طريقة عمل كبسة الفراخ بالارز البسمتى،كبسة فراخ بالارز المصري،بالخطوات طريقة عمل كبسة الفراخ السعودية
https://up.kntosa.com/uploads/kntosa...2492849441.gif ازيكوااا يا حلويييين يااا رب كلكوا تبقوا بألف خير لازم نرجع بحاجة حلوة كدااا و سهله و سريعه https://up.kntosa.com/uploads/kntosa...7761867151.jpg كبسة الفراخ بجد طعمها وهمى بالطريقة دى جربوها و مش هتندموا ابدا https://up.kntosa.com/uploads/kntosa...7761869492.jpg و شوفوا الڤيديو اللى مع الصور و أد ايه الفراخ مستويه اووى المقادير فرخه متقطعه ٨ قطع بصلة مفرومه او مبشورة م ص مليانه ثوم مفروم م ص مليانه زنجبيل مفروم يفضل فريش ٢ طماطم مضروبين او مبشورين ٢ كوب رز بسمتى ملح / فلفل أسود / بهارات فراخ / رشة كمون / م ص كركم / م ص كارى /م ص بابريكا / م ك بهارات كبسة / عود قرفة / ٢ لومى (ليمون مجفف) /٢ ورق لورا / ٣ قرنفل / ٣حبهان ٢ م ك زيت مكعبين زبده الطريقة طبعا نكون غسلين الفراخ كويس اووى بملح و خل و دقيق و لو قلقانين اووى من الزفاره الزنجبيل البودره بيضيعها خالص و بعد كدا نغسلها بالمايه كويس و نحطها فى محلول النقع اللى هوا مايه ساقعه و م ك ملح و م ك سكر و ليمونه نعصرها و نسيب القشر و نحط الفراخ فى المحلول دا نصف ساعه عاوزه اقولكوا هتستوى بسرعه اووى و هتكون طريه من جوا و دايبه و الخطوه دى مهمه اووى هتفرق كتير بعد النص ساعه نشطفها و نصفيها و نتبلها بملح و فلفل و توابل فراخ بعد كدا نجيب حله سخنه و تكون حله واسعه علشان تاخد الفراخ كلها جنب بعض يا نقسم الفراخ و نحمرها على مرتين هنسخن الحله اووى و نضيف الزيت و الزبده و كل دا على نار عاليه اول ما يسخن هنحط الفراخ على الجزء اللى فيه الجلد الاول تاخد لون حلو و تتكرمل و نقلبها الناحية الثانيه و نطلعها على جنب و مكانها هنحط البصله و نقلبها اول ما تدبل هحط كل البهارات اللى كتباها مع بعضها و نقلب و نضيف الثوم و الزنجبيل و اول ما نشم ريحتهم نرجع الفراخ تانى و بعد كدا الطماطم و احط مقدار المياه بقى ٥ كوبايات لان كوب الرز البسمتى بياخد كوبايتين و نعمل حساب ان الفراخ هتشرب شويه من المياه كوب تقريبا اول ما تغلى هنوطى و نسيبها نص ساعه هنلاقى الفراخ دخلت فى السوا هنضيف الرز انا بستخدم (دريا ) حلو اووى ابو كاس برضه حلو و نقلب و لما المياه تتشرب هنوطى و نسيبه ٢٠ دقيقة بالكتير هنلاقيه استوا و بقى تحفه و الفراخ هتبقى دايبه انا حمصت شويه مكسرات و قدمتها معاه بتبقى حلوه اوى جربوا الوصفه و ان شاء الله تعجبكوااا بألف هنا و شفا https://up.kntosa.com/uploads/kntosa...7761867151.jpg https://up.kntosa.com/uploads/kntosa...7761869492.jpg https://up.kntosa.com/uploads/kntosa...7761871313.jpg https://up.kntosa.com/uploads/kntosa...7761873224.jpg https://up.kntosa.com/uploads/kntosa...2492856292.gif |
الساعة الآن 09:20 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.