منتدي عالمك - اوعى تسمع كلام الناس !!! ثق فى نفسك ، كلام الناس.. و تأثيره على حياتنا

https://up.kntosa.com/uploads/kntosa...5737241441.gif

https://up.kntosa.com/uploads/kntosa...3421001731.jpg
* تكون متجوزة وتقولك متتجوزيش!
* ويكون عندها بدل الطفل أربعة وتقولك متخلفيش!
* ويكون مسافر وكان بيموت نفسه عشان يتغرب ويقولك الغربة وحشة اوعى تسافر خليك عندك!
* ويكون بيتعلم لغة جديدة ويقولك دة صعبة مش هتعرف تتعلمها!
* وتكون بتهتم بصحتها ونفسها تخس وبتجرب كل
يوم ريجيم وتقولك متتعبيش نفسك
* انتى حلوة كدة واللى مش عاجبه يتفلق!
* تكون بتشتغل وعندها كيان ومعاها فلوس وتقولك
متشتغليش وتحسسك أنها بتحسدك على الراحة !
وغيرهم كتير من اللى حققوا حاجة كانوا بيحلموا
بيها وعمرهم ما فكروا يسيبوها لكن عايزين يحرموك
من حقك انك تحققها وواثقين فى فشلك من قبل حتى ما تجرب.
هما دول اسوا ناس ممكن تسمع منهم نصيحة
سواء اللى حظه وحش وفشل وفاكر أن كل الناس
هتغلط نفس غلطه وتفشل. .
أو اللى نجح وبيغزى العين أو مش عاوز حد
ينجح غيره. ..
* اللى عايز ينصحك هيقولك الغلط اللى مر بيه فى تجربته عشان تتفاداه مش هيمسك شاكوش
ويكسر حلمك 100 حته قدامك .
متسمعش غير للى بيشجعك ويزقك لقدام
مش للى بيبذل قصارى جهده عشان يشوفك بتفشل
عشان يحس بالرضا عن نفسه .
اسمع نفسك وصدق انك تقدر وثق أن ربنا هيسخرلك
كل حاجة عشان هو اللى قال
* "انا عند ظن عبدى بى فليظن بى ما يشاء" *
https://up.kntosa.com/uploads/kntosa...3421001731.jpg

https://up.kntosa.com/uploads/kntosa...5737273062.gif