منتدي عالمك - طريقة عمل الكحك الدايب

صباح مسكر للناس السكر
ياكحك العيد ياااحنا

https://up.3almc.com/uploads/3almik....1859401214.jpg
مامستعجلين ياااحنا
طب لسه بدرى واحنا مااالنا
معلش اتأخرت شويه بس وعد ونفزت اهو حبايب قلبى جبتلكو الداااايب دووووب

وكمان اول مره اعمله ويطلع كده بالشكل ده بجد فظيع يستاهل انكو تجربوه
والله هيبهركو يعنى هيبهركو وعن تجربتى بجد انبهرت منه ومن حلاوت شكله وطعمه الخطير وكالعاده

كل اللى اكل منه كان بيطييييير من حلاوته فى البوق وخفيف وهش وبيدوب دوبات مالهوش ماثيييل

طريقه عمل الكحك للشيف هاله
كحك جدتي للشيف هاله
طريقة عمل الكحك سالى فؤاد

طريقة عمل الكحك العادى
طريقه عمل الكحك فاطمه ابو حاتي
طريقه عمل الكحك الناعم
طريقة عمل الكحك الناشف

((( الكحك الساده الدايب بزياده )))))
من غير اى إضافات ولا حبشتكنات كل اللى هتعمليه انك هتيجى
المكونات دى بس
كيلو دقيق /نص كيلو سمنه عاديه ساقعه / نص كوبايه سكر بودر / نص كوب ميه / ونص كوب لبن/
ومعلقه كبيرة خميرة / ونص معلقه كبيرة بكنج بودر / و3معالق سمسم محمص /

اول حاجه هتكونى حاطه السمنه فى التلاجه علشان تبقى ساقعه

وتطلعيها وهتحطى عليها السكر البودر وهتضربيهم بالمضرب لحد تدوب السمنه خالص

وتيبقى كريمى بالشكل اللى فى الصور بس كده هتكونى جهزتى الدقيق

ونخلتيه كذا مرة وحطيتى عليه البكنج بودر والسمسم وهتحطيهم على الخليط السمنه
وهتعجنى بايدك لحد ماتشرب الدقيق بعد كده تروحى هتحطى نص كوب الميه على اللبن
ومعاهم معلقه الخميرة ومعلقه سكر كمان علشان تساعد فى خمرها بسرعه وتقلبيهم
فى بعض كويس وتصبيهم على العجين وتجعنى وتحاولى تشربيهم كويس بس متعجنش قوى علشان العجينه
متبقاش كاتمه منك وتبقى كابسه فى نص الكحكايه بس يادوب تعجنى بصوابع ايديكى
بس كده انا اخد كوبايه سوايل بس لكن ممكن انتى تاخدى اكتر او اقل على حسب نوع الدقيق
بتاعك بس كده وطلعت برضو بالشكل اللى قدامكو ..

جبت بقى بصامه الكحك والمنقاش وقعد انقش وافنن لوحدى وبمزاج عالى مع نفسى وطلعت الاشكال دى
بس كده خلصت الكميه وطلعو معايا 55 قطعه بجد كميه حلوة بس دخلتهم لفرن من تحت شويه
لحد ماحمرت وخد اللون الدهبى من تحت وبعد كده طلعته فوق لحد برضو مالون وشها لون دهبى
بس كده اول ماطلعته رشيت عليه السكر البودر هتلاقيها شربت السكر

عادى هتحطيلها شويه تانى بس كده ودوقى بقى احلى كحك من غير اى اضافات
ولا افتكاسات دى بتاع زمان بتاع جدتى
ممكن تحشيها اى حاجه ملبن عجوة عجميه براحتك على حسب ماتحبى
بس انا حبيت اعملها ساده دلوقتى

ايه رايكو بقى عجبكم
https://up.3almc.com/uploads/3almik....7185931317.jpg

https://up.3almc.com/uploads/3almik....9718593258.jpg

https://up.3almc.com/uploads/3almik....7185930036.jpg

https://up.3almc.com/uploads/3almik....1859387613.jpg

https://up.3almc.com/uploads/3almik....1859417415.jpg

https://up.3almc.com/uploads/3almik....1859373312.jpg

https://up.3almc.com/uploads/3almik....1859360811.jpg

https://up.3almc.com/uploads/3almik....7185928615.jpg

https://up.3almc.com/uploads/3almik....9718591741.jpg

https://up.3almc.com/uploads/3almik....7185924732.jpg

https://up.3almc.com/uploads/3almik....7185925943.jpg

https://up.3almc.com/uploads/3almik....7185927294.jpg

https://up.3almc.com/uploads/3almik....7185933729.jpg

https://up.3almc.com/uploads/3almik....1859348810.jpg

https://up.3almc.com/uploads/3almik....1859401214.jpg