتلاقيها سهلة جدا .. يارب تعجبكم والف هنا وشفا (وما توفيقى إلا بالله) ملاحظات : *بكرر اخبزى فى صوانى الومنيوم أفضل لتوزيع درجة الحرارة *اللبن البودرة مش أساسى فى الوصفة ...دى اضافات تحسين يمكن الاستغناء عنها *طبعا بعد ماأشكل العجين بسيبه يخمر حوالى نصف ساعة على ماخلص كل العجينة أبدأ أخبز أول صينية خلصتها *العجوة بجهزها ..بعجنها بالزبدة والسمسم وشوية قرفة كل ده على البارد علشان متنشفش فى المعجنات _الصينية مدهونة زيت طبعا _أول مايخرج من الفرن بقطاعة البسوسة بحرك المعجنات من مكانها قبل ماتبرد وتلزق فى الصينية _العجينة بتكون ناعمة وطرية بس مش بتلزق فى الإيد وكل لما تعجنى فيها بتدى نتيجة أحلى _الزبادى المستخدم بدرجة حرارة المطبخ علشان مايكونش من التلاجة يأثر على مفعول الخميرة https://up.3almc.com/uploads/3almik....0754728891.jpg https://up.3almc.com/uploads/3almik....0754736692.jpg https://up.3almc.com/uploads/3almik....9075474153.jpg https://up.3almc.com/uploads/3almik....0754747634.jpg https://up.3almc.com/uploads/3almik....0754753595.jpg https://up.3almc.com/uploads/3almik....0754761646.jpg https://up.3almc.com/uploads/3almik....0754762847.jpg https://up.3almc.com/uploads/3almik....0754771689.jpg https://up.3almc.com/uploads/3almik....0754765768.jpg https://up.3almc.com/uploads/3almik....7547767710.jpg https://up.3almc.com/uploads/3almik....0754780711.jpg https://up.3almc.com/uploads/3almik....7547879612.jpg https://up.3almc.com/uploads/3almik....7547893513.jpg https://up.3almc.com/uploads/3almik....7548187914.jpg https://up.3almc.com/uploads/3almik....7548214315.jpg https://up.3almc.com/uploads/3almik....0830899861.jpg https://up.3almc.com/uploads/3almik....0830901782.jpg https://up.3almc.com/uploads/3almik....0830903443.jpg https://up.3almc.com/uploads/3almik....0830905434.jpg https://up.kntosa.com/uploads/kntosa...5737273062.gif |
الساعة الآن 06:06 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.